Jl 2:28 - Chuj San Sebastian Bible

²⁸ A yic 'oj jawc jun slajb' tiempoal, 'oj wa'ch Wespíritu 'a smasnil 'anma'. Ax eb' 'unnab'il yet' eb' 'islab'il 'oj alnc 'el in paxti'. A eb' 'ichmtac 'anma', 'oj in paxtin 'a eb' 'a swayich, ax eb' quelmtac, 'oj in ch'ox jun tzo'n̈ tas 'a eb', 'a 'icha waychil.

Chuj San Mateo Bible

²⁸ Ayic ol lajvoc yec'b'at juntzan̈ tic, ol vac'och Vespíritu d'a masanil anima. Ol yalel in lolonel eb' eyuninal yed' eb' eyisilal. Ol in lolon d'a eb' ichamtac vinac d'a vayichal. Axo eb' quelemtac, ay tas ol in ch'ox yil eb'.

Jl 2:28 ပူးပေါင်းရင်းမြစ်များ

Pr 1:23

Chajec eyab' 'a 'ajtil 'oj ex in tench wa'an. 'Ixta 'oj wutc wa'n in c'ojlb'al 'ayex, 'oj wac' eyojcoc 'el in paxti'.

Is 32:15

'Ixta 'oj 'ajoc masnto 'oj jawc Yespíritu Jehová 'a quib'n̈ec jun 'ejm xo, yuj cha 'oj yaxb'oc sat lum cusltac lu'um, man̈x jantcoc sat 'awb'en 'oj ya' lu'um.

Is 40:5

'Ixta to b'i'an, ax sch'oxn Jehová chajtlto caw niwn yel'chi, smasnil 'anma', c'uxn 'oj yila'. A Jehová a 'ix alni, xchi jun 'aw cha.

Is 44:3

An 'oj wac' 'el yoctc a a 'a lum cusltac lu'um, ax sb'ey pax a 'a lum tacn̈ sat. An 'oj wac' Wespíritu 'a eb' eyin̈til, ax wa'n cot in yaxilal 'a yib'n̈ eb'.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Jeremías 23:25

'Ix wab' wal tas 'ix yal jun tzo'n̈ checb' 'a'm 'es cha. Caw tzte'wtzej sb'a eb' yalni, to in paxti tzyal-l eb', tolab' tzin paxtin 'a waychil 'a eb' yala'.

Jeremías 23:28

An Jehová in, an tzwala: Toto 'ay junc checb' chi 'ay tas tzwaychej, yal cab'i', to swayich. Toto a 'in paxti 'oj scha jun, to 'ixta', tz'acn cab' tzyutj yaln 'eli. Matz tac' scalx 'ixm sat trigo yet' stzapil. 'Ixta in paxti', caw man̈ smojc scalx yet' wayich.

Ez 36:27

'Oj wa'ch Wespíritu 'ayex, ax eyiclni in ley, yic tze b'eylb'ani.

Ez 37:14

An tzwala, to 'oj wa'x 'och Wespíritu 'ayex, 'icha to 'oj e pitzw paxi; ax wa'n e cajx e lum chi jun 'ejm xo. 'Ixta to b'i'an, ax eyojcan 'eli to a tas 'aj tzwa'cn in ti an Jehová in, yowlal tzwac' 'el'choc, xchi Dios.

Ez 39:29

Man̈x 'oj wi'l in sat 'a eb', yujto 'oj wa'x in poder 'a yib'n̈ eb' israel jun 'ejm xo. An Jehová in, an tzwala, xchi Dios.

Dn 7:1

'Ay jun 'ac'wal, 'a yic yab'lil xo yoch win Belsasar reyl 'a Babilonia, 'ay jun swaych Daniel x'ochi. 'Ay tas xyil 'a swaych cha. Ax 'a yic x'el swayan̈, 'ix stz'ib'n can jun tzo'n̈ tas caw niwc yel'ch xyil cha.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Nm 11:17

Ax 'a yic 'oj weml b'i'an, ax in paxtin et'oc, ax wi'n 'el jac espíritu 'aych 'ayach, ax wa'n 'och 'a eb' yichm wincal chon̈b' tic. A eb' 'oj colwjoc et'oc, yic tzyiln eb' jun tzo'n̈ 'anma tic, sec man̈ a ch'ocjoc tzel eb'.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

Lc 1:67

Ax smam jun 'unn cha, atn Zacarías, caw xwach' 'och Yespíritu Dios 'a 'a, yuj cha, x'ajx paxtinc yuj 'ixtic:

Lc 3:6

Ax yiln eb' 'anma smasnil, to 'ay jun colnb'il tzyac' Dios, xchi jun 'aw cha, xchi 'a Ch'an̈ Un̈ cha.

Jn 7:39

'Ixta xyutj yalni, chajtlto a eb' tzya'ch sc'ojl 'a 'a, 'oj 'ajxc 'och Yespíritu Dios 'a eb'. A 'a jun tiempoal cha, mantzac 'ajx Yespíritu Dios 'a eb', yujto mantzac pax q'ue Jesús chi 'a satcha'an̈.

A Tas Sc'ulejnac Eb' Schecab' Jesús Hechos 2:33

An̈jtona', 'ix 'ijx 'at 'a satchan̈ yuj spoder Dios. A qui Mam Dios 'ix yac' Yespíritu 'a 'a, 'icha yutjnac ya'n can sti'. Ax Jesús 'ix 'a'n cot jun xeyil tic, xeyab' tic.

A Tas Sc'ulejnac Eb' Schecab' Jesús Hechos 2:39

Yujto 'ixta yutjnac ya'n can sti 'ayx quet' on̈, yet' 'a eyunnal, yet' pax 'a smasnil mach 'ay 'a najat. Yujto a Cajlil qui Diosalec, tzyac' Yespíritu 'a jantcn̈ej mach tzyawtj 'och yico'oc, xchi Pedro 'a eb'.

A Tas Sc'ulejnac Eb' Schecab' Jesús Hechos 21:9

'Ay chan̈wn̈ yisl Felipe cha, mant 'a yichmil eb', cob'stact eb'. Tzyac' Dios yal-l eb' spaxti'.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

A Ch'an̈ Carta D'a Eb' Hebreo 1:1

A 'a pecti', til wal yoclemal tas yutjnac Dios yaln 'a eb' qui mam quichmec. Til wal 'ejm sc'anlb'ejnac eb' schecab'.

A Ch'an̈ B'ab'el Libro Samuel 19:20

'ix schecn 'at eb' soldado cha, yic tz'at yi'nc eb' David. Ax yic xc'och eb', 'ix yiln eb' jun tzo'n̈ eb' schecb' Dios, wan yaln 'el eb' spaxti Dios cha, ax Samuel a tzjucb'tzan eb'. Yajn̈j wal cha, 'ix 'och Yespíritu Dios 'a eb' soldado cha, syamn 'och eb' yal-l spaxti Dios.

A Ch'an̈ B'ab'el Libro Samuel 19:21

A yic xyab'n Saúl jun cha, 'ix schecn 'at jun tzo'n̈ xo eb' soldado, an̈jtona 'ix 'och pax jun tzo'n̈ xo eb' chi alj 'el spaxti Dios. Xlajw cha, schecn 'at win eb' yoxc'ajil soldado, palta an̈jtona 'ixta pax x'aj eb'.

A Ch'an̈ B'ab'el Libro Samuel 28:6

Yuj cha, 'ix scanb'n 'a Jehová, palta ma'ix ta'w xon 'a waychil 'a 'a; ma'ix ta'w xon 'a eb' yalmal 'el spaxti', yet' 'a eb' ya'mal och sti eb' 'anma 'a Dios.