Jn 14:21 - Chuj San Sebastian Bible

²¹ A eb' 'aych snab'en 'a jun tzo'n̈ in checnb'il, tzyiclni paxi, atn eb' chi 'ay schamc'ojlal 'ayin. A eb' 'ay schamc'ojlal 'ayin, ax in Mam 'oj chamc'ojlanc eb'. An̈jtona 'in, 'oj in chamc'ojloc pax eb'. Ax in ch'oxn in b'a 'a eb' 'a 'esal, schi Jesús 'a eb'.

Chuj San Mateo Bible

²¹ A eb' syac'och spensar d'a in checnab'il, sc'anab'ajan eb', aton eb' chi' xajan in yuuj. A eb' tzin xajanani, xajan pax eb' yuj in Mam. A in ol in xajanej eb', ol in ch'ox in b'a d'a eb', xchi Jesús.

Jn 14:21 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:6

Caw yiclum 'ix yutj sb'a 'a Jehová, may jun 'ejmoc 'ix yij 'el sb'a 'a 'a, yujto syiclj smasnil schecn̈b'il Jehová ya'jnac yal-l Moisés.

Salmos 35:27

Palta ax eb' tznib'j 'ilnoc tas tzin 'aj 'el'chi, tzalj cab' chan̈ eb', b'itn cab' eb' yet' tzaljc'ojlal. Nachji tzyaln cab' eb' 'ixtic: A Jehová caw niwn ton yel'chi, 'ay cab' stzaljc'ojlal yuj swach'l jun schecb' tic, xchi cab' eb'.

Ex 33:18

—Mamin, ch'ox wal wil a tzictznil 'an, xchi Moisés cha.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Jeremías 31:31

Tzyaln Jehová 'ixtic: 'Oj jawc jun c'ual, 'oj in b'o junc xo in 'ac' trato yet' eb' yin̈tl Israel, yet' pax eb' yin̈tl Judá.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Lc 11:28

Palta xyaln pax Jesús 'ixtic: —Yel xo wal 'ec'b'al swach'l yic eb' tz'ab'n tas tzyal Dios, tzyiclni pax eb', xchi.

Jn 14:15

Toto tzin e chamc'ojlej, yicljec jun tzo'n̈ in checnb'il.

Jn 14:18

An tic, ma'oj ex wactc can e ch'ocoj, 'oj in japx eyet' jun 'ejm xo.

Jn 15:14

Ax tic, toto tzeyiclj jun tzo'n̈ in checnb'il, to 'ixta', in wach'c'ojl ex.

Jn 16:14

Yu'uj, 'oj checljoc 'eli to caw niwn wel'chi. Jantcn̈ej tas 'oj wal 'a 'a, a 'oj alnc pax 'ayex.

Jn 16:27

Yujto caw a 'ay xon schamc'ojlal 'ayex, yujto tzin e chamc'ojlej. Tzeya'ch 'a e c'ojol, to ata cotnc in.

Jn 17:23

An 'ayn 'och 'a eb', ach xo 'aych 'och 'ayin, sec wach' caw junxn̈ej 'oj 'aj snab'en eb'. Yuj cha, ax eb' 'anma 'a yolyib'n̈q'uinl tic, 'oj nachjc 'el yuj eb', to ach checjnacn coti. 'Oj yil eb', 'icha tzotj in a chamc'ojlani, 'ixta tzotj a chamc'ojlan pax eb' tic jun xo.

A Tas Sc'ulejnac Eb' Schecab' Jesús Hechos 22:18

'Ix wiln Cajlilec, 'ix yaln 'ayn 'ixtic: Caw tza c'ol ep el 'a Jerusalén tic, yujto toxn ma'oj scha eb' yab' jun wab'xil 'oj ala', xchi.

2 Co 12:8

'Ox'ejm in c'anjnac 'a Cajlilec, sec toq'ue tzyij 'el 'ayin.

2 Co 3:18

Yuj cha, man̈x 'ayc 'och jun 'icha nip chi 'a qui satc qui masnil. A ticnec, lajn on̈c 'icha junc nen 'aj tzquil qui sat, yujto cujec, tzcheclj 'el swach'l Cajlil. Yuj cha, wan slajnb'i qui nab'enec 'icha Cristo, yujto wan xo stz'acw qui wach'lec 'icha swach'il. 'Ixta wan on̈ yutnec Cajlil, atn Yespíritu Dios.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

Dt 11:13

Toto 'oj eyiclc smasnil jun tzo'n̈ checnb'il wan waln can 'ayx 'a jun c'u tic, tze chamc'ojlan Jehová qui Diosalec 'a smasnil e c'ojol, yet' smasnil e nab'en tzeya'n servil,

Dt 7:13

'Oj ex schamc'ojloc, ax ya'n syaxilal 'a eyib'an̈, 'oj yac' pax q'uib' e b'isul. 'Oj yac' syaxilal 'a yib'n̈ eb' eyunnal, 'a yib'n̈ e trigo, 'a yib'n̈ eyal uva, eyaceite, e wacax, e calnelu 'oj e caj 'a sat lum lum 'aj ya'jnac sti ya'n 'a eb' qui mam quichmec.

2 Ts 2:16

A Cajlil Jesucristo yet' qui Mam Dios, caw 'ay schamc'ojlal 'ayn̈ec. Yuj wal swach'c'ojlal, tzya'n sniwnal qui c'ojlec 'a smasnil tiempo. Tzya'n pax ca'c 'och swach'l chi yipc qui c'ojol.

2 Ti 4:22

Tzin nib'j 'aych Cajlil Jesucristo et'oc. Ya' cab' Dios swach'c'ojlal 'ayx e masnil ta'. [Ya' cab'i'.]

1 Jn 2:5

Palta a mach tzyiclni tas tzyala, wal yel 'ay schamc'ojlal 'a Dios si'mb'il. 'Ixta tzcutjec cojcan 'eli, to junn̈j cajc yet'oc.

1 Jn 3:1

'In caw tzon̈ schamc'ojlejec qui Mam Dios, yujto tzon̈ yalc yunnaloc. Yel toni, yunnaln̈ec xo. Ax eb' yic yolyib'n̈q'uinl tic, matz nachj 'el yuj eb', toto yunnaln̈ec xo Dios, yujto man̈ yojcoc eb' Dios tic.

1 Jn 5:3

Toto yel tzqui chamc'ojlejec Dios, 'oj qui yiclquec tas tzyal jun tzo'n̈ schecnb'il. A jun tzo'n̈ schecnb'il tic, man̈ yac qui yiclni.

2 Jn 1:6

Toto wan qui b'eylb'anec tas tzyal jun tzo'n̈ schecnb'il Dios, to 'ixta', yel 'ay qui chamc'ojlalec. Ax jun schecnb'il cab'jnaquec, yictax on̈ 'ochc yico'oc Dios, tzyala, to tzlaj qui chamc'ojloquec qui b'a.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Apoc 22:14

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.