Jn 16:17 - Chuj San Sebastian Bible

¹⁷ Xlajw yaln jun cha, 'ay jaywn̈ eb' scuywum, 'ix laj yal-lanc eb' 'ixtic: —¿Tas laj tzyal 'el'ch jun tzo'n̈ xyal 'ayn̈ec tic? 'In xyala: Jab'xoj wal tzin eyil ticnec. Ax yec' 'a janic', man̈x 'oj in eyila', xchi. Xyaln paxi: Yujto 'oj in pax q'ue 'a 'aj 'ay qui Mam Dios, xchi 'ayn̈ec.

Chuj San Mateo Bible

¹⁷ Ix lajvi yalan jun chi', ay jayvan̈ eb' sc'ayb'um ix laj alani: —¿Tas syalelc'och jun syal tic d'ayon̈? To ix yala': Junxon̈ej rato ol in eyila', slajvi chi', man̈xo ol in eyil-laj. Ol ec' junocxo rato, ol in eyilanxi, xchi. Ix yalanpaxi: Yujto ol in paxq'ue b'aj ay in Mam, xchi d'ayon̈.

Jn 16:17 ပူးပေါင်းရင်းမြစ်များ

Mr 9:10

Yuj cha, mun yojc eb' jun cha, may junc mach 'aj xyal eb'. Palta xlaj sc'anb'n eb' 'a scal, yuj tas 'ix yala, chajtlto 'oj pitzwc pax 'a scal eb' chamnac.

Mr 9:32

Palta ma'ix nachj 'el yuj eb' tas 'ix yala, 'ix xiw pax eb' sc'anb'n 'a 'a, tas tzyal 'el'ch jun xyal cha.

Lc 18:34

Palta ax eb' scuywum cha, ma'ix nachj 'el yuj eb'. Man̈ yojcoc xon eb' tas tzyal 'el'ch jun tzo'n̈ xyal cha, yujto c'ub'b'il 'el 'a eb'.

Lc 9:45

Palta ax eb' scuywum cha, ma'ix nachj 'el yuj eb' tas chi xyal 'a eb', yujto ma'ix 'ajx nachjc 'el yuj eb'. 'Ix xiw pax eb' sc'anb'n 'a 'a, tas tzyal 'el'chi.

Jn 12:16

A 'a jun c'u cha, ma'ix nachj 'el jun tzo'n̈ tic yuj eb' scuywum Jesús. At yic tox 'ix 'ijx pax q'ue Jesús chi 'a satcha'an̈, atta 'ix sna cot eb', to a yab'xil Jesús tz'ib'b'il can 'a Ch'an̈ Un̈ cha, caw 'ix 'el'ch 'icha yaj yalx cani.

Jn 14:22

'Ay junx Judas sb'i, palta man̈oc Judas 'aj Queriot, a 'ix aln 'ixtc 'a Jesús: —Mamin, ¿tas yuj cojn 'ayn̈ on̈, an̈jta 'oj a ch'ox a b'a? ¿Tas yuj ma'oj a ch'ox a b'a 'a eb' yic yolyib'n̈q'uinl tic? xchi 'a Jesús.

Jn 14:5

Ax Tomás 'ix aln 'ixtc 'a 'a: —Palta Mamin, man̈ cojcoc on̈, 'aj 'oj a c'och cha. Yuj cha, ¿tas 'oj cutc cojcan 'el jun b'e chi 'on̈? xchi.

Jn 16:1

Tzwalcn jun tzo'n̈ tic 'ayex, sec ma'oj somchjc 'el e nab'en.

Jn 16:16

Jab'xoj wal tzin eyil ticnec, ax yec' 'a janic', man̈x 'oj in eyila'. Palta at pax chab'j 'oxej, ax in eyiln paxi, [yujto 'oj in pax q'ue 'a 'aj 'ay qui Mam Dios], xchi Jesús 'a eb'.

Jn 16:18

A jun jab'xoj xyal tic, ¿tas laj wal tzyal 'el'ch ticnec? Caw matz nachj 'el cujec, tas tzyala, xchi eb'.

Jn 16:19

Ax Jesús, yojtac to tznib'j eb' sc'anb'c 'a 'a, tas tzyal 'el'ch jun xyal cha. Yuj cha, 'ix yaln 'ixtc 'a eb': —Tox 'ix wal 'ayex: Jab'xoj wal tzin eyil ticnec. Ax yec' 'a janic', man̈x 'oj in eyila'. Palta at pax chab'j 'oxej, ax in eyiln paxi, xin chi 'ayex. ¿Tom yuj jun tzo'n̈ tzwal tic, 'i'n tzlaj e c'anb'lanc 'ec' 'ayex?

Jn 16:5

Al ticnec, 'oj in pax 'a jun checjnacn coti. Palta 'in may junc ex tze c'anb'j 'ayin, 'aj 'oj in c'ochi.