Jn 17:19 - Chuj San Sebastian Bible

¹⁹ Yuj swach'loc eb', yuj cha, tzwac' in b'a 'ayach, yic wach' tz'och eb' eco'oc wal 'a yel.

Chuj San Mateo Bible

¹⁹ Yuj svach'iloc eb' yuj chi' svac' in b'a d'ayach, yic vach' tz'och eb' icoc d'a val yel.

Jn 17:19 ပူးပေါင်းရင်းမြစ်များ

Is 62:1

Yuj wal in chamc'ojlal 'a Sión, yuj cha, man̈toc sictac tzin 'aji. Yuj in chamc'ojlal 'ayx ex 'aj Jerusalén, yuj cha, ma'oj wilji, masnto 'oj checljoc chan̈ e tojlal, 'icha wal yic tzsacb'i. Ax e colnb'il, 'oj checljoc chan̈ 'icha wal sn̈ilchj junc tziclab' taj, caw tzyac' sacq'uinlal.

Jeremías 1:5

Yictax mantzac ach wac' pitzwc 'a a nun, toxn sic'b'ilch xon 'el wu'uj. A yic mantzac ach 'alji, ach wi'n xon 'och wico'oc, yic tzach 'och in checb'oc 'a scal jun tzo'n̈ nacion̈, xchi 'ayin.

Jn 10:36

An xo tic, a Dios si'jnacn 'eli, schecn in cot 'a yolyib'n̈q'uinl tic. Yuj cha, ¿tas yuj tzeyala to tzin b'uchwj 'a Dios, yic tzwalni to Yunnaln Dios cha?

Jn 15:13

Toto 'ay junc mach tzyac' cham sb'a yuj junc swach'c'ojol, may junc mach 'ec'b'al schamc'ojlal 'a jun cha.

Jn 15:3

Ax xo tic, tox 'ix b'o e nab'en yuj jun tzo'n̈ cuynb'il waljnacx 'ayex.

Jn 17:17

Ach tza wach' tojlb'tzej snab'en eb' yet' a paxti caw yel. Cojxn a paxti chi caw yel.

Jn 17:20

Man̈ yujocn̈ej eb' tic tzin leslwi. Tzin leslwi pax yuj eb' tot 'oj ya'ch sc'ojl 'ayn yuj tastc 'oj yal eb' in checb' tic.

1 Co 1:2

to yic xo Dios quetec, an̈ tzqui tz'ib'j 'at jun qui carta tic 'ayx on̈, atn ex yiglesia xo Dios 'a Corinto. Yic ex xo Dios, yujto junn̈j tzex 'aj yet' Cristo Jesús. A Dios 'awtjnacx 'och yico'oc, yet' jantcn̈ej eb' tzyal sb'a 'a Cajlil Jesucristo 'a junjn chon̈ab'. A Jesucristo a Cajlilec yet' eb'.

2 Co 4:15

Smasnil jun tzo'n̈ xwal tic, eyu'uj tz'ajx 'och 'a quib'n̈ on̈. 'Ixta tzon̈ 'aj on̈, sec niwn mach tzchan swach'c'ojlal Dios. An̈jtona', niwn mach tzyac' yuj diosal 'a 'a. 'Ixta 'oj 'aj scheclj 'eli, to niwn swach'il.

2 Co 7:14

A 'a jun 'el, ex wal wach'l 'a Tito tic, al ticnec, matz in q'uixw yuj tas waljnac cha. Jantcn̈ej tas caljnac 'ayx on̈, caw yel. An̈jtona', yic caln e wach'l 'a Tito on̈, caw yel xcal on̈.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

A Scarta San Pablo D'a Eb' Aj Colosas 1:6

A jun 'ab'x yic colnb'il alb'ilx 'ayex, wan yalx 'a junjn lugar 'a yolyib'n̈q'uinl tic. 'Icha junc te tzq'uib'i, tzya'n sat, 'ixta tz'aj jun 'ab'x tic 'a eb' tz'ab'ni. An̈jtona', 'ixta x'aj 'ayex, yictax e b'ab'l 'ab'ni, chajtlto niwn swach'c'ojlal Dios. Yujto nachjnac 'el eyu'uj, to caw yel 'ay swach'c'ojlal cha.

1 Ts 4:7

Yujto a 'awtjnacn̈ec 'och yico'oc, sec caw wach' tzcutjec qui b'eyb'al. Man̈ yujoc qui b'onec maysch'olnil, on̈ yawtnec.

2 Ti 2:10

'Ay jun tzo'n̈ xo eb' sic'b'ilx xon 'el yuj Dios. Tzin nib'j 'oj scha eb' swach'l quet'oc. Yuj wal cha, tzwa'n techjoc jantcn̈ej syal tzjaw 'a wib'an̈, sec 'oj scha pax eb' scolnb'il caw niwn yel'chi. Atn jun tz'ajx 'ayn̈ 'a jun 'ejmn̈ej, yujto junxn̈ej caj yet' Cristo Jesús.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

A Ch'an̈ Carta D'a Eb' Hebreo 2:11

An̈ec on̈ 'ochc yico'oc Dios, junn̈j qui Mamc yet' jun on̈ 'i'nec 'och yico'oc. Yuj cha, a Yunnal Dios tic, matz q'uixw on̈ yalnec yu'tacoc, mto yanb'oc.

A Ch'an̈ Carta D'a Eb' Hebreo 9:13

A schic'l no mam wacax, no quelm chiwo, yet' stan̈il no cob's wacx n̈usb'il, a tzicb'il 'at 'a yib'n̈ eb' man̈ wach'c yaj 'a sat Dios yuj ley yic Moisés. Yujto 'ay yopiso sb'o eb' 'a sat Dios yu'uj, 'icha to tzsacb'tzax eb' yu'uj.

A Ch'an̈ Carta D'a Eb' Hebreo 9:18

Yuj cha, 'ixta 'ajnc jun b'ab'l trato. A yic yoch yopiso, 'ay jun tzo'n̈ chic' 'elnac.

A Ch'an̈ Carta D'a Eb' Hebreo 9:26

Q'uinloc man̈toc jun 'ejmn̈ej xyac' sb'a Cristo xajmb'alil. Toto 'ixta', tecn yowlal caw niwn 'ejm chamnac, yictax sb'ocn yolyib'n̈q'uinl tic. Yujto a 'a yic jun slajb' tiempoal tic, cojn jun 'ejm wulnc 'eq'ui. Caw a ya'jnac sb'a xajmb'alil, yic yi'n 'el qui mul 'ayn̈ec.

1 Jn 3:18

Ex chamc'ojlb'il wu'uj, matz tac' ton̈j tzcalc yet' qui ti', to 'ay qui chamc'ojlalec. Palta yowlal tzon̈ colwjec 'a eb' quit creyenteal. 'Ixta tzcutjec qui ch'oxni, to 'ay qui chamc'ojlalec 'a yel.

1 Jn 3:3

Jantcn̈ej eb' tzya'ch Cristo yipc sc'ojl yuj jun xwal tic, wan swach' tojlb'tzan eb' snab'en, sec caw wach' eb' 'icha Jesucristo.