Jn 11:15 - Chuj San Sebastian Bible

¹⁵ A ticnec caw tzin tzalji, yujto man̈toc 'ayn 'ec' ta' yic 'ix chami, sec 'oj e wach' 'a'c 'och e c'ojl 'ayin. Al ticnec, coyc 'at quila', xchi 'a eb'.

Chuj San Mateo Bible

¹⁵ A ticnaic tzin tzalaji, yujto man̈ in ayoquec' ta' ix cham vin̈, yic ol in eyac'och d'a e c'ool. Yuj chi' coyec b'at quilec, xchi d'a eb'.

Jn 11:15 ပူးပေါင်းရင်းမြစ်များ

Gn 26:24

A 'a yic jun 'ac'wl cha, ata sch'ox sb'a Jehová 'a 'a, 'ix yaln 'a 'ixtic: An ton tic sDiosal in a mam, atn Abraham, man̈ ach xiwoc, 'ayn 'och et'oc. Yujn̈ej to in checb' Abraham, yuj cha, 'oj wac' yaxilal 'a eb'an̈, til wal 'oj wutc sb'isl en̈til, xchi Dios.

Gn 39:5

Atax yic xya'n 'och win Potifar José yilmalc smasnil tas 'ay 'a yatut cha, xya'n Jehová syaxilal 'a yib'n̈ smasnil tastc 'ay 'a yatut yet' 'a smunljel winac.

Salmos 105:14

A Dios ma'ix yal sc'ojl to tz'ixtx eb', yuj cha, xya'n snab'enoc eb' rey, xyaln 'a eb' 'ixtic:

Is 54:15

Toto 'ayt mach 'oj cob' jawc yac' owl yet' eb', a jun cha, man̈xoc in tzwa' coti, 'oj spac sb'a eb' 'a 'a, ax slajw 'el yuj eb'.

Is 65:8

Palta ma'oj in satl eb' in checb' smasnil 'a jun nacion̈ tic, yujto 'ayt jaywn̈ocx eb' wach' 'a scal eb'. Lajn eb' 'icha junc c'ojlab' te sat uva 'aych tz'ab' 'a 'a, palta a 'a scal cha, 'ayt junjnoc te wach', yuj cha, matz comn xutx 'el yuj eb' 'anma', yujto 'ayt yalil wach' yi'n 'elt eb'. 'Icha te uva cha, 'ixta waj yet' eb' in checab'.

Jn 11:14

Yuj cha, tojln̈ej xyutj yaln 'ixtc 'a eb': —Tox 'ix chami.

Jn 11:16

Ax Tomás, tzcuch pax Tiyx 'anma', 'ix yaln 'ixtc 'a eb' yit cuywumal cha: —Coyc pax 'at ca'c cham qui b'a yet'oc, xchi.

Jn 11:4

Xlajw yab'n Jesús tas 'ix yalb't eb', 'ix yaln 'ixtic: —A jun yab'il cha, ma'oj cham win yuj 'a jun 'ejmn̈ej. 'Ix yamchj win yuj jun yab'il cha, sec 'oj sch'ox Dios to caw niwn yel'chi. Ax scheclj pax 'eli, to caw niwn wel'ch pax an Yunnaln Dios tic, xchi Jesús.

Jn 12:30

Yuj cha, 'ix yaln Jesús 'ixtc 'a eb': —Man̈ wujoc 'ix alx 'emt jun tzo'n̈ tic, palta eyu'uj.

Jn 17:19

Yuj swach'loc eb', yuj cha, tzwac' in b'a 'ayach, yic wach' tz'och eb' eco'oc wal 'a yel.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

2 Co 4:15

Smasnil jun tzo'n̈ xwal tic, eyu'uj tz'ajx 'och 'a quib'n̈ on̈. 'Ixta tzon̈ 'aj on̈, sec niwn mach tzchan swach'c'ojlal Dios. An̈jtona', niwn mach tzyac' yuj diosal 'a 'a. 'Ixta 'oj 'aj scheclj 'eli, to niwn swach'il.

2 Ti 2:10

'Ay jun tzo'n̈ xo eb' sic'b'ilx xon 'el yuj Dios. Tzin nib'j 'oj scha eb' swach'l quet'oc. Yuj wal cha, tzwa'n techjoc jantcn̈ej syal tzjaw 'a wib'an̈, sec 'oj scha pax eb' scolnb'il caw niwn yel'chi. Atn jun tz'ajx 'ayn̈ 'a jun 'ejmn̈ej, yujto junxn̈ej caj yet' Cristo Jesús.

1 Jn 5:13

Ax tzeya'ch e c'ojl 'a Yunnal Dios, a 'ayx tzin tz'ib'j 'at jun tzo'n̈ tic, sec wach' caw tznachj 'el eyu'uj, to 'ay qui q'uinlec 'a jun 'ejmn̈ej.