Jn 10:35 - Chuj San Sebastian Bible

³⁵ Cojquec, a tas tz'ib'b'il can 'a Ch'an̈ Un̈ cha, matz tac' ton̈j tzqui ma'c 'eq'ui. A Dios aljnac cani, to a eb' yab'jnac spaxti cha, dios pax eb' yet'oc.

Chuj San Mateo Bible

³⁵ Cojtac to a tas tz'ib'ab'ilcan d'a Slolonel Dios chi', max yal sco maq'ueq'ui. A eb' ab'annac slolonel chi', alchajnac eb' diosal.

Jn 10:35 ပူးပေါင်းရင်းမြစ်များ

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

A Ch'an̈ Schab'l Libro Samuel 7:5

'Ixic, 'at al 'a in checb' David, to an Jehová in, an tzwal 'a 'ixtic: Man̈oc ach 'oj a b'o chan̈ junc watut 'aj 'oj in can cajan.

A Ch'an̈ Schab'il Libro Yic Yab'ixal Eb' Rey 15:12

'Ixtnta 'ix 'aj yel'ch tas 'ix yal Jehová 'a win rey Jehú, yic 'ix yalni, to a eb' yin̈tl 'oj 'em wocn 'a sdespacho ya'n reyl 'a chon̈b' Israel, masnto 'a schan̈ macn̈il yin̈til.

1 Cr 22:8

Palta yaljnac 'ayn 'ixtic: Ach tic caw niwn chic' 'ix 'el o'oj, niwn pax owl xa b'o'o; yuj cha, man̈oc ach 'oj a b'o chan̈ jun watut cha.

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Mt 27:35

Xlajw cha, xya'n 'och ewin 'a spenc culus. Ax ewin soldado cha, 'ix yac' ewin b'ul, yic tzpojn 'ec' ewin spichl Jesús 'a scal. ['Ixta x'aj yel'ch tas tz'ib'b'il can yuj jun schecb' Dios pecti, yic yaln 'ixtic: 'Ix spojc' eb' in pichl 'a 'a, xya'n 'och eb' b'ul 'a yib'an̈, xchi 'a Ch'an̈ U'un̈.]

Mt 5:18

Wal yel tzwal 'ayex, yowlal 'oj 'el'choc jantcn̈ej tas tz'ib'b'il can 'a ch'an̈ ley cha. Ya' sb'a 'ayt 'ec' yolyib'n̈q'uinl tic yet' satcha'an̈, may wal jac tas 'a Ch'an̈ Un̈ chi 'oj satli. Wach'xam junc letra, mto junc punto, may wal junc tas 'oj satoc, masnto 'oj 'el'choc jantcn̈ej tas 'ay 'a 'a.

Lc 16:17

A satcha'an̈ yet' sat lum tic, may syal 'oj 'aj slajw 'eq'ui. Palta ax jun ley cha, wach'xam junc letra, may wal junc ma'oj 'el'choc.

Jn 10:34

Yuj cha, 'ix yaln pax 'ixtc 'a eb': —A 'a ch'an̈ ley 'aycn 'ayn̈ec, ata tz'ib'b'il can 'ixtic: An tzwala, ax tic, dios ex, xchi Dios 'a Ch'an̈ Un̈ cha.

Jn 10:36

An xo tic, a Dios si'jnacn 'eli, schecn in cot 'a yolyib'n̈q'uinl tic. Yuj cha, ¿tas yuj tzeyala to tzin b'uchwj 'a Dios, yic tzwalni to Yunnaln Dios cha?

Jn 19:28

Xlajw cha, a Jesús, yojc xoni, to tox 'ix lajw 'el'ch smasnil tas tz'ib'b'il can 'a yib'an̈. Yuj cha, 'ix yaln 'ixtic: —Caw tztacj in ti', xchi. 'Ixta xyutj yalni, sec tz'el'ch tas tz'ib'b'il can 'a Ch'an̈ U'un̈.

A Tas Sc'ulejnac Eb' Schecab' Jesús Hechos 1:16

—Ex wu'tac, ex wanab', yowlal x'el'ch 'icha yaj stz'ib'x can 'a Ch'an̈ U'un̈. Yujto a Yespíritu Dios 'a'jnac stz'ib'c can David, chajtlto a win Judas ch'oxwjum 'a eb' tzyamn Jesús.

Ro 13:1

Yowlal yiclum tzcutjec qui b'a qui masnil 'a eb' yajal, yujto a Dios tz'a'n yopiso eb'. Q'uinloc man̈oc Dios tz'a'n yopiso eb', may junc eb' 'ay yopiso.

Dt 18:15

A Jehová qui Diosalec, 'oj sic' 'elt 'a e cal junc xo schecb' 'icha 'in tic; a jun cha, yowlal 'oj eyiclc tas 'oj yala'.

A Ch'an̈ B'ab'el Libro Samuel 15:1

'Ay jun 'ejm xyal Samuel 'a Saúl 'ixtic: —A Jehová in checn coti, yic xwul ach wa'nc 'och reyl 'a yol schon̈ab', atn Israel. A ticnec chaj ab' tas tzyal 'ayach.

A Ch'an̈ B'ab'el Libro Samuel 28:6

Yuj cha, 'ix scanb'n 'a Jehová, palta ma'ix ta'w xon 'a waychil 'a 'a; ma'ix ta'w xon 'a eb' yalmal 'el spaxti', yet' 'a eb' ya'mal och sti eb' 'anma 'a Dios.

A Ch'an̈ B'ab'el Libro Samuel 30:8

'Ix sc'anb'n David 'a Jehová 'ixtic: —¿Smoj am in 'at 'a spatquil nan̈l eb' 'elc'm cha? ¿'Oj yamchjoc am eb' wu'uj? xchi David cha. —'Ixc 'a spatquil eb', 'oj yamchjc eb' o'oj, ax 'e'n can 'ec' smasnil eb' x'ijx 'at cha, xchi Jehová 'a David.