Jn 11:19 - Chuj San Sebastian Bible

¹⁹ Yuj cha, til wal eb' israel 'aj Jerusalén xit' 'a'nc sniwnal sc'ojl María yet' Marta, yuj jun snul'j eb' chi xcham cha.

Chuj San Mateo Bible

¹⁹ Yuj chi', tzijtum eb' israel aj Jerusalén chi' xid' nivanan sc'ool ix María yed' ix Marta yuj vin̈ snulej eb' ix, ix cham chi'.

Jn 11:19 ပူးပေါင်းရင်းမြစ်များ

Gn 37:35

Smasnil eb' yunnal yet' eb' yisil, xya'lj to wal eb' ya'n sniwnal sc'ojl smam cha, palta man̈xtoc tznib'j win tz'ajx sniwnal sc'ojol. Caw wal tz'oc' win yuj win yunnal cha, xyaln 'ixtic: Caw wal tzin cus yuj win wunnal cha, masnto 'oj in 'at yet' win 'a chamel, xchi winac.

A Ch'an̈ Schab'l Libro Samuel 10:2

'Ix yaln David 'ixtic: A ticnec 'oj in ch'ox in wach'c'ojlal 'a win Hanún 'icha yutjnac win smam win chi 'in schamc'ojlani, xchi. 'Ix schecn 'at David jaywn̈ eb' schecb' 'at yac' sniwnal sc'ojl Hanún chi yuj schamlil smam cha. Palta ax yic xc'och eb' schecb' David chi 'a schon̈b' eb' amonita,

1 Cr 10:12

Yuj cha, 'ix smol aln smasnil eb' winc to caw wal tec'an, 'ix 'at yi'noc eb' sniwnal Saúl yet' yic eb' yunnal, 'ix yi'n cot eb' 'a Jabes cha. Ata 'ix mucx sb'acl eb' 'a yich jun te ma'ach'. 'Ix 'och eb' 'a c'ajb'c'ojlal 'a uque c'u yuj cusc'ojlal.

Job 2:11

'Ay 'oxwn̈ swach'c'ojl Job, atn eb' tic: Win Elifaz cajn 'a yol yic Temán, win Bildad cajn 'a yol yic Súah, yet' win Zofar cajn 'a yol yic Naamat. 'Ix yab' eb' speclal to 'ay jun tzo'n̈ yailal chi xjaw 'a yib'n̈ winac, yuj cha, xya'n 'och eb' 'a sc'ojl scot wul yac' sniwnal sc'ojol, yic tzmol cus eb' yet' winac.

Job 42:11

Xlajw to cha, 'ix c'ochx eb' yu'tac Job chi 'at yila', eb' yanab', eb' swach'c'ojol yet' jantcn̈ej mach 'ojtnac 'a yic yalan̈. 'Ix 'och wal jun niwquil tzaljc'ojlal, 'ix wa eb' 'a yatut Job cha. 'Ix syamn 'och eb' ya' sniwnal sc'ojol, 'ix yaln pax eb' to locn eb' xcus yuj yailal 'ix 'ec' 'a yib'n̈ yuj Jehová. Xlaj ya'nc junjn eb' tumin yet' junjn colc'ab' nab'a oro 'a Job cha.

Ec 7:2

Yel xo wach' yic tzon̈ 'atc tan̈j 'ac'wl 'a 'aj tz'och chamel, 'a yib'n̈ to tzon̈ 'atc can 'a q'uin̈, yujto a chaml cha, to quiquec yaj qui masnil. Wach' toto tzqui nac 'a yib'an̈ yic pitzn on̈c to.

Is 51:19

'Ix jaw chac'aj yailal 'a eyib'an̈: 'Ix ma'x 'ejm e chon̈ab', xlajw cha, 'ix 'ijx 'ec' tas 'ay 'ayex. Til wal 'anma xcham yuj wejel, 'ay pax eb' xcham yuj owal. ¿Mach to wal eb' 'oj 'o'ch sc'ojl 'ayex? ¿mach to wal eb' 'oj 'a'nc sniwnal e c'ojol?

Lm 1:16

Yuj wal jun tzo'n̈ tic tzon̈ 'oc' on̈. Caw wal jichlji yem yal qui sat. Toc 'ayt mach tz'a'n jac sniwnal qui c'ojol, man̈x 'a mach tz'a'n ste'nal qui nab'en on̈. Scal yailal xcan smasnil eb' cunnal on̈, yujto caw wal jeln eb' 'ajc'ojl chi 'a quib'n̈ on̈, xchi eb'.

Lm 1:2

Lajn 'icha junc 'ix 'ix ji'jmtac yoc' 'a junjn 'ac'wal; jichlji yem yal sat 'a spac'b'il sti'. Ax eb' nacion̈ wach' cob' yaj yet'oc, may junc eb' tz'a'n sniwnal sc'ojol. Smasnil eb' swach'c'ojl cha, 'ix meltzj 'och eb' 'ajc'ojlal 'a 'a.

Lm 1:21

A eb' 'anma', tzlaj yab' eb' yel caw yuj qui cusc'ojlal on̈, palta may mach tz'a'n sniwnal qui c'ojol. A smasnil eb' 'ajc'ojl yajch 'ayn̈ on̈, yojc xo eb' to 'aych qui yailal on̈. Caw wal tzalj eb' yuj yailal tza'ch 'a quib'n̈ tic on̈. Jaw cab' jun c'u alb'il can oj 'a pecti', sec lajn tz'aj eb' 'icha tzon̈ 'aj tic on̈.

Lm 1:9

A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.

Lm 2:13

Ex 'aj Jerusalén, ¿mach junc tzex in lajb'tzej yet'oc? Ex 'aj Sión, ¿tas junc ch'oxnb'il tzwac' 'ayex yic tzwa'n sniwnal e c'ojol? Caw wal niwn ex 'aj e satli. ¿Mach to wal junc 'oj 'a'nc b'oxc pax e c'ojol?

Lc 10:39

'Ay jun 'ix snul'j Marta cha, María sb'i. 'Ix 'em wocn 'ix 'a stz'ey yoc Jesús, yic tz'ab'xni 'ix 'a tas tzyala.

Lc 10:42

Palta junn̈j tas caw 'ay sc'a'l sb'o'i. Atn jun chi tznib'j María tic. Yuj cha, may junc mach 'oj 'i'nc 'ec' 'a 'a, xchi Jesús 'a 'ix.

Jn 1:19

A jun 'el, 'ay jun tzo'n̈ eb' israel 'aj Jerusalén, 'ix checn 'at jaywn̈ eb' ya'mal 'och sti eb' 'anma 'a Dios, yet' jaywn̈ eb' yin̈tl Leví. A 'a Juan Bautista, ata xc'och eb'. 'Ix sc'anb'n eb' 'ixtc 'a 'a: —¿Mach ach? xchi eb'.

Jn 11:1

A 'a jun aldea Betania sb'i, ata 'ay jun winc caw ya'ay, Lázaro sb'i winac. 'Ay chawn̈ yanab', jun 'ix tzcuch María, junx 'ix tzcuch Marta. Ata 'ayc' eb' yet'oc.

Jn 11:33

'Ix yiln Jesús to tz'oc' 'ix, tz'oc' pax eb' israel ajun yet' 'ix cha. Yuj cha, caw x'och pitz'n cuslal 'a spixn yet' eb'.

Jn 11:36

Ax eb' israel chi 'ayc' ta', 'ix laj yalnc eb' 'ixtic: —'In caw chamc'ojlb'il win yu'uj, xchi eb'.

Jn 11:45

Ax eb' israel chi ajun yet' 'ix María cha, 'ix yiln eb' tas 'ix b'o yuj Jesús. Yuj cha, til wal eb' xya'ch sc'ojl 'a 'a.

Jn 11:8

'Ix yaln eb' scuywum chi 'ixtc 'a 'a: —Palta Mamin, caw jaye nant c'u xya'lj ewin 'aj Judea chi ach sjuln cham 'a cha. ¿Tom tza nib'j tzach 'at jun 'ejm xo ta'? xchi eb' 'a 'a.

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.

2 Co 1:4

A yic tzcab'nec syail, a tz'a'n sniwnal qui c'ojlec, sec wach' tztac' ca'nec sniwnal sc'ojl eb' tz'ab'n pax syail. 'Icha tzyutj Dios ya'n sniwnal qui c'ojlec, 'ixta tzcutjec pax ca'n sniwnal sc'ojl eb'.

1 Ts 4:18

Yuj cha, junjn ex, tzlaj eya'lac e nab'enoc yet' jun tzon̈ cuynb'il tic.

1 Ts 5:11

Yuj cha, tzlaj eya'lac e tzaljc'ojlal junjn ex. Tzlaj e wach' 'a'nc pax e te'nal, 'icha xon wan e b'oni.

A Ch'an̈ B'ab'el Libro Samuel 31:13

Xlajw cha, 'ix swach' mucj can eb' sb'acl eb' chi 'a yich jun te te 'ay 'a yol yic Jabes cha. Uque c'u 'ix 'och eb' 'a c'ajb'c'ojlal yet' 'a cusc'ojlal yuj eb' xcham cha.