Jn 18:33 - Chuj San Sebastian Bible

³³ Ax win Pilato cha, 'ix 'ochx can win 'a yol sdespacho cha. Ata 'ix yawtj 'och win Jesús, 'ix sc'anb'n win 'a 'ixtic: —¿Tom ach tic, sReyl ach eb' israel? xchi winac.

Chuj San Mateo Bible

³³ Axo vin̈aj Pilato chi', ix ochxican vin̈ d'a yol sdespacho. Ix yac'an avtajcot Jesús vin̈, ix sc'anb'an vin̈ d'ay: —¿Tom a ach tic sreyal ach eb' israel? xchi vin̈.

Jn 18:33 ပူးပေါင်းရင်းမြစ်များ

Jeremías 23:5

Tzyaln pax Jehová 'ixtic: 'Oj jawc jun c'ual, ax wa'n 'och jun yin̈tl David reyl 'a in chon̈ab'. A jun cha, caw tojl snab'en. 'Oj sb'eyc'ojloc smasnil eb' chon̈b' 'a stojlal.

Sofonías 3:15

A Jehová, tox 'ix yij 'el yowl sc'ojl 'aych 'a eyib'an̈, tox 'ix spatquilj can 'el eb' 'ajc'ojl yajch 'ayex. A Jehová qui Reyal, a 'ayc' eyet'oc. Man̈x 'a 'aj 'oj e xiwi.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Mt 27:11

Yic 'ix c'och Jesús 'a yojltac win Pilato, win gobernador, 'ix sc'anb'n win 'ixtc 'a 'a: —¿Tom ach tic sreyl ach eb' israel? xchi win 'a 'a. —Yel ton tzala, xchi 'a winac.

Mt 27:27

Ax ewin soldado win gobernador cha, 'ix yi'n 'at ewin Jesús 'a scuartel ewinac, atn jun tzcuch Pretorio, ata xyac' ewin syam sb'a jun tzo'n̈ xo ewin soldado smasnil.

Mr 15:2

Yuj cha, 'ix sc'anb'n win 'ixtc 'a 'a: —¿Tom ach tic Sreyl ach eb' israel? xchi win 'a 'a. —Yel ton tzala, xchi 'a winac.

Lc 23:2

Ata syamch eb' ya'n 'och jun tzo'n̈ tas 'a yib'an̈. 'Ix yaln eb' 'ixtic: —'Ix quil on̈, to wan ya'n somchjoc 'el win eb' quit chon̈b' on̈. Tzyal winac, to matz tac' ca'n qui tumn tzc'anx 'el yuj win yajl 'a Roma. Tzyaln 'och sb'a win Cristoal, tzyal 'el'chi, rey, xchi eb' 'a winac.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

Jn 12:13

Yuj cha, til wal eb' xtzu'n 'emt xil te q'uib'. 'Ix yi'n 'at eb' x'at schanc eb' Jesús. 'Ix laj yalnc chan̈ eb' 'ixtic: —Yuj wal dios. Calc wach' paxti 'a jun checb'il cot yuj Cajlilec. Calc wach' paxti 'a qui Reyl an̈ israel on̈c tic, xchi eb'.

Jn 12:15

Ex 'aj chon̈b' Sión, man̈ ex xiwoc. 'Iltec wal sjaw e reyl 'ayex. 'Ay q'ue 'a yib'n̈ jun no quelm b'uru, xchi 'a Ch'an̈.

Jn 18:34

—¿Mun am tza c'anb'j jun tic 'ayin, mto 'ay mach xaln 'ayach? xchi Jesús 'a winac.

Jn 18:37

—¿Tom yel, to ach reych jun? xchi win 'a 'a. —N', reyn ton 'icha tzal tic. An tic, in wulc' 'a yolyib'n̈q'uinl tic, yic tzwul walnc 'el jun tas caw yel. Yuj cha, in 'alji. Jantcn̈ej eb' yic xon jun yel tic, tzya'ch eb' schicn 'a tas tzwala, xchi Jesús.

Jn 18:38

'Ix yaln pax win Pilato chi 'ixtic: —'A... ¿Tasm jun yel tzal tic? xchi win Pilato chi 'a Jesús. Xlajw xoj yaln win jun cha, 'ix 'el paxt 'a 'aj 'aycn eb' 'aj Judea 'a sti'. 'Ix yaln 'elt win 'a scal eb' 'ixtic: —A jun winc tic, may jac smul tz'ilchj wu'uj.

Jn 19:12

Xlajw xoj yab'n win jun cha, 'ix snani tas tzyutj ya'n 'el Jesús chi 'a libre. Palta ax eb' 'aj Judea cha, 'ix q'uex b'uynjoc eb' yaln 'ixtic: —Toto tza'l win 'a libre, caw tzach meltzj 'och 'ajc'ojlal 'a win yajl 'a Roma. A win tic, 'in 'ix yalch sb'a reyal. Palta tzann̈j mach tzaln 'ixta', caw 'ajc'ojl yajch 'a win yalj 'a Roma cha, xchi eb' 'a winac.

Jn 19:3

Xlajw cha, 'ix laj c'och ewin 'a stz'ey, 'ix stz'acn ewin yal 'a 'ixtic: —Tzaljan̈ ach cob' sReyl eb' israel, xchi ewin 'a 'a. Spawn 'och ewin sc'ab' 'a sat.

Jn 19:4

Xlajw cha, 'ix 'el paxt win Pilato 'aj 'aycn eb' 'aj Judea chi 'a sti'. 'Ix yaln pax 'elt win 'ixtc 'a scal eb': —'Iltec, tic tzin ch'ox 'elt win 'ayex, sec tzeyojquej 'eli, to may jac smul tz'ilchj wu'uj, xchi win 'a eb'.

Jn 19:9

Yuj cha, 'ix 'ochx win 'a yol sdespacho jun 'ejm xo. 'Ix sc'anb'n pax win 'ixtc 'a Jesús: —¿'Aj wal til cotnc ach jun? xchi win 'a 'a. Palta ax Jesús, ma'ix ta'w 'a winac.

1 Ti 6:13

Yuj Dios, pitzn on̈ qui masnil 'a yolyib'n̈q'uinl tic, yet' te te', yet' no noc'. A Jesucristo, caw wach' xyutj ya'n testigoal sb'a 'a Poncio Pilato. A 'a sat Dios yet' 'a sat Jesucristo, tzcham wal waln 'at 'ayach.