Jn 18:20 - Chuj San Sebastian Bible

²⁰ Ax Jesús, 'ix yaln 'ixtc 'a winac: —A jun tzo'n̈ cuynb'il tic, 'in 'ix wal 'elt 'a scal eb' 'anma smasnil. Smasnil tiempo tzwal 'elt 'a yol jun tzo'n̈ e capiya, yet' 'a yamq'uil yatut Dios, 'a 'ajtil tzyam sb'a eb' quit israelal smasnil. May junc tas 'ix wal 'a c'ultaquil.

Chuj San Mateo Bible

²⁰ Ix yalan Jesús chi' d'a vin̈: —A juntzan̈ in c'ayb'ub'al chi', ix valel d'a scal eb' anima smasanil. Masanil tiempo ix valel d'a yoltac spatil culto yed' d'a yamaq'uil stemplo Dios yed' b'aj smolb'ej sb'a eb' anima. Malaj junoc tas c'ub'eltac ix vala'.

Jn 18:20 ပူးပေါင်းရင်းမြစ်များ

Salmos 22:22

'Oj walcn 'el ab'xil 'a scal eb' wit chon̈ab'; a yic 'ay syamnil eb', 'oj ach in b'itnoc 'a scal eb', ax waln 'ixtic:

Salmos 40:9

'Ix walcn 'el yab'xil a tojlal 'a scal eb' 'anma', atn 'aj tz'och niwc yamnil. Ojc wal si'mb'il chajtlto an tic, may 'aj xwactj waln 'el yab'xil a wach'c'ojlal.

Is 45:19

An tic, man̈ c'ultacloc tzin paxtini, man̈oc pax 'a q'uic'q'uinl 'a yol lum 'aj tzwala. May tas waljnac 'a eb' yin̈tl Jacob 'ixtic: Saynec 'ec' 'a nab'an̈ej, man̈ xin chic 'a eb'. An Jehová in tic, an̈j tas yel, yet' tas tojol, an̈j tzwala, xchi Dios.

Is 48:16

Cotn̈ec 'a in tz'ey, tze maclni eyab' tas 'oj wala': Yictax pecti', may junc tas 'ix wal 'a c'ultaquil. A yic tzuj smasnil jun tzo'n̈ tic, 'ayn 'ec' xon ta', xchi Dios. A ticnec jun, checb'il in cot yuj Jehová Dios yic tzwaln jun tic yuj spoder Yespíritu.

Mt 24:26

Yuj cha, toto 'ay eb' 'oj alnc 'ixtc 'ayex: 'Ab'ec, 'ayc' Cristo 'a cusltac lu'um, toto 'oj schic eb', caw man̈ 'at eyila'. Toto 'ay pax eb' 'oj alnc 'ixtic: 'Ab'ec, yaj 'a yol jun cuarto 'a yol n̈a, toto 'oj schic eb', caw man̈ e cha eyab'i'.

Mt 26:55

Xlajw cha, xyaln pax 'ixtc 'a ewin xc'och cha: —¿Tom 'elc'm in tzeyila, yuj cha, eyet' e machit, eyet' e te', tzex jaw wul in eyama'? Junjn c'u tzin 'em wocn cuywjoc 'ayx 'a yamq'uil yatut Dios, palta ma'in eyam ta'.

Mt 26:65

Yic 'ix yab'n win yajl chi jun tzo'n̈ cha, caw 'ix stziljat win spichl scot yowal, 'ix yaln win 'ixtc 'a ewin yit yajlil cha: —A jun winc tic, caw tzb'uchwj 'a Dios, man̈x 'a yopiso eb' testigo yujto tzcab'c sb'uchwj 'a Dios.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Mt 9:35

Ax Jesús c'uxn x'ec' 'a jun tzo'n̈ chon̈ab', yet' 'a jun tzo'n̈ aldea. 'Ix 'ec' cuywjoc 'a eb' 'anma 'a yoltc jun tzo'n̈ scapiya eb'. 'Ix yaln 'el wach' 'ab'ix, chajtl tz'aj eb' 'anma yoch 'a yol sc'ab' Dios. Tzann̈j jun tzo'n̈ yab'il tz'i'n eb' 'anma', c'uxn xlaj ya'cn b'oxc sc'ojl eb'.

Mr 8:32

Tojln̈ej xyutj Jesús yaln jun tzo'n̈ chi 'a eb', palta ax Pedro x'i'n 'elt Jesús chi sch'ocoj, 'ix ya'lni stenn 'och wa'an.

Lc 21:37

Junjn c'u xcuywj Jesús 'a yamq'uil yatut Dios, ax 'a junjn 'ac'wal, xc'ochc' wayc 'a tzaln Olivo.

Lc 4:15

'Ix 'ec' cuywjoc 'a junjn scapiya eb', ax eb' 'anma', c'uxn slaj yal eb' wach'il.

Jn 18:21

¿Tas yuj a 'ayn tza c'anb'ej? C'anb'j 'a eb' x'ab'n waln 'elta. Yal cab' eb' 'ayach, tas jun tzo'n̈ cuynb'il tic. 'In yojc xon eb' tas 'ix wal 'elta, xchi Jesús 'a winac.

Jn 6:59

A 'a chon̈b' Capernaum, 'a yol scapiya eb', ata xyalcn 'el Jesús jun tzo'n̈ cuynb'il tic.

Jn 7:14

Spaclto yaj jun q'uin̈ cha, 'ix c'och Jesús 'a yamq'uil yatut Dios. 'Ix cuywj 'a eb' 'anma'.

Jn 7:26

Palta 'in yaj win 'a tic, wan spaxtin 'elt win 'a qui calec. Palta may jac owl tzyac' ewin yet'oc. Lemb'il 'ix ya'ch ewin yajl chi sc'ojl 'a 'a, chajtlto a Cristo.

Jn 7:28

Yic 'ix yab'n Jesús jun tzo'n̈ cha, 'ix yaln jun tzo'n̈ xo cuynb'il tic 'a eb' 'ay 'a yamq'uil yatut Dios cha, 'ix yaln 'elt 'ixtc 'a scal eb': —Yel ton jun, eyojc in. Eyojc ton pax 'aj cotnc in. Palta man̈ munoc in jaw 'a yol wico'. To a Dios, atn jun caw yel, a checjnacn coti. Palta a jun cha, man̈ eyojcoc.

Jn 7:4

Toto 'ay junc mach tznib'j tzcheclj 'el 'a sat eb' 'anma', matz tac' tzmunlj 'a c'ultaquil. Yuj cha, 'ixta ach. Toto yel 'ay jun tzo'n̈ milagro tza ch'oxo, yowlal tza ch'oxl a b'a 'a sat eb' 'anma', xchi eb' 'a 'a.

Jn 8:2

Ax yic sacb'i, 'ix 'atx 'a yatut Dios jun 'ejm xo. Yic 'ix c'och ta', c'uxn xlaj c'och eb' 'anma 'a stz'ey. Ax Jesús, 'ix 'em wocan, syamn 'och scuywj 'a eb'.

Jn 8:26

Til to wal tastc 'oj wal eyu'uj, yic 'oj ex in b'eyc'ojloc. A jun checjnacn coti, caw yel tzyala. A tas yaljnac 'ayin, an̈j tzwal 'a eb' 'anma 'a yolyib'n̈q'uinl tic, xchi 'a ewinac.

A Tas Sc'ulejnac Eb' Schecab' Jesús Hechos 26:26

Ax rey Agripa tic, yojc xon jun tzo'n̈ tic si'mb'il. Yuj cha, caw te'n tzwutj in b'a waln jun tzo'n̈ tic 'a yojltac. A jun tzo'n̈ tzwal tic, man̈ c'ultacc yaji, c'uxn yojc eb' 'anma smasnil. Yuj cha wojtac, to yojc pax win rey tic.