Jn 12:40 - Chuj San Sebastian Bible

⁴⁰ 'Icha to tzin mac sat eb', tzin wach' 'a'n pitb'oc 'eb', sec wach', 'icha to matz yil eb', matz nachj 'el yuj eb', sec man̈xtzac sjel xon eb' jac snab'en. Yuj cha, ma'oj wac' lajwc smul eb', xchi Dios, xchi can Isaías cha.

Chuj San Mateo Bible

⁴⁰ A Dios tz'ac'an eb' musansatil, svach' ac'an pitb'oc spensar eb', yic vach' max yil eb', max nachajel yuj eb', yic max q'uexmaj spensar eb'. Yuj chi' a Dios max colan eb', xchi vin̈aj Isaías chi'.

Jn 12:40 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:20

'Ix yaln Jehová 'ixtic: ¿Mach wal junc tz'at alnc 'a win Acab, sec tz'at win yac' owl 'a chon̈b' Ramot 'a yol yic Galaad, sec ata 'oj cham win ta'? xchi. Ax eb' 'ayc' 'a stz'ey cha, chucch tzyutj eb' laj yal-lan 'a 'a.

Salmos 147:3

A tz'a'n sniwnal sc'ojl eb' to 'icha lajwnac spixn tzyab'i, a tz'an̈tn slajwelal eb' cha.

Salmos 41:4

'Ix waln 'ixtic: Mamin Jehová, 'o'ch cab' a c'ojl 'ayin; 'ac' b'oxc in c'ojol, wach'xam x'och in mul 'ayach, xin chi.

Salmos 6:2

'O'ch cab' wal a c'ojl 'ayin, yujto man̈x 'a wip tzwab'i. 'Ac' jawc in c'ojl Mamin. Smasnil in niwnal, caw tz'el yip tzwab'i.

Ex 10:1

'Ix yaln pax Jehová 'a Moisés 'ixtic: —'At 'ilt pax win rey cha, an 'ix wa'x pitb'oc 'el snab'en win yet' eb' 'aych yajlil chi yet'oc, sec tzyil eb' jun tzo'n̈ milagro satjub'tac yilx tzin ch'oxo.

Ex 11:10

A Moisés yet' Aarón 'ix laj sb'o eb' smasnil tas 'ix alx 'a 'a, atn tas satjub'tac yilx sch'ox eb' 'a yojltac win rey cha. Palta 'ix ya'x Jehová pitb'oc 'el snab'en winac, ma'ix schaj 'elt win eb' israel 'a yol yic Egipto chi muc'uc.

Ex 14:17

Ax wa'n pax pitb'oc 'el snab'en eb' 'aj Egipto cha, ax cob' yochx tza'n eb' eyuj snani, atn wal ta 'oj in ch'oxn in poder 'a win rey, 'a eb' soldado, 'a smasnil jun tzo'n̈ caruaje, 'a smasnil no chej yet' pax 'a smasnil eb' 'anma ajun yet' winac.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

Ex 14:8

'Ixta 'ix yutj pax Jehová ya'n pitb'oc 'el snab'en win rey, 'ix 'ochx tza'n win yuj eb' israel. Palta toc 'ay xon eb' israel chi tzxiwi yic x'elt eb' 'a Egipto.

Ex 4:21

Xyaln pax Jehová 'ixtc 'a Moisés: —A yic 'oj a c'och 'a Egipto cha, nann̈ej cab' jun tzo'n̈ tic o'oj, yic 'oj a c'och 'a yojltac win rey, chajtlto 'oj a ch'ox yil win jun tzo'n̈ milagro to satjub'tac yilx xwac' a b'o'. Palta an 'oj wac' pitb'oc 'el snab'en win rey cha, yic ma'oj e chax 'elt yu'uj.

Ex 7:13

Palta ma'ix schaj xon win rey chi yab' tas xyal eb' chawn̈ cha, 'icha 'ix yutj Jehová yalni. 'Ix yac' pitb'oc 'el snab'en win rey cha.

Ex 7:3

An xo 'oj wac' pitb'oc snab'en win rey cha, sec 'oj ste'wtzoc sb'a, ya' sb'a cha, til wal jun tzo'n̈ tas satjub'tac 'oj in ch'ox 'ilxoc 'a Egipto tic.

Ex 9:12

Palta 'ix pitb' 'el pax snab'en win rey jun 'ejm xo yuj Jehová, 'icha wal yutjnac Jehová yalni. Ma'ix schaj win yab' tas 'ix yal Moisés yet' Aarón.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Is 53:5

'Ix lajw sniwnal yuj qui mulec, xyab' syal sniwnal chi yuj qui tu'al. Yuj jun yailal 'ix 'och 'a yib'n̈ cha, yuj cha, 'ix 'och junc'ojlal 'a qui calc yet' Dios. Yujto 'ix yab' syal sniwnal, yuj cha, 'ix 'ajx qui q'uinlec.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Is 6:9

'Ix yaln 'ayin: 'Ixic, 'at al 'a jun tzo'n̈ eb' 'anma chi 'ixtic: Tzcob' eyab' tas tzalxi, palta matz nachj 'el eyu'uj, tzcob' eyila', palta matz eyojquej 'eli tas jun cha, xa chi 'a eb'.

Jeremías 3:22

Ex 'anma to caw tenmtac, cotn̈ec pax 'ayin, 'oj in b'o jun e nab'en caw tenmtac cha, xchi Dios. 'Ix ta'w eb' israel 'ixtic: Caj on̈, tzca'ch qui b'a 'a yol a c'ab' on̈, yujto ach tic, Jehová qui Diosal ach on̈.

Jeremías 5:21

Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Ez 12:2

Ach 'anma', ach tic cajn ach 'ec' 'a scal jun c'aj eb' 'anma caw wal pit. 'Ay cob' yol sat eb', palta 'icha to matz tac' yiln eb'; 'ay pax cob' schicn eb', palta 'icha to matz tac' yab'n eb', yujto caw wal pit eb'.

Ez 14:9

Toto 'ay junc mach tzcob' sc'anb'j sb'a 'a junc tzyalch sb'a in checb'oc, toto tzyac' jun checb' chi spac junc paxti chi 'a yol yico', a jun cha, an tzwac' 'ixtxoc paxti'. 'Oj wic' chan̈ in c'ab' 'a 'a, ax wa'n 'och syailal, 'oj wi'l 'a scal eb' in chon̈ab'.

Os 14:4

Tzyaln Dios 'ixtic: 'Oj wac' jawc snab'en eb' in chon̈b' tic 'a scal spital. Wach'xam man̈ smojoc, palta 'oj in chamc'ojloc eb', yujto man̈x 'oj wa'ch yowl in c'ojl 'a yib'n̈ eb'.

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Mr 4:12

sec matz nachj 'el yuj eb'. Wach'xam tzyil eb' junc tas, ton̈j tzcann̈j eb' 'ixta', 'icha to may tas tzyil eb'; an̈jtona', wach'xam tzyab' eb', palta matz nachj xon 'el jac yuj eb'. Yuj cha, matz jel xon eb' jac snab'en, matz 'ajx lajwc can pax smul eb', xchi.

Mr 6:52

Yujto wach'xam tox 'ix yil eb' jun milagro 'ix sb'o Jesús yet' 'ixm pan, palta ma'ix nachj 'el spoder yuj eb', yujto caw tzatz snab'en eb' cuywum cha.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Lc 8:10

Yuj cha, xyaln 'a eb' 'ixtic: A 'ayx wan sch'oxn Dios jun tzo'n̈ tas mant 'a mach 'ojtnac, sec tznachj 'el eyu'uj chajtl tzex 'aj eyoch 'a yol sc'ab'. Palta ax 'a jun tzo'n̈ xo eb' 'anma', cojn jun tzo'n̈ 'ab'x ya snachj tzwal 'a eb'. Yuj cha, wach'xam tzyil eb' junc tas, ton̈j tzcan eb' 'ixta', 'icha to may tas tzyil eb'. An̈jtona', wach'xam tzyab' eb', palta matz nachj xon 'el jac yuj eb'.

Jn 12:39

Yuj cha, ma'ix stac' ya'n 'och eb' 'a sc'ojol. Ya'jnac Dios yal-l Isaías junx tic 'ixtic:

Jn 9:39

—Yuj sb'o yaj eb' 'anma', in jaw 'a yolyib'n̈q'uinl tic. Yujto 'ay eb' matz uj yiln yic Dios ticnec, 'icha to q'uic'q'uinl yaj eb'. Palta wu'uj, 'icha to 'oj jacwc sat eb'. 'Ay pax nan̈l xo eb' caw tztac' yiln yic Dios snani. Palta a eb' cha, wu'uj, 'icha to 'oj juwc sat eb', xchi Jesús.

A Tas Sc'ulejnac Eb' Schecab' Jesús Hechos 15:3

Xlajw schecx 'at eb' yuj eb' creyente 'aj Antioquía cha, 'ix 'ec' eb' 'a yol yic Fenicia yet' 'a Samaria. Ata x'ec' yal-l eb' 'a eb' creyente, chajtlto 'ay eb' man̈ israeloc 'ix sjel sb'eyb'al, 'ix ya'ch eb' sc'ojl 'a Dios. Yic 'ix yab'n eb' creyente jun cha, caw 'ix tzalj eb' smasnil.

A Tas Sc'ulejnac Eb' Schecab' Jesús Hechos 28:26

'Ixic, 'at al 'a jun tzo'n̈ eb' 'anma chi 'ixtic: 'Oj cob' eyab'n̈j tas tzalxi, palta ma'oj nachjc 'el eyu'uj. 'Oj cob' eyiln̈ej, palta ma'oj eyojcoc 'eli tas jun cha.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

Ro 9:18

Yuj cha, a eb' tznib'j Dios 'aj tz'o'ch sc'ojol, atn eb' chi 'aj tz'o'ch sc'ojol. Yet' pax eb' tznib'j Dios tzpitb'i, atn eb' chi tzyac' pitb'oc.

Dt 29:4

Palta mantzac yac' Jehová eyojcoc 'eli, mantzac yac' pax nachjoc 'el eyu'uj tas wal tzyal 'el'ch jun tzo'n̈ tic.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.