Jn 12:35 - Chuj San Sebastian Bible

³⁵ Yuj cha, xyaln pax 'a eb' 'ixtic: —An tzwac' sacq'uinl 'a e pixan, 'ayn 'ec' 'a e cal ticnec, palta jab'xoj wal tiempo 'ayn 'eq'ui. Caw tze b'o e b'eyb'al, ya' sb'a 'aynto 'ec' jacx eyet'oc. Toto ma'ay, 'oj somchjc 'el e nab'en. 'Icha junc mach tzb'eyc' 'a q'uic'q'uinal, matz uj yiln 'aj tz'ati, 'ixta 'oj eyaji.

Chuj San Mateo Bible

³⁵ Yuj chi' ix yal d'a eb': —A in svac' saquilq'uinal d'ayex, ayinec' d'a e cal ticnaic, palta quenxon̈ej tiempo ayin eq'ui. Tojolb'itejec e b'a yacb'an ayin to ec' jab'ocxo eyed'oc. Tato maay, ol somchajel e pensar. Icha junoc mach sb'eyec' d'a q'uic'alq'uinal, max uji yilan b'aj sb'ati, icha chi' ol ex ajoc.

Jn 12:35 ပူးပေါင်းရင်းမြစ်များ

Pr 4:19

Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.

Is 2:5

Cotn̈ec ex yin̈tl can Jacob, b'eycoyc 'a sacq'uinlal Jehová.

Jeremías 23:12

Yuj cha, an Jehová in, an tzwala to caw q'uic'q'uinl 'oj 'aj sb'e eb', caw n̈elmtac 'oj 'ajoc. 'Oj tenxoc 'at eb', ax stelw eb'. A yic 'oj c'och stiempoal in b'eyc'ojlan eb', 'oj wa' cot yailal yel xo tu 'a yib'n̈ eb'.

Lc 18:37

'Ix yaln eb' 'a 'a, to a Jesús 'aj Nazaret wan sb'ey 'a b'e cha,

Jn 11:10

Palta ax eb' tzb'eyc' 'a 'ac'wal, tzcomn telw eb', yujto may sacq'uinl 'a eb', xchi Jesús.

Jn 11:9

Yuj cha, xyaln pax 'ixtc 'a eb': —Cojquec, to 'ay lajchwe hora tz'ec' 'a junjn c'u. Toto tzon̈ b'eyc' 'a c'ual, matz on̈ comn telwi, yujto sacq'uinal.

Jn 12:36

An tic, 'aj sacq'uinl in, yuj cha, 'a'c 'och e c'ojl 'ayin, ya' sb'a 'aynto 'ec' eyet'oc, sec 'oj wac' sacq'uinl 'a e pixn 'a jun 'ejmn̈ej, xchi Jesús 'a eb'. Xlajw xoj yaln jun tzo'n̈ tic, 'ix yi'n 'el sb'a. Sc'ub'n 'el sb'a 'a eb'.

Jn 12:46

An tic, in jaw wul wac' sacq'uinl 'a spixn eb' 'anma 'a yolyib'n̈q'uinl tic, sec wach' a eb' tzya'ch sc'ojl 'ayin, man̈x 'a q'uic'q'uinl 'a spixn eb'.

Jn 16:16

Jab'xoj wal tzin eyil ticnec, ax yec' 'a janic', man̈x 'oj in eyila'. Palta at pax chab'j 'oxej, ax in eyiln paxi, [yujto 'oj in pax q'ue 'a 'aj 'ay qui Mam Dios], xchi Jesús 'a eb'.

Jn 7:33

Ax Jesús cha, 'ix yaln 'ixtc 'a eb' 'anma': —Jab'xoj wal tiempo 'ayn 'ec' eyet'oc. 'Oj lajwc cha, ax in pax 'a 'aj 'ay jun checjnacn coti.

Jn 8:12

'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

2 Co 3:14

Palta ax eb' cha, ma'ix nachj 'el yuj eb', tas chi xalx 'a eb', yujto pit eb'. An̈jtona ticnec, a yic tz'awtx jun 'ichm trato 'a eb' israel, matz nachj 'el yuj eb'. Yujto 'icha wal a jun nip chi potn 'och 'a sat eb', 'ixta yaj 'a eb'. A wal jun 'icha nip cha, matz 'eli, palta yujn̈ej Cristo tztac' yeli.

Gl 6:10

A ticnec, ya' sb'a tztac' qui colwjec 'a eb' quit 'anma'il, yowlal wach' tzcutjec qui nab'en 'a eb'. Ax 'a eb' quit creyenteal, yel xo cab' wach' tzcutj qui nab'enec 'a eb'.

Ef 5:8

A 'a yic yalan̈, q'uic'q'uinl to yaj qui pixnec yuj qui b'eyb'al. Al ticnec, sacq'uinl xo yaj qui pixnec, yujto junxn̈ej cajc yet' Cajlil. Yic on̈c xo sacq'uinl ticnec. Yuj cha, yowlal wach' tzcutjec qui b'eyb'al.