Jeremías 9:24 - Chuj San Sebastian Bible

²⁴ An Jehová in, an tzwala, toto 'ay mach tznib'j tzyac' tzaljoc sc'ojol, tzalj cab'i', yujto tzin yojquej 'eli, chajtlto an ton Jehová in, wach' tzwutj in b'a 'a sat lum lum tic yet' chamc'ojlal yet' pax tojlal. Atn jun tzo'n̈ tic tzchaj in c'ojol, xchi Dios.

Chuj San Mateo Bible

²⁴ A in Jehová in svala', tato ay mach ay tas syac'och yipoc sc'ool, a in ocab' tzin yac'och yipoc sc'ool, tzin yojtacaneli to a in Jehová in. Svaq'uelc'och svach'il in c'ool, tzin ch'olb'itan tas yaj anima d'a stojolal. Aton juntzan̈ tic snib'ej in c'ool sb'eyb'alej eb' anima, xchi Jehová.

Jeremías 9:24 ပူးပေါင်းရင်းမြစ်များ

Salmos 20:7

'Ay jun tzo'n̈ eb', a scaruaje eb' yet' schej eb' yic owal a tzya'ch eb' yipc sc'ojol. A eb' cha, tz'el yip yoc eb', tztelw can 'ejm eb'. Palta an̈ec xo pax tic, a Jehová qui Diosalec, a tzca'c 'och yipc qui c'ojol, yuj cha, te'tec' cajec, lin̈n on̈c cha'an̈, xchi win rey cha.

Salmos 34:2

A 'a Jehová ata 'oj wic' in tzaljc'ojlal. 'Ab'c ex wit chon̈ab', ex 'emmquilal eyeq'ui, tzaljan̈ec.

Salmos 34:3

Qui mol 'i'c chan̈ sb'i yuj calnec wach' paxti 'a 'a.

Salmos 44:8

Cojn wal 'aych 'oj cac' tzaljoc qui c'ojl 'a smasnil tiempo on̈, 'oj ach qui b'itnoc 'a junjn c'u.

Salmos 44:9

On̈ a patquilj can 'eli, on̈ 'a'cn 'at 'a scal q'uixwc'ojlal. Man̈x 'ic ach colwj yet' eb' qui soldado on̈.

Salmos 51:1

Caw 'ay a chamc'ojlal ach in Diosal, 'o'ch cab' wal a c'ojl 'ayin, suc sat in paltail.

Salmos 91:14

Yaljnac can Jehová 'ayn̈ec 'ixtic: An 'oj ex in colcn 'elt 'a yol sc'ab' smasnil tas 'ay smay, yujto tzin e chamc'ojlej, eyojquin pax si'mb'il.

Salmos 99:4

Ach tic Mamin, Rey ach, tztac' oj smasnil, 'ay a chamc'ojlal 'a tas wach'. A tas wach' yet' tojlal, a chi xac' 'ayn̈ an̈ yin̈tl on̈ Jacob tic.

Is 20:5

Ax eb' 'anma cob' yipc'ojlal yaj Etiopía yu'uj, yet' eb' cob' tzb'an̈ sb'a yuj jun nacion̈ cha, 'oj xiw chan̈ eb', ax sq'uixw can 'el eb'.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

Is 61:8

A Jehová a tzaln 'ixtic: A tojlal a chi tzin nib'ej, chacb'il 'el eb' 'elc'm wu'uj yet' eb' milm cham 'anma'. Caw yel 'oj wac' 'el'choc tas tzwala, to 'oj wac' spac eyico', ax in b'on pax in trato eyet' 'a jun 'ejmn̈ej.

Jeremías 22:16

Xcolx eb' meb'a yu'uj, yet' eb' tz'ixtx yuj eb' tu snab'en. Yuj cha, caw wach' 'ix 'aj 'el'chi. An Jehová in, an tzwala, to wach' 'ix yutj sb'a, sch'oxn 'eli, to 'ojcab'iln yu'uj.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

Lc 10:22

Xlajw cha, xyaln pax 'ixtc 'a eb' 'anma 'ayc' ta': A 'in Mam, ya'jnac 'och smasnil tas 'a yol in c'ab'. May junc mach 'ojtnacn an Yunnaln tic, cojxn in Mam 'ojtnac in. An̈jtona', may mach tzcomn 'ojcan 'el in Mam, cojxn in an Yunnaln tic wojtac, yet' pax eb' tzin nib'j tzwac' 'ojcanc 'eli, xchi 'a eb'.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Ro 5:11

Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.

1 Co 1:31

Tz'ib'b'il can 'ixtc 'a Ch'an̈ U'un̈: Toto 'ay mach tznib'j tzyij chan̈ sb'a, caw matz tac'a. Cojxn Cajlil tztac' qui'nec cha'an̈, xchi.

2 Co 10:17

Toto 'ay mach tznib'j sb'an̈ sb'a, caw man̈ wach'oc. Cojxn Cajlilec smoj qui b'an̈ni.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

Gl 6:14

Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.