Jn 19:15 - Chuj San Sebastian Bible

¹⁵ Palta 'ix laj 'awj pax chan̈ eb' jun 'ejm xo: —Cham cab' winac. 'Och cab' win 'a spenc sulus, xchi pax eb'. —¿Tom tzwa'ch jun e reyl tic 'a spenc culs cha? xchi win 'a eb'. Ax ewin sat ya'mal 'och sti eb' 'a Dios, 'ix ta'w pax ewin 'ixtic: —An̈ tic on̈, cojn win yajl 'a Roma qui reyl on̈, may junc xo, xchi ewinac.

Chuj San Mateo Bible

¹⁵ Palta ix laj avaj chaan̈ eb' junelxo: —Chamocab' vin̈. Chamocab' vin̈. Culusejq'ue vin̈, xchi eb'. —¿Tom svac' culusejq'ue vin̈ e reyal tic? xchi vin̈ d'a eb'. Axo eb' vin̈ sat sacerdote ix tac'vi: —A on̈ tic, an̈ej vin̈ yajal d'a Roma co reyal. Malaj junocxo, xchi eb' vin̈.

Jn 19:15 ပူးပေါင်းရင်းမြစ်များ

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Mt 22:17

¿Tas tza na'a? A jun tzo'n̈ tumn tzc'anx 'el 'ayn̈ yuj win yajl 'a Roma, ¿'aym sleyl tzcac'a, mto ma'ay? xchi eb' 'a 'a.

Lc 23:18

Palta ax eb' 'anma cha, xyab'n eb' chajtlto 'ixta'. Yuj cha, xlaj 'awj chan̈ eb' 'ixtic: —A win tic, cham cab' winac. A cab' win Barrabás tz'el 'a libre, xchi eb'.

Jn 18:31

Yuj cha, 'ix yaln pax win Pilato chi 'ixtic: —'Ijec pax 'at win 'a 'aj 'ayex. Mun tze b'o yaj win ta', 'icha tzyal e ley, xchi winac. —Palta an̈ israel on̈ tic on̈, matz tac' qui comn 'a'n 'och chaml 'a yib'n̈ junc mach on̈, xchi ewinac.

Jn 19:6

Ax ewin sat ya'mal 'och sti eb' israel 'a Dios, yet' eb' stan̈mal yatut Dios cha, yic 'ix yiln eb' yel-l 'a sti cha, 'ix q'ue b'uynjoc eb' yaln 'ixtic: —'Och cab' win 'a spenc culus, 'och cab' win 'a spenc culus, xchi eb'. Palta 'ix yaln pax win Pilato chi 'ixtc 'a eb': —'Ijec 'at winac, tzeya'n 'och win 'a spenc culs chi e ch'ocoj. Aln tic, may jac smul win tz'ilchj wu'uj, xchi win 'a eb'.

A Tas Sc'ulejnac Eb' Schecab' Jesús Hechos 13:28

Caw may smul x'ilchj yuj eb', man̈ smojc smil cham eb'. Palta xit' sc'anch eb' chaml 'a yib'n̈ 'a win Pilato, atn win yajal.

A Tas Sc'ulejnac Eb' Schecab' Jesús Hechos 21:36

Tza'n 'och eb' smasnil yu'uj, tzlaj 'awj chan̈ eb' 'ixtic: —Cham cab' win muc'uc, xchi eb'.

A Tas Sc'ulejnac Eb' Schecab' Jesús Hechos 22:22

'Ix smaclj eb' 'anma yab'i', tas chi wan yaln Pablo 'a eb'. Palta ax yic xyab'n eb' yaln junx cha, 'ix syamn 'och eb' sq'ue yaw, xyaln eb' 'ixtic: Cham cab' winac. ¿Tas gana pitzn winac? xchi eb'.