Jn 12:48 - Chuj San Sebastian Bible

⁴⁸ A eb' may wel'ch 'a sat, eb' matz yiclni in paxti', toxn 'ayc' xon jun 'oj 'a'nc 'och syailal eb', atn in paxti tzwalcn tic. Yuj in paxti tic, 'oj 'ajxc 'och syailal eb' 'a slajb' c'ual.

Chuj San Mateo Bible

⁴⁸ A eb' tzin paticaneli, eb' max chaan pax yab' in lolonel, toxonton ayec' jun ol ac'anoch d'a yib'an̈ eb' chi', aton in lolonel svalcan tic. Yuj in lolonel tic, ol ac'jococh d'a yib'an̈ eb' d'a slajvub' c'ual.

Jn 12:48 ပူးပေါင်းရင်းမြစ်များ

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Mt 10:15

Wal yel tzwal 'ayex, a yic 'oj jawc jun c'u yic sb'eyc'ojlal Dios, yel xo wal niwn syailal eb' 'oj 'ajxc 'a yib'n̈ eb' 'aj Sodoma yet' eb' 'aj Gomorra.

Mt 21:42

Yuj cha, xyaln pax Jesús 'ixtc 'a ewinac: —¿Tom mant 'a 'aj xeyil 'a Ch'an̈ U'un̈, 'a 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso. 'Ixta 'ix yutj Cajlilec. Caw tzsatc qui c'ojl quilni, xchi 'a Ch'an̈.

Mt 25:31

An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi.

Mr 12:10

¿Tom mant 'a 'aj xeyil 'a Ch'an̈ U'un̈, 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso.

Mr 16:16

A mach tzya'ch 'a sc'ojol, tzya'n 'ajxc bautisar sb'a, 'oj colchjoc. Palta ax eb' matz ya'ch 'a sc'ojol, 'oj 'ochcn yailal 'a yib'n̈ eb'.

Mr 8:31

Ax 'a jun tiempoal cha, 'ix syamn 'och scuywj 'a eb' scuywum, yuj tastc 'oj jawc 'a yib'an̈, 'ix yaln 'ixtic: An tic wach'xam 'Ochnc in 'Anma'il, palta yowlal caw 'oj wab' syail. A wal ewin 'ichmtac winc 'ay yopiso, yet' ewin sat ya'mal 'och qui ti 'a Dios, yet' pax ewin cuywjum 'a ley yic Moisés, 'oj in patquilx can 'el yuj ewinac, 'oj in smil cham ewinac, palta ax 'a schab'jial ax in pitzw paxi, xchi 'a eb'.

Lc 10:16

'Ix yaln pax 'a eb' scuywum 'ixtic: —A mach tzchan 'ab'noc 'ayex, tzyal 'el'chi, 'a 'ayn tzchaj eb' yab'i'. Ax eb' tzex patquiln can 'eli, tzyal 'el'chi, an tzin spatquilj can 'el eb'. A eb' tzin patquiln can 'el cha, tzyal 'el'chi, a Dios checjnacn coti, a tzpatquilj can pax 'el eb', xchi Jesús 'a eb'.

Lc 17:25

Palta b'ab'el, yowlal caw 'oj wab' syail, 'oj in patquilx can 'el yuj eb' 'anma 'ayc' 'a jun tiempoal tic.

Lc 20:17

Palta x'och q'ueln Jesús 'a eb', 'ix yaln 'ixtic: —¿Tas tzyal 'el'ch jun tzo'n̈ tz'ib'b'il can 'a Ch'an̈ Un̈ tze na'a, 'a 'aj tzyal 'ixtic? A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso, xchi 'a Ch'an̈.

Lc 7:30

Palta ax ewin fariseo yet' ewin cuywjum 'a ley yic Moisés, man̈ schajnac ewin 'ajxc bautisar sb'a yu'uj. 'Ixta xyutj ewin sch'oxni, to a tas tznib'j Dios 'a ewinac, may yel'ch 'a sat eb'.

Lc 9:22

'Ix yaln pax 'ixtc 'a eb': —An tic 'Ochnc in 'Anma'il, palta yowlal 'oj wab' syail. 'Oj in patquilx can 'el yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Lc 9:26

Toto 'ay mach tzq'uixw wu'uj, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb', yic 'oj in jawi ax woch reyal. 'Oj in jaw yet' spoder in Mam, yet' pax eb' yángel yic yaji.

Jn 11:24

—N', wojtac. At 'a slajb' c'ual a yic 'oj pitzwc pax eb' chamnac, atta 'oj pitzwc pax yet' eb', xchi 'ix 'a 'a.

Jn 5:45

Xe natlaji, to an 'oj ex wac' queja 'a in Mam. Yujto 'ay junx 'oj eya'n queja 'a 'a, atn Moisés, jun tzeya'ch cob' yipc e c'ojol.

Jn 6:39

A 'in Mam checjnacn coti. Tznib'ej to may junc 'oj sat 'a scal eb' tzyac' 'ayin. Tznib'ej to an 'oj wac' pitzwc pax chan̈ eb' 'a slajb' c'ual.

Jn 8:47

A eb' yic Dios, tzya'ch eb' schicn 'a spaxti'. Palta ax xo tic, man̈ ex yico'oc Dios. Yuj cha, matz yal e c'ojl tzeya'ch e chicn 'a 'a, xchi Jesús 'a eb'.

A Tas Sc'ulejnac Eb' Schecab' Jesús Hechos 17:31

Yujto yaljnac cani, to 'ay jun c'ual 'oj sb'eyc'ojloc smasnil 'anma'. Tojl 'oj yutc sb'eyc'ojlani, a tzyala tas tzb'o junjn mach. Ax jun sic'b'il can 'el yuj Dios, atn 'oj b'eyc'ojlanc eb'. 'Ix ch'ox Dios 'a smasnil 'anma', to caw yel jun tic, yic 'ix ya'n pitzwc pax jun mach sic'b'il 'el chi 'a scal eb' chamnac, xchi Pablo 'a eb'.

A Tas Sc'ulejnac Eb' Schecab' Jesús Hechos 3:23

Yujto tzann̈j mach matz yiclni tas 'oj yal jun schecb' Dios cha, 'oj satx can 'el 'a scal eb' quit chon̈b'ec, xchi Moisés 'a Ch'an̈ U'un̈.

Ro 2:16

At 'a yic 'oj jawc jun c'ual, 'oj sb'eyc'ojloc Dios smasnil 'anma', yuj tastc c'ultac yaj yuj eb'. A Jesucristo 'oj b'eyc'ojlanc eb' yu'uj, 'icha tzyal jun wach' 'ab'x yic colnb'il tzwal-l tic.

2 Co 4:3

A yic tz'ec' calnc 'el wach' 'ab'x yic colnb'il on̈, 'ay ton eb' matz nachj 'el yu'uj, atn eb' wan satq'ui.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

A Ch'an̈ Carta D'a Eb' Hebreo 10:25

Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

A Ch'an̈ Carta D'a Eb' Hebreo 4:12

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

A Schab'il Carta San Pedro 3:3

A junx tic 'oj walb't tic, caw wal tzin nib'j tzeyojquej 'eli. A 'a jun slajb' tiempoal, 'ay eb' 'oj pitzwc cha'an̈. 'Oj comn b'uchwjc eb'. Cojxn jun tzo'n̈ maysch'olnil tznib'j 'och eb' 'aj 'oj ya'ch snab'en.

A Schab'il Carta San Pedro 3:7

A satcha'an̈ yet' sat lum tic, an̈ja 'ayc' ticnec. Palta yaljnac can Dios, to yowlal 'oj cann̈j 'ixtic, masnto 'oj 'ajxc 'emt c'ac' 'a 'a. Atta 'oj jawc jun c'u yic b'eyc'ojlal. Ax eb' may yel'ch Dios 'a sat, 'oj satcn 'el eb' 'a jun 'ejmn̈ej ta'.

A Ch'an̈ B'ab'el Libro Samuel 10:19

Palta ax ticnec, 'ix e patquilj can 'el qui Diosalec, atn jun on̈ 'i'n 'elt 'a scal yailal, yet' 'a scal cusc'ojlal, yic xe c'ann jun qui reyl tzyac' yajlil 'a quib'n̈ec. Yuj cha, a ticnec 'ochn̈ec 'a yojltac Jehová, junjn 'in̈tal yet' junjn macn̈il tzex 'aj 'eyochi, xchi.

A Ch'an̈ B'ab'el Libro Samuel 8:7

'Ix ta'w Jehová 'a win 'ixtic: Chaj ab' tas tzyal eb' 'anma tic, yujto man̈oc ach tzach spatquilj can 'el eb', palta to a 'in, sec man̈xtzac wac' yajlil 'a yib'n̈ eb'.