Jn 16:28 - Chuj San Sebastian Bible

²⁸ Yel, a 'a qui Mam Dios cotnc in, in jaw 'a yolyib'n̈q'uinl tic. A ticnec, 'oj wactc can pax yolyib'n̈q'uinl tic, ax in pax q'ue 'a 'aj 'ay qui Mam Dios cha, xchi 'a eb'.

Chuj San Mateo Bible

²⁸ Yel toni a d'ay cotnac in, in javi d'a yolyib'an̈q'uinal tic. A ticnaic, ol vactejcani, axo in paxq'ue d'a in Mam chi', xchi d'a eb'.

Jn 16:28 ပူးပေါင်းရင်းမြစ်များ

Lc 24:51

Wanto sc'ann jun cha, 'ix 'ijx 'at 'a satcha'an̈, xcan eb' yu'uj.

Lc 9:51

Yic wan sc'och stiempoal spax Jesús 'a satcha'an̈, 'ix ste'wtzej sb'a s'at 'a Jerusalén.

Jn 13:1

Q'ui'noc xoj yoch q'uin̈ yic snanb'il cot yel eb' israel 'a libre. Ax Jesús, yojtac to tox 'ix jaw stiempoal yactc can jun yolyib'n̈q'uinl tic, ax spax q'ue 'a qui Mam Dios. A eb' yic 'ayc' 'a yolyib'n̈q'uinl tic, caw chamc'ojlb'il eb' yu'uj. A ticnec 'oj sch'oxo', jantc schamc'ojlal 'a eb'.

Jn 14:28

Tox 'ix wal eyab'i', to 'oj in paxi, palta 'oj in japxi, ax in can eyet'oc. Toto yel tzin e chamc'ojlej, toto 'ixta', tzex tzalji, yic 'oj eyab'ni, to 'oj in pax 'a qui Mam Dios. Yujto caw 'ec'b'al xo yel'ch 'a wib'an̈.

Jn 16:10

'Oj yac' yojcoc 'el eb' chajtlto wach'n̈j xwutj in b'a, yujto 'oj in pax 'a 'aj 'ay qui Mam Dios. Man̈x 'a 'aj 'oj in eyil 'a tic.

Jn 16:16

Jab'xoj wal tzin eyil ticnec, ax yec' 'a janic', man̈x 'oj in eyila'. Palta at pax chab'j 'oxej, ax in eyiln paxi, [yujto 'oj in pax q'ue 'a 'aj 'ay qui Mam Dios], xchi Jesús 'a eb'.

Jn 16:30

A ticnec, cojc on̈ to ojcn̈ej smasnil tas. Man̈ yowlalc tzat qui c'anb'j 'aych on̈, ax aln 'ayn̈ on̈. Yuj cha, tzca'ch 'a qui c'ojl on̈, to a 'a Dios cotnc ach, xchi eb' 'a 'a.

Jn 16:5

Al ticnec, 'oj in pax 'a jun checjnacn coti. Palta 'in may junc ex tze c'anb'j 'ayin, 'aj 'oj in c'ochi.

Jn 17:11

Jab'xoj wal 'ayn 'ec' 'a yolyib'n̈q'uinl tic, ax in pax q'ue et'oc. Ax eb' tic, 'oj laj can eb' jacx 'a yolyib'n̈q'uinl tic. Mamin, caw tojln̈ej a nab'en. A eb' xac' 'ayn tic, tza tan̈wj eb' yet' a poder, sec junxn̈ej tz'aj snab'en eb' 'icha waj et'oc.

Jn 17:13

'Oj in paxx 'ayach. Palta ya' sb'a 'aynto 'ec' jacx 'a yolyib'n̈q'uinl tic, tzwaln can jun tzo'n̈ tic, sec wach', 'icha tzin tzalj tic, 'ixta 'oj tzaljc pax eb'.

Jn 17:5

A 'a yic mantzac b'o yolyib'n̈q'uinl tic, 'ayn 'ec' et' 'a 'aj 'ay qui wach'il. Al ticnec Mamin, chaj in pax q'ue et' 'a 'aj 'ay qui wach'l cha, 'icha xon waj et'oc.

Jn 8:14

Yuj cha, xyaln pax 'ixtc 'a ewinac: —Wach'xam mun tzwala to 'ay wopiso, palta caw yel tzwala. Yujto an tic, caw wojtac 'aj cotnc in. Anjtona', wojtac 'aj 'oj in c'ochxi. Ax xo tic, man̈ eyojcoc 'aj cotnc in, yet' 'a 'aj 'oj in c'ochxi.

Jn 8:42

—Octom yel a Dios chi e mam. Toto 'ixta', 'ay e chamc'ojlal 'ayin, yujto a 'a Dios chi cotnc in, in jaw 'a tic. Man̈ munoc tzin jawi, yujto a Dios checjnacn coti.