Jn 14:31 - Chuj San Sebastian Bible

³¹ Palta 'ixta 'oj 'ajoc, sec 'oj yojcoc 'el eb' 'anma smasnil, to 'ay in chamc'ojlal 'a qui Mam Dios, tzin yiclni smasnil schecnb'il tzyac' 'ayin. Al ticnec jun, q'uen̈ec lin̈an, coyec, xchi Jesús 'a eb'.

Chuj San Mateo Bible

³¹ Palta tzin c'anab'ajej checnab'il ix yac' co Mam Dios d'ayin, yic vach' ol nachajel yuj eb' yic yolyib'an̈q'uinal tic to xajan vuuj. Axo ticnaic, q'uean̈ec vaan, coyec, xchi Jesús.

Jn 14:31 ပူးပေါင်းရင်းမြစ်များ

Salmos 40:8

Caw tzchaj in c'ojl in b'on tas tza nib'ej, molb'il a checnb'il wuj 'a in nab'en, xin chi 'ayach.

Is 50:5

A Jehová Wajlil a 'ix 'a'n sjelnal in nab'en, caw man̈ tenmtacc xwutj in b'a, ma'in 'elcn ch'umn 'a 'a.

Mt 26:39

Xlajw cha, 'ix 'at jab'xo, 'ix 'em lachn 'a sat lu'um, 'ix leslwi 'ixtic: Mamin, 'ij 'ec' jun yailal tic 'a wib'an̈, toto tztac' tza na'a; palta man̈ 'ichaoc tzin nib'j an tic, 'icha cab' tas tza nib'ej, xchi.

Mt 26:46

Q'uen̈ec wa'an, coyec. Wan sjaw win tzin 'a'n 'och 'a yol sc'ab' ewin 'ajc'ojol, xchi 'a eb'.

Lc 12:50

'Ay wal jun niwn yailal 'oj jawc 'a wib'an̈, 'icha to 'oj wajx bautisar yu'uj. Caw 'aych jun in niwn cusc'ojlal ticnec, masnto 'oj 'el'choc jun cha.

Jn 10:18

An tic, 'oj wac' cham in b'a, yujto 'ixta tz'el 'a in c'ojol. May mach tztac' scomn 'i'n 'ec' in q'uinl tic, toto matz yal in c'ojol. 'Ay waln wic wa'n cham in b'a. An̈jtona', 'ay waln wic in chan in q'uinl tic jun 'ejm xo. Yujto 'ixta yaj yaln can in Mam jun schecnb'il 'ayin, xchi Jesús 'a eb'.

Jn 12:27

A ticnec, caw tz'och pitz'n cusc'ojlal 'a in pixan. ¿Palta tas 'oj wutc walni? ¿Tom 'oj wal 'ixtc 'a Dios: Mamin, coln 'elt 'a yol sc'ab' jun yailal 'oj jawc 'a wib'n̈ tic, tom 'oj in chioc? Palta yuj wal jun tic 'ayn cot yu'uj.

Jn 12:49

Yujto man̈ munoc tzin paxtin in ch'ocj 'a yol wico'. A 'in Mam checjnacn coti, a aljnac schecnb'il 'ayin tas tzwul wala'.

Jn 13:1

Q'ui'noc xoj yoch q'uin̈ yic snanb'il cot yel eb' israel 'a libre. Ax Jesús, yojtac to tox 'ix jaw stiempoal yactc can jun yolyib'n̈q'uinl tic, ax spax q'ue 'a qui Mam Dios. A eb' yic 'ayc' 'a yolyib'n̈q'uinl tic, caw chamc'ojlb'il eb' yu'uj. A ticnec 'oj sch'oxo', jantc schamc'ojlal 'a eb'.

Jn 15:9

'Icha tzin schamc'ojlej qui Mam Dios, 'ixta tzex wutj ex in chamc'ojlan jun xo. Yuj cha, cann̈ecn̈ej 'a in chamc'ojlal tic.

Jn 18:11

Ax Jesús, 'ix aln 'ixtc 'a Pedro cha: —'Ac' 'ejm espada chi 'a yol yatut. ¿Tom tza na'a, to ma'oj wac' in b'a 'a jun yailal tzya' cot qui Mam Dios 'a wib'n̈ tic? xchi 'a 'a.

Jn 4:34

Palta xyaln pax 'ixtc 'a eb': —Caw tzin nib'j tzin b'o tas tznib'j jun checjnacn coti, masnto tzin laj smunljel ya'jnac 'ayin. A yic tzin b'on jun cha, 'icha to ata tzin wa'i.

A Scarta San Pablo D'a Eb' Aj Filipos 2:8

Ax yic 'aych 'anmal cha, caw 'emmquilaln̈ej yutjnac sb'a. Yiclumn̈ej yutjnac pax sb'a, masnto xchami. Caw ya'jnac techjoc smilx cham 'a spenc te culus. Caw q'uixweltac x'aj schami.