Jn 12:19 - Chuj San Sebastian Bible

¹⁹ Ax ewin fariseo, 'ix laj yalnc ewin 'ixtic: —Man̈x 'a tas tztac' qui b'onec ticnec. 'Iltec eb' 'anma', c'uxn tzlaj 'och eb' yet' winac, xchi ewinac.

Chuj San Mateo Bible

¹⁹ Ix laj yalan eb' vin̈ fariseo icha tic: —Man̈xa tas vach' cutanec ticnaic. Ilecnab' eb' anima, ix laj och eb' masanil yed' vin̈, xchi eb' vin̈.

Jn 12:19 ပူးပေါင်းရင်းမြစ်များ

Salmos 22:27

Mamin Jehová, smasnil jun tzo'n̈ niwc nacion̈, yet' yin̈tl junjn macn̈ 'anma 'a 'aj tzlajw c'och lum lum tic, 'oj a nax cot yuj eb'. 'Oj jawc eb' 'a ojltac, ax yem cumn eb' 'ayach,

Salmos 49:1

Tzcham wal eyab'n jun tic ex wit chon̈ab', ex to cajn ex 'a smasnil chon̈b' 'ay 'a yolyib'n̈q'uinl tic;

Is 27:6

'Ay jun c'ual 'oj yi'x eb' yin̈tl Jacob yip jun 'ejm xo. Yuj eb' ax ya'n cot Dios syaxilal 'a yolyib'n̈q'uinl tic jun 'ejm xo. Lajn eb' 'icha junc snun uva to tz'ejm schan̈l yib', tzwolni, tznichni, caw niwn sat tzyac'a.

Mt 21:15

Palta ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix yiln ewin jun tzo'n̈ milagro 'ix sb'o'o, xyab'n pax ewin yaln chan̈ eb' 'unn 'ixtc 'a yamq'uil yatut Dios cha: Yuj wal dios 'a jun Yin̈tl David tic, xchi eb' 'unn cha. Yuj cha, caw xcot yowl ewinac.

Jn 12:18

Yuj cha, 'ix 'at eb' 'anma 'at scha Jesús, yujto xlaj yab' eb' yab'xil jun milagro chi 'ix sb'o'o.

Jn 12:20

'Ay jun tzo'n̈ eb' griego 'ix c'och 'a jun q'uin̈ cha, yic tzyaln sb'a eb' 'a Dios.

Jn 17:21

Tzin c'an 'ayach, sec junxn̈ej 'oj 'aj snab'en eb' smasnil. Mamin, junn̈j in et'oc, junn̈j ach pax wet'oc. Comnoc 'icha caji, 'ixta 'oj 'aj eb', junn̈j tz'aj eb' quet'oc. Toto 'ixta', ax eb' 'anma 'a yolyib'n̈q'uinl tic, 'oj ya'ch eb' 'a sc'ojol, to ach checjnacn coti.

Jn 3:26

Yuj cha, xit' yalnc eb' 'ixtc 'a Juan cha: —Ach qui cuymal on̈, a jun 'e'nc et' 'a sc'axpil 'ec' a Jordán, jun alcn 'ayn̈ on̈, a jun cha, wan ya'n bautisar eb' 'anma ticnec. C'uxn tzlaj 'och eb' scuywumoc, xchi eb' 'a Juan cha.

A Tas Sc'ulejnac Eb' Schecab' Jesús Hechos 17:6

Palta may eb' 'ayc' 'a yol n̈a cha. Yuj cha, ax Jasón yet' jaywn̈ xo eb' creyente 'ix syam ewinac. 'Ix yi'n 'at ewin eb' 'a yojltac eb' syajlil chon̈ab'. Ata xyal chan̈ ewinac 'ixtic: —A Pablo yet' Silas, c'uxn tz'ec' eb' yac' somchjc 'el snab'en eb' 'anma 'a yolyib'n̈q'uinl tic. Al ticnec, tic xjaw ewin 'ayn̈ec.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.