Jn 14:9 - Chuj San Sebastian Bible

⁹ Yuj cha, 'ix yaln pax Jesús 'a 'ixtic: —Felipe, 'in niwn xo tiempo 'ayn 'ec' eyet'oc. ¿Tom mant in ojcoc, mach in? A eb' tzin 'ilni, tzyal 'el'chi wan yiln eb' qui Mam Dios. Yuj cha, ¿tas yuj tzat al 'ayin: Ch'ox quil a Mam chi 'on̈, xa chi?

Chuj San Mateo Bible

⁹ Yuj chi' ix yalanxi Jesús d'a vin̈: —Felipe, ina pecatax ayinec' eyed'oc, ¿tom manto in ojtacoc? A eb' tzin ilani, syalelc'ochi van yilan in Mam eb'. Yuj chi', ¿tas yuj tzato al d'ayin: Ch'ox a Mam chi' quila', xa chi?

Jn 14:9 ပူးပေါင်းရင်းမြစ်များ

Gn 26:9

Yuj cha, x'at ya'nc win 'ijxoc cot Isaac, xyaln win rey chi 'a 'ixtic: —Tox xwila, chajtlto estzil 'ix 'ix tic, ¿'ixtnta', mto ma'ay? ¿Tas yuj 'ix ala to anb' 'ix? xchi winac. —'Ix in na'a toq'ue tzin milx cham yuj 'ix, yuj cha xwaln 'ixta', xchi Isaac cha.

Salmos 11:1

A Jehová a tzwa'ch yipc in c'ojol, nab'an̈ej tzeyal 'ixtc 'ayin: 'Ixic, 'at c'ub'j 'el a b'a 'a jolmctac witz 'icha no ch'ic.

Jeremías 2:23

'Oj cob' eyal 'ixtic: An̈ tic on̈, may on̈ x'och qui mul on̈, may on̈ xcac' 'emmquilal 'a jun tzo'n̈ comn dios, 'oj e chioc. Nac coti, tas xeyutj e b'eyb'al 'a yic 'ayx 'ec' 'a lum niwn pan̈an. Nac coti, tas wal 'ix 'el e b'on ta', ton̈j tzex comn oyb'x 'ec' 'a smasnil lugar yuj eya'n 'emmquilal 'a jun tzo'n̈ comn dios, 'icha tzyac' junc no nun cameyo tzoyb'x 'ec' sayn 'ec' no smam.

Mr 9:19

Yuj cha, 'ix yaln Jesús 'ixtic: 'A... ax tic, caw matz eya'ch e c'ojl 'a Dios, 'in 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijc cot jun 'unn chi 'ayin, xchi.

Lc 12:56

Palta ax tic, caw chab'sat ex. Jeln ex ton e nan 'eli, tas 'oj jawc yuj jun tzo'n̈ chi tzeyil 'a satcha'an̈, yet' 'a sat lum tic. Palta ¿tas yuj matz nachj 'el eyu'uj, tas wal yel'ch jun tiempoal tic?

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 10:30

An tic, caw lajn in yet' qui Mam Dios, yujto junn̈j 'anmal waj yet'oc, xchi Jesús 'a eb' 'aj Judea cha.

Jn 12:45

A eb' tzin 'ilni, wan yiln pax eb' jun mach checjnacn coti.

Jn 14:20

A 'a jun c'u yic 'oj 'ochcn Espíritu 'ayex, atta 'oj nachjoc 'el eyu'uj, chajtlto 'ayn 'och 'a qui Mam Dios, 'aych pax 'ayin. Ax snachj pax 'el eyu'uj, chajtlto 'ayx 'och 'ayin, 'ayn pax 'och 'ayex.

Jn 14:7

Octom tzin eyojquej 'eli. To 'ixta', 'oj eyojcoc 'el in Mam. Al ticnec, eyojc xo in Mam cha, yujto tox xeyila, xchi.

Jn 8:19

—Palta ¿'ajtil 'ay a Mam chi jun? xchi ewin 'a 'a. Yuj cha, xyaln pax 'ixtc 'a ewinac: —Ax tic, man̈ eyojcoc mach in. Man̈ eyojcoc pax in Mam cha. Octom eyojtac mach in, toto 'ixta', eyojc pax in Mam cha, xchi 'a ewinac.

1 Co 15:12

A jun wach' 'ab'x tzcal-l tic on̈, a tzalni, chajtlto xpitzw pax Cristo 'a scal eb' chamnac. Yuj cha, ¿tas yuj 'ayx wan eyaln ticnec, to man̈xtoc 'oj pitzwc pax eb' chamnac?

A Scarta San Pablo D'a Eb' Aj Filipos 2:6

A Cristo, caw junn̈j yet' Dios 'a yictax pecti'. Wach'xam junn̈j yet'oc, palta x'el 'a sc'ojol, xyactj can jun 'aj 'ay yaln yic yet' Dios cha. ma'ix sna xon jab'oc, yic xyactn cani.

A Scarta San Pablo D'a Eb' Aj Colosas 1:15

Wach'xam matz tac' quilnec qui Mam Dios, palta a Yunnal chi xch'oxn 'ayn̈ec tas yaji, yujto caw lajn yet'oc. A Yunnal, b'ab'l yaj 'a smasnil tas, yel xo wal niwn yel'ch 'a yib'n̈ smasnil.

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.