Jn 11:27 - Chuj San Sebastian Bible

²⁷ —N', Mamin caw tzwa'ch 'a in c'ojol, chajtlto Cristo ach, Yunnal ach Dios. Ach tic, tan̈b'il xon a jaw 'a yolyib'n̈q'uinl tic, xchi 'ix 'a 'a.

Chuj San Mateo Bible

²⁷ —I'... Mamin, svac'och d'a in c'ool to Cristo ach, Yuninal ach Dios. A ach tic tan̈vab'il a ja d'a yolyib'an̈q'uinal tic, xchi ix d'ay.

Jn 11:27 ပူးပေါင်းရင်းမြစ်များ

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Mt 11:3

'Ix 'at sc'anb'noc eb' 'a 'ixtic: —¿Tom ach tic Cristo to tan̈b'il xon a jaw cuj on̈, mto tzqui tan̈wj sjaw junc xo on̈? xchi eb' 'a 'a.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Mt 16:20

Xlajw cha, xyaln 'ixtc 'a eb' scuywum cha: —'Ayt 'aj xeyala to an tic Cristo in, xchi 'a eb'.

Lc 2:11

A 'a Belén, 'a schon̈b' can win rey David, ata x'alj jun e Colmal q'uiq'ui, atn CRISTO Cajlil.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

Jn 4:42

Yuj cha, xyaln eb' 'a jun 'ix chi 'ixtic: —A 'a b'ab'el, 'ix ca'ch qui c'ojl 'a Jesús oj on̈, yuj tas 'ix al 'ayn̈ on̈. Ax ticnec, caw a Jesús 'ix aln 'ayn̈ on̈. Yuj cha, xqui wach' 'a'n 'och qui c'ojl 'a ticnec on̈. Caw cojc on̈, to a Jesús cha, caw yel qui Colmalec qui masnil 'a yolyib'n̈q'uinl tic, atn jun tan̈b'il sjaw cujec, xchi eb' 'a 'ix.

Jn 6:14

Ax eb' 'anma cha, c'uxn 'ix yil eb' jun milagro chi 'ix sch'ox Jesús. Yuj cha, xyaln eb' 'ixtic: —Atn jun schecb' Dios tic tan̈b'il xon sjaw 'a yolyib'n̈q'uinl tic, xchi eb'.

Jn 6:69

An̈ tic on̈, tox ach ca'ch 'a qui c'ojl on̈. Cojc on̈, [to ach tic, Cristo ach.] Yunnal ach Dios [pitzan], xchi Pedro 'a 'a.

A Tas Sc'ulejnac Eb' Schecab' Jesús Hechos 8:36

Yic wan s'at eb' 'a yol b'e, 'ix c'och eb' 'a jun a a'. 'Ix yaln win 'aj Etiopía chi 'a Felipe 'ixtic: —Yaj jun a 'a tic. ¿Mamtzac stac' tzin a'cn bautisar ticnec? xchi winac.

A Tas Sc'ulejnac Eb' Schecab' Jesús Hechos 8:37

[—Tztac'a, toto smasnil a c'ojol, tza'ch a c'ojl 'a Cristo, xchi 'a winac. —Tzwa'ch 'a in c'ojol, chajtlto a Jesucristo, Yunnal Dios, xchi winac.]

1 Jn 5:1

An̈ec tzca'c 'och 'a qui c'ojol, to a Jesús atn Cristo, an̈ec ton yunnaln̈ec xo Dios. Q'uinloc 'ay junc mamb'il tzqui chamc'ojlej, to 'ixta', wan qui chamc'ojlan pax eb' yunnal.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.