Jn 11:35 - Chuj San Sebastian Bible

³⁵ A Jesús 'ix 'oq'ui.

Chuj San Mateo Bible

³⁵ Ix oc' Jesús.

Jn 11:35 ပူးပေါင်းရင်းမြစ်များ

Gn 43:30

Xlajw yaln José jun tzo'n̈ cha, caw wal x'och pitz'n 'a spixn yiln 'och jun yu'tac cha, 'ijn wal x'oc' muc'uc. Yuj cha, yajn̈ej x'och 'a yol scuarto, axta x'oc' wal si'mb'il.

Job 30:25

In laj 'oc' yet' eb' 'aych 'a syailal, 'ix 'o'ch pax in c'ojl 'a eb' may jac tas 'ay 'a 'a.

Salmos 119:136

Caw tzb'ey yal in sat woq'ui, yujto matz yiclj eb' 'anma jun tzo'n̈ a cuynb'il tic.

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jeremías 13:17

Toto ax tic matz e chaj eyab' tas tzwala, 'oj woc' eyuj 'a c'ultaquil, yujto tzeyij chan̈ e b'a. Caw 'oj 'eltoc yal in sat eyu'uj, yujto 'oj eyijx 'at 'icha presoal, xin chi 'a eb'.

Jeremías 14:17

Yuj cha, al jun tzo'n̈ a cusc'ojlal tic 'a eb' chon̈b' chi 'ixtic: Sc'ual, yac'wlil cab' yel yal in sat woq'ui, matz 'och wan xon cab' yeli, yuj wal jun yailal 'ay xo smay xjaw 'a yib'n̈ eb' wit chon̈ab', yuj jun yailal tz'a'n lajwc eb'.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!

Lm 1:16

Yuj wal jun tzo'n̈ tic tzon̈ 'oc' on̈. Caw wal jichlji yem yal qui sat. Toc 'ayt mach tz'a'n jac sniwnal qui c'ojol, man̈x 'a mach tz'a'n ste'nal qui nab'en on̈. Scal yailal xcan smasnil eb' cunnal on̈, yujto caw wal jeln eb' 'ajc'ojl chi 'a quib'n̈ on̈, xchi eb'.

Lc 19:11

Yic wan yab'n eb' tas tzyal Jesús, 'ay jun 'ab'x 'ix yal 'a eb', yujto wan sc'och eb' 'a sla'nil Jerusalén. A snan eb', to 'oj yac' Dios Yajlil 'a yolyib'n̈q'uinl tic muc'uc.

Lc 19:41

Ax yic wan sc'och Jesús 'a sla'nil Jerusalén, xyiln 'at jun chon̈b' cha. 'Ix 'oc' yu'uj.

Jn 11:33

'Ix yiln Jesús to tz'oc' 'ix, tz'oc' pax eb' israel ajun yet' 'ix cha. Yuj cha, caw x'och pitz'n cuslal 'a spixn yet' eb'.

Jn 11:34

'Ix sc'anb'n 'ixtc 'a eb': —¿'Ajtil xe muc winac? xchi. —Mamin, coyc 'at quil nab'an, xchi eb' 'a 'a.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.