Jn 11:47 - Chuj San Sebastian Bible

⁴⁷ Ax ewin fariseo cha, yet' eb' sat ya'mal 'och sti eb' israel 'a Dios, 'ix sc'umj sb'a ewin yet' eb' sat yajal. 'Ix laj yalnc eb' 'ixtic: —¿Tas tzcutjec tze na'a? Yujto til wal jun tzo'n̈ milagro wan sch'oxn jun winc cha.

Chuj San Mateo Bible

⁴⁷ Axo eb' vin̈ fariseo chi' yed' eb' vin̈ sat sacerdote, ix slajtiej sb'a eb' vin̈ yed' eb' vin̈ sat yajal. Ix laj yalan eb' vin̈ icha tic: —¿Tas scutejec vin̈ tze na'a? Yujto tzijtum val juntzan̈ satub'tac sch'ox vin̈.

Jn 11:47 ပူးပေါင်းရင်းမြစ်များ

Mt 26:3

Ax eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés, yet' eb' 'ichmtac winac, syam sb'a eb' 'a yamq'uil yatut win Caifás. A win cha, sat ya'mal 'och sti eb' 'anma 'a Dios.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Mr 14:1

Chab'joc xoj yoch jun q'uin̈ yic snanb'il cot yel eb' israel 'a libre, yic tzwan eb' 'ixm pan may yich. Ax eb' sat ya'mal 'och sti eb' israel 'a Dios, yet' eb' cuywjum 'a ley yic Moisés, 'ix syam sb'a eb'. 'Ix laj yalnc eb' tas tzyutj eb' ya'n 'och 'es 'a yib'n̈ Jesús, sec tzyamchj yuj eb', tzmiln cham eb'.

Lc 22:2

Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix sayn ewin tas 'oj yutc smiln Jesús 'a c'ultaq'uil, yujto tzxiw ewin yuj eb' 'anma'.

Jn 11:57

Ax ewin fariseo yet' eb' sat ya'mal 'och sti eb' israel chi 'a Dios, 'ix ya'n 'elt eb' jun ley, 'a 'aj tzyal 'ixtic: Toto 'ay 'aj tzeyil Jesús, tzwul eyal 'a tic, xchi jun ley cha. 'Ixta xyutj ewin yaln 'eli, yujto tznib'j ewin ya'ch Jesús 'a preso.

Jn 12:19

Ax ewin fariseo, 'ix laj yalnc ewin 'ixtic: —Man̈x 'a tas tztac' qui b'onec ticnec. 'Iltec eb' 'anma', c'uxn tzlaj 'och eb' yet' winac, xchi ewinac.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 6:2

Til wal eb' 'anma x'och tza'n yuj Jesús, yujto xyil eb' jun tzo'n̈ milagro sch'oxo yic xya'n b'oxc sc'ojl eb' ya'ay.

Jn 7:32

Ax ewin fariseo, xyab'n ewinac tas xyal eb' 'anma yuj Jesús. Yuj cha, smol aln ewin yet' eb' sat ya'mal 'och sti eb' israel 'a Dios, 'ix cob' schecnc 'at ewin jun tzo'n̈ eb' policía stan̈mal yatut Dios, yic tz'at yi'nc cot ewin Jesús, sec tzya'ch ewin 'a preso cob' snani.

Jn 7:45

Ax eb' policía stan̈mal yatut Dios, an̈ja sch'ocj eb' 'ix c'ochx 'a 'aj 'aycn ewin xchecn 'at eb' cha, atn ewin fariseo, yet' ewin sat ya'mal 'och sti eb' israel 'a Dios. Yuj cha, xyaln ewin 'a eb' 'ixtic: —¿Tas yuj ma'ix eyij cot Jesús cha? xchi ewinac.

A Tas Sc'ulejnac Eb' Schecab' Jesús Hechos 5:21

Yuj cha, ax 'a yic wan sacb'i, 'ix c'och eb' 'a yamq'uil yatut Dios. 'Ix syamn 'och eb' scuywj ta'. Ax win sat ya'mal 'och sti eb' israel 'a Dios, yet' ewin yitb'eyum, 'ix yawtn cot ewin eb' sat yajal, atn jantcn̈ej eb' yajl yaj 'a eb' israel. Xlajw cha, xchecn 'at ewin jaywn̈ ewin policía, yic tz'at cob' yi'nc 'elt ewin eb' schecb' Jesús 'a preso snani.

A Tas Sc'ulejnac Eb' Schecab' Jesús Hechos 5:24

Ax win sat ya'mal 'och sti eb' israel 'a Dios, yet' ewin yitb'eyum, yet' win sat stan̈mal yatut Dios, yic 'ix yab'n ewin jun tzo'n̈ cha, caw 'ix sat sc'ojl ewin si'mb'il. Ma'ix nachj 'el yuj ewinac, tas wal yaji.