Jn 17:14 - Chuj San Sebastian Bible

¹⁴ Tox xlaj walcn a paxti 'a eb'. Palta a eb' 'anma yic yolyib'n̈q'uinl tic, caw tzchichn 'och eb' 'a eb', yujto man̈x yico'oc yolyib'n̈q'uinl tic yaj eb' yet' eb'. 'Icha in an tic, man̈ in yico'oc yolyib'n̈q'uinl tic.

Chuj San Mateo Bible

¹⁴ Toxo ix laj valcanel a lolonel d'a eb'. Palta a eb' yic yolyib'an̈q'uinal tic tz'och eb' ajc'olal d'a eb', yujto man̈xo yicoc yolyib'an̈q'uinal eb' yed' eb'. Icha in tic, man̈ in yicoc yolyib'an̈q'uinal tic.

Jn 17:14 ပူးပေါင်းရင်းမြစ်များ

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Pr 29:27

A eb' 'anma wach' snab'en, matz nib'j eb' yil eb' maysch'olnil snab'en; an̈jtona eb' maysch'olnil snab'en cha, matz nib'j eb' yil eb' wach' snab'en cha.

Zacarías 11:8

A 'a yol jun 'uj, xin chec meltzjc 'oxwn̈ eb' 'ilm calnelu, 'ix lajw c'och in niwnc'ojlal 'a eb', 'ixta pax eb', caw wal man̈xtzac in snib'j eb'.

Mr 10:39

—'Oj techjoc, xchi eb'. —Wal yel 'oj eyajx prowal 'icha 'oj waji, 'icha 'oj wab' syal an tic, 'ixta 'oj eyab' pax syal jun xo.

Jn 17:16

An tic, man̈ in yico'oc yolyib'n̈q'uinl tic. An̈jtona 'ixta eb', man̈ yico'oc yolyib'n̈q'uinl tic eb'.

Jn 17:8

A wal a paxti 'a'jnac 'ayin, c'uxn xwal 'a eb'. Ax eb', xya'ch eb' sc'ojl 'a 'a. Yuj cha, yojc eb' to yel a 'aych cotnc in. Tzya'ch eb' 'a sc'ojol to ach checjnacn coti.

Jn 7:7

A eb' yic yolyib'n̈q'uinl tic eyet'oc, matz tac' tzchichn 'och eb' 'ayex. Palta an xo tic, tzchichn 'och eb' 'ayin, yujto tzin ch'oxli, to maysch'olnil sb'eyb'al eb'.

Jn 8:23

'Ix yaln pax Jesús chi 'ixtc 'a ewinac: —Ax tic, 'aj sat lum ex, yujto yic ex yolyib'n̈q'uinl tic. Aln tic, man̈ in yico'oc yolyib'n̈q'uinl tic, to 'aj satchan̈ in.

1 Jn 3:12

Yuj cha, matz tac' lajn tzcutjec qui b'a 'icha yutjnac sb'a win Caín. A win cha, yic win diablo winac. Yuj cha, smiln cham win jun yu'tac. 'Ixta yutjnac sb'a winac, yujto tojl snab'en jun yu'tac cha. Ax winac, man̈ tojloc snab'en.

1 Jn 3:13

Ex wu'tac, ex wanab', matz tac' ton̈j tzeyac' sat e c'ojol, yic 'oj chichnc 'och eb' yic yolyib'n̈q'uinl tic 'ayex.