Jl 2:19 - Chuj San Sebastian Bible

¹⁹ ax yaln 'ixtic: 'Oj wac' e trigo, yal eyuva, eyaceite, masnto 'oj e b'ut'ji. Man̈x 'oj wac' b'uchwjoc eb' chuc chon̈b'al 'ayex.

Chuj San Mateo Bible

¹⁹ Ol yalan icha tic: Ol vac' ixim e trigo, e vino yed' eyaceite masanto ol ex b'ud'joc. Man̈xo ol yal in c'ool ol b'uchvaj eb' ch'oc chon̈ab'il d'ayex.

Jl 2:19 ပူးပေါင်းရင်းမြစ်များ

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Ez 34:29

An 'oj wac' yaxb'oc sat lum slum eb' cha, sec man̈x b'a'n̈ tz'ixtx eb' yuj wejel, ax yactn eb' nacion̈ chi sb'uchn eb'.

Ez 36:15

An Jehová in, an tzwala, to man̈x b'a'n̈ 'oj eyab' sb'uchwj jun tzo'n̈ nacion̈ chi 'a lum e lum cha, man̈x 'a 'anma 'oj cham yuj lu'um, xchi Dios.

Ez 36:29

'Oj ex in tan̈woc sec man̈x 'oj eyixtc 'el e b'a yuj jun tzo'n̈ tzex jun 'el cha. Ax wa'n niwtjoc sat e trigo, sec man̈x 'oj eyac' wejel.

Ez 36:30

'Oj wac' niwtjoc sat eyawb'ente, yet' te calte'al te', sec man̈x 'oj eyac' e q'uixwloc e cham yuj wejl 'a sat jun tzo'n̈ xo nacion̈ cha.

Ez 39:29

Man̈x 'oj wi'l in sat 'a eb', yujto 'oj wa'x in poder 'a yib'n̈ eb' israel jun 'ejm xo. An Jehová in, an tzwala, xchi Dios.

Os 2:15

'Oj wa'x can slum 'aj 'awb'il yuva, atn lum span̈nil yic b'ilc'ojlal, palta 'oj 'ochx can pan̈n yic yipc'ojlal. 'Ixta 'oj wutc cani, 'icha ya'jnac 'a b'ab'el yic yelt 'a Egipto. Ata 'oj ta'wc 'ayin 'icha junc 'ix cob's 'ix.

Os 2:21

An Jehová in, an tzwala: A 'a jun tiempoal cha, 'oj wal 'a satcha'an̈, ax satchan̈ chi 'oj 'a'nc paxt n̈ab' 'a sat lum lu'um.

Os 2:22

Ax ya'n pax 'ixm trigo 'a lu'um, yal uva yet' aceite. 'Ixta 'oj wutc in pacn slesl eb' in chon̈b' 'awb'il wu'uj.

Jl 1:10

Caw xjuw 'el yilx smasnil lugar, 'icha to 'aych lum lum tic 'a cusc'ojlal. Xlajw 'ejm 'ixm trigo, xtacj 'el te uva, xtacj pax 'el te olivo.

Jl 2:24

Caw wal wach' 'oj 'ajx 'ixm trigo, niwn yal uva yet' aceite 'oj yac'a.

Lv 26:5

An̈j 'ijnoc e te'w trigo ax yelx wul sat te uva. 'Ayt pax sch'inchj te uva cha, ax sjapx stiempoal yawx e trigo jun 'ejm xo, 'oj e wa si'mb'il, masnto 'oj e b'ut'ji. Caw wal 'oj eyac' tzaljoc e c'ojl 'a sat lum lum cha.

Zacarías 8:12

'Oj can eb' 'a junc'ojlal. A yuva eb', caw wal 'oj yac' sat. A slum eb', yel xo wach' 'oj yutc ya'n sb'a'al. A satcha'an̈ a 'oj 'a'nc cot chicb'cha'an̈. An xo 'oj wac' smasnil jun tzo'n̈ chi 'a eb' 'anma tzcan to 'a jun chon̈b' tic.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

Dt 11:14

toto 'ixta', 'oj ya' cot b'ab'l n̈ab', ax ya'n cot pax schab'l n̈ab' 'a 'icha xon stiempoal, sec wach' tz'aj e trigo, eyal uva yet' eyaceite.

Rt 1:6

Xlajw cha, 'ix yab'n 'ix Noemí yet' eb' 'ix yalb' 'a lum Moab, ax xyab'n eb' speclal to a Jehová tox 'ix 'o'ch sc'ojl 'a chon̈b' Israel; man̈x 'a wejl ta', 'ayx pax tas tzcuxxi.