Jn 12:34 - Chuj San Sebastian Bible

³⁴ Ax eb' 'anma', 'ix yaln eb' 'ixtc 'a 'a: —A 'a ch'an̈ ley 'aycn 'ayn̈ec, ata xcab' on̈, chajtlto a Cristo 'ayc'n̈ej 'a smasnil tiempo. Yuj cha, ¿tas yuj tzala, to a jun 'Ochnc 'Anma'il, yowlal 'oj 'ajxc q'ue'i? ¿Mach jun 'Ochnc 'Anmal tzal cha? xchi eb' 'a 'a.

Chuj San Mateo Bible

³⁴ Axo ix yalan eb' anima d'ay: —A d'a ley aycan d'ayon̈, ata' ix cab'i to a Cristo ayn̈ejec' d'a masanil tiempo. Yuj chi', ¿tas yuj tzala' to a jun Ac'b'ilcot yuj Dios yoch animail, yovalil ol ic'jocq'ue d'a chaan̈? ¿Mach jun Ac'b'ilcot tzal chi'? xchi eb' d'ay.

Jn 12:34 ပူးပေါင်းရင်းမြစ်များ

A Ch'an̈ Schab'l Libro Samuel 7:13

A 'oj b'onc chan̈ junc watut yic 'emmquilal cha, ax eb' yin̈tl 'oj ya'n̈j yajlil 'a sdespacho 'a smasnil tiempo.

Salmos 110:4

A Jehová mun slocjnac sb'i yic yalni, yuj cha, may wal b'a'n̈ 'oj sjel snab'en, alb'il can yuj 'ixtic: Ach tic, tzach 'ochcn ya'malc 'och sti eb' 'anma 'ayn 'a smasnil tiempo, 'icha ya'jnac Melquisedec 'a pecti', xchi Dios 'a 'a, xchi.

Salmos 72:7

Niwtj cab' junc'ojlal yet' tojlal 'a yic stiempoal 'aych win rey yajlil, masnto 'oj satl 'uj.

Is 53:8

'Ix yij 'at eb' 'a preso, sb'eyc'ojlan eb' sec tzsatli, toc 'ayt eb' yit chon̈b' 'ix 'och 'il yu'uj. 'Ix 'ijx 'el 'a yolyib'n̈q'uinl tic yuj smul eb' wit chon̈ab', yuj eb' xyab'n syail.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Dn 7:14

'Ix 'ajx yopiso yet' sb'inab'ilal yic tzya'n reyal. Smasnil 'anma 'a junjn nacion̈ yet' 'a junjn ti'al, c'uxn tz'a'w servil eb' 'a 'a. A yip 'ayc' 'a jun 'ejmn̈ej, ax yopiso cha, caw may xon b'a'n̈ 'oj lajwc 'ejmi.

Dn 7:27

Ax yopiso, yip yet' sb'inab'ilal smasnil nacion̈ 'ayc' 'a yolyib'n̈q'uinl tic, 'oj 'ajxoc can 'a yol sc'ab' eb' schon̈b' jun Dios to cojxn niwn yel'chi. A jun 'opiso tic, 'ayc'n̈ej 'a jun 'ejmn̈ej. Smasnil eb' chon̈b' cajn 'a sat lum lum tic, 'oj yac' eb' 'emmquilal 'a 'a, ax syiclni pax eb' tas 'oj yala', xchi 'ayin.

Mt 16:13

A yic xc'och Jesús yet' eb' scuywum 'a Cesarea 'a yol yic Filipo, 'ix sc'anb'n 'a eb' 'ixtic: —An 'Ochnc in 'Anmal tic, ¿machn yal eb' 'anma tzeyab'i? xchi 'a eb'.

Mt 21:10

Yic xc'och Jesús 'a yol chon̈b' Jerusalén, 'ix somchj chan̈ eb' 'anma smasnil, 'ix laj yalnc eb' 'ixtic: —¿Mach jun tzjaw tic? xchi eb'.

Mt 8:20

Ax Jesús, xyaln 'ixtc 'a winac: —A no wa'ax 'ay yet'l no 'a yol n̈aq'ue'en, no ch'ic, 'ay yet'l no 'aj tzwayi. Palta an xo tic, wach'xam 'Ochnc in 'Anma'il, may wet'l 'aj tzin wayi, xchi 'a winac.

Jn 10:34

Yuj cha, 'ix yaln pax 'ixtc 'a eb': —A 'a ch'an̈ ley 'aycn 'ayn̈ec, ata tz'ib'b'il can 'ixtic: An tzwala, ax tic, dios ex, xchi Dios 'a Ch'an̈ Un̈ cha.

Jn 12:32

Aln tic, a yic 'oj wajx q'ue'i, 'oj wi' cot smasnil 'anma 'ayin, xchi Jesús.

Jn 15:25

Palta 'ixtn tic tz'aj yel'ch jun tzo'n̈ tic, sec tz'el'ch tas tz'ib'b'il can 'a ch'an̈ ley 'aj tzcob' ya'ch eb' snab'en. 'A 'aj tzyal 'ixtic: Tzcomn chichn 'och eb' 'ayin, xchi 'a Ch'an̈ U'un̈.

Jn 8:28

Yuj cha, 'ix yaln pax 'a ewin 'ixtic: —At yic 'oj in e t'un̈nc q'ue'i, ax snachj 'el eyu'uj, to an 'Ochnc in 'Anma'il. Atta 'oj eyojcoc 'eli to may tas mun tzin b'o in ch'ocoj. An̈j jun tzo'n̈ cuynb'il yaljnac in Mam 'ayin, an̈j tzwala.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

Ro 5:18

Yuj cha, yuj smul win Adán yajx can 'och yailal 'a yib'n̈ smasnil 'anma'. Palta 'ay wal jun tas caw wach' sb'ojnac Jesucristo. Yuj wal jun cha, tzyal Dios to wach'n̈ec 'a sat, tzya'n pax qui q'uinlec 'a jun 'ejmn̈ej.

A Ch'an̈ Carta D'a Eb' Hebreo 7:24

Palta ax Jesús, man̈x b'a'n̈ 'oj chamoc. Yuj cha, smasnil tiempo 'ay yopiso ya'n 'och qui tic 'a Dios.