Jn 18:12 - Chuj San Sebastian Bible

¹² Ax ewin soldado yet' win scomandanteal ewinac, yet' ewin stan̈mal yatut Dios, 'ix syamn ewin Jesús, 'ix sjaln ewinac.

Chuj San Mateo Bible

¹² Ix syaman Jesús chi' eb' vin̈ soldado yed' vin̈ syajalil eb' yed' eb' vin̈ aj Judea stan̈vumal templo.

Jn 18:12 ပူးပေါင်းရင်းမြစ်များ

Gn 22:9

Ax yic xc'och eb' 'a 'aj 'ix yal Dios cha, 'ix sb'on Abraham jun yet'l xajmb'al, 'ix sb'on q'ue te c'atztz 'a yib'an̈. Xlajw cha, sjaln jun yunnal cha, 'ix ya'n q'ue 'a yib'n̈ te c'atztz 'ay q'ue 'a yib'n̈ yet'l xajmb'al cha.

Gn 40:3

'Ix ya'n win rey 'ajxc 'och eb' 'a preso 'a yatut win capitan̈ 'a 'aj 'aych José 'a preso cha.

Salmos 118:27

A Jehová Dios ton b'i'an, a 'ix a'n sacq'uinl 'ayn̈ec. Qui nac sq'uin̈al, tzqui'nec te sc'ab' te yet' xi'il, tzon̈ oyyec' 'a spatquil yet'l xajmb'al.

Mt 26:57

Ax ewin xyamn Jesús cha, 'ix yij 'at ewin 'a win Caifás, atn win sat ya'mal 'och sti eb' 'anma 'a Dios. Ata 'ix syam sb'a eb' cuywum 'a ley yic Moisés yet' ewin 'ichmtac winc 'ay yopiso.

Mt 27:2

Yuj cha, 'ix sjaln ewinac, xyi'n 'at ewin 'a win Poncio Pilato, atn win gobernador 'aj Roma.

Mt 27:27

Ax ewin soldado win gobernador cha, 'ix yi'n 'at ewin Jesús 'a scuartel ewinac, atn jun tzcuch Pretorio, ata xyac' ewin syam sb'a jun tzo'n̈ xo ewin soldado smasnil.

Mr 14:53

'Ix yi'n 'at ewin Jesús 'a win sat ya'mal 'och sti eb' israel 'a Dios. Ata syam sb'a smasnil eb' yit yajlil win cha, yet' ewin 'ichmtac winc 'ay yopiso, yet' pax ewin cuywjum 'a ley yic Moisés.

Mr 15:1

Ax yic 'ix sacb'i, a eb' sat ya'mal 'och sti eb' israel 'a Dios yet' ewin 'ichmtac winc 'ay yopiso, ewin cuywjum 'a ley yic Moisés, yet' pax smasnil jun tzo'n̈ xo ewin sat yajal, 'ix syam sb'a ewinac. 'Ix laj sc'umc sb'a eb' 'a spatic. Xlajw cha, 'ix sjaln ewin Jesús xyi'n 'at ewinac, xya'n 'och ewin 'a yol sc'ab' win Pilato, atn win yajal.

Lc 22:54

Xlajw cha, x'och yamnjoc ewin 'a Jesús. 'Ix yi'n 'at ewin 'a yatut win sat ya'mal 'och sti eb' israel 'a Dios. Ax Pedro najt tza'n s'at yu'uj.

Jn 18:3

Yuj cha, 'ix c'och win ta'. Yet' win nan̈l eb' soldado. 'Ay pax nan̈l ewin stan̈mal yatut Dios, 'ix checx 'at yuj ewin sat ya'mal 'och sti eb' israel 'a Dios. Locn pax ewin fariseo 'ix checn 'at ewinac. A eb' xc'och cha, tzicb'il staj eb', yet' eb' scantil. Yet' pax eb' syamc'ab' yic owal xc'och eb'.

A Tas Sc'ulejnac Eb' Schecab' Jesús Hechos 10:1

'Ay jun winc 'a chon̈b' Cesarea, Cornelio sb'i. A jun cha, syajlil jun tzo'n̈ eb' soldado tzcuch 'aj Italia.

A Tas Sc'ulejnac Eb' Schecab' Jesús Hechos 21:31

'Ix cob' sma'nc cham eb', palta x'at alxc 'a win comandante, chajtlto wan somlji eb' chon̈b' yowxi.

A Tas Sc'ulejnac Eb' Schecab' Jesús Hechos 21:37

Yic wan yi'n 'och eb' Pablo 'a yol cuartel, 'ix yaln 'ixtc 'a win comandante cha: —¿Mamtzac stac' ach in c'umn jab'oc? xchi 'a winac. —¿Tom 'ojc aln griego?

A Tas Sc'ulejnac Eb' Schecab' Jesús Hechos 23:10

Xlajw cha, xcaw 'och owl yuj eb' si'mb'il. Ax win comandante cha, caw 'ix xiw winac. A snan winac, to wan sto'n ch'iychjoc eb' Pablo cha. Yuj cha, xyawtn cot win eb' soldado. Xit' yi'nc 'elt eb' Pablo chi 'a scal eb', xlajw cha, x'at ya'nc pax eb' 'a cuartel jun 'ejm xo.

Jueces 16:21

'Ix yamchj yuj eb' filisteo. Xlajw cha, xyi'n 'elt eb' yol sat, xyi'n 'at eb' 'a chon̈b' Gaza. Ata xya'ch eb' q'uen cadena nab'a bronce 'a 'a, xya'n 'och eb' 'a preso. Xya'n eb' 'ajxc munljoc 'a q'uen mulino 'a yol preso cha.