Jeremías 8:3 - Chuj San Sebastian Bible

³ An Jehová in, tztac' wuj smasnil, an tzwala, to a jantc eb' 'anma 'oj canc 'a spitznal 'a jun tzo'n̈ 'anma tic, caw 'oj snib'c cham sb'a eb', 'a yib'n̈ to tzcancn eb' 'a pitznal 'a 'aj 'oj sactzic can 'at eb' 'a jun tzo'n̈ xo lugar.

Chuj San Mateo Bible

³ A in Jehová Yajal in d'a Smasanil, a in svala' to a jantac eb' anima pitzanto ol can d'a scal juntzan̈ anima te chuc tic, ol snib'ej cham sb'a eb' d'a yichan̈ to pitzan b'aj ol in saclemcanb'at eb' d'a scal juntzan̈xo chon̈ab'.

Jeremías 8:3 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 19:4

Xlajw cha, 'ix 'at 'a lum cusltac lu'um, jun c'u 'ix b'ey'ti, ax x'aji, 'ix c'unb'cha'an̈. Yuj cha, 'ix 'em wocn 'a yich jun te te'; ata 'ix snib'j cham sb'a. 'Ix yaln 'ixtic: Colb'l xo wal wil tic Mamin Jehová, tztac' xo wal in chami, ¿tom an yel xo wach'n 'a yib'n̈ eb' in mam wicham? xchi.

Jeremías 23:3

Ax eb' in chon̈b' xwac' sactzic can 'at 'a jun tzo'n̈ xo nacion̈, an wal caw 'oj in molb'tzoc pax cot eb'. 'Oj wac' 'aj cajn eb' jun 'ejm xo 'a schon̈ab', ata 'oj wac' niwtjoc pax sb'isl eb'.

Jeremías 23:8

Palta ax yic 'oj b'ey tiempo, 'ixtc 'oj yutc eb' yalni: Yojc wal Jehová, jun x'i'n 'elt eb' israel 'a stojlal norte yet' 'a jun tzo'n̈ xo chon̈b' 'aj sactzicnac yajcn 'at eb', 'oj xchic eb'. 'Ixta to b'i'an, ax yaj cajn eb' israel 'a slum jun 'ejm xo, xchi Dios.

Jeremías 29:14

'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Jeremías 40:12

'Ixta 'ix 'aj smeltzj cot smasnil eb' 'aj Judá, atn eb' sactzicnac yajcn 'at 'a jun tzo'n̈ lugar. 'Ix jaw eb' sch'ox sb'a 'a yojltac Gedalías 'a Mizpa. Xlajw cha, smolb'tzan eb' yal uva, man̈x jantcoc sat 'awb'en 'ix smolb'tzej cot eb'.

Jeremías 44:2

A Jehová tztac' yuj smasnil, atn qui Diosalec an̈ israel on̈ec tic, a tzaln 'ixtic: Ax tic eyiljnac wal smasnil yailal wa'jnac cot 'a yib'n̈ Jerusalén, yet' 'a yib'n̈ jun tzo'n̈ chon̈b' 'a yol yic Judá. A ticnec, lan̈chjnac can 'ejm jun tzo'n̈ chon̈b' cha. Man̈x 'a junc mach cajn 'a 'a,

Jeremías 44:6

Yuj cha, xcot wowal, 'icha te c'ac' 'ixta 'ix 'aj sn̈ilchj 'a jun tzo'n̈ chon̈b' 'a yol yic Judá, yet' 'a yoltc scayeal Jerusalén. 'Ixta wal 'ajnc slan̈chj can 'ejmi, masnto ticnec.

Jeremías 6:9

A Jehová tztac' yuj smasnil, a 'ix aln 'ayn 'ixtic: A wal chon̈b' Israel tic, caw lajn 'oj 'aj 'icha tz'ajcn te snun uva to si'smtac tz'aj sch'inx sat. Yuj cha, ya' sb'a mantzac uj jun tic, colcn 'el jantc eb' tztac' yelcni, 'icha tz'aj yec' sc'ab' junc ch'inm uva 'a scal sc'ab'te', xchi 'ayin.

Dn 9:7

Ach tic Mamin, caw tojl a nab'en. An̈ xo an̈ israel on̈ tic on̈, caw q'uixweltac quec' tzcab' on̈. 'Icha wal eb' cotnc 'a Judá yet' 'a Jerusalén, yet' jun tzo'n̈ xo eb' quit israelal cajn 'a lac'an, yet' 'a caw najat, on̈ a sactzicj can 'ati, yujto 'ix 'och qui tenmtacl 'ayach.

Lv 26:33

Ax xo tic, 'oj ex in pechcn 'at 'a scal jun tzo'n̈ xo nacion̈, tza'n 'och wespada eyu'uj, ax e 'atcni. A e nacion̈, 'oj 'ochcn waymtaquil, ax e chon̈ab', cusltac xoj yilx 'oj 'ajcn sjuwi.

Am 3:1

Ex wit israelal, 'ab'c wal tas tzyal Jehová, atn jun 'ijnac 'elt eb' qui mam quichmec 'a Egipto, a tzaln 'ixtic:

Jonás 4:3

A ticnec, tzin tew 'aych Mamin Jehová, to tzej 'ec' in q'uinal. Yel xo wach' to tzin chami, yic pax to an̈j 'ijnoc pitzn in, xchi Jonás.

Miqueas 2:3

Yuj cha, tzyaln Jehová 'ixtic: An̈jtona 'in, 'ay pax tas tzin na 'a e patc ax tic. 'Oj wa't junc niwquil yailal 'a e cal, man̈x 'oj stac' e coln e b'a 'a 'a. Man̈x 'oj stac' e b'an̈n e b'a eyeq'ui, yujto stiempoal yailal.

Dt 30:1

Tox 'ix wac' e si'lc yaxilal 'oj jawc 'a eyib'n̈ yuj Jehová qui Diosalec toto 'oj eyicloc. An̈jtona waljnacx jun tzo'n̈ catab' 'oj ya' cot 'a eyib'an̈ toto ax tic 'oj e patquiljcan 'el Jehová. Palta a yic sactzicnacx eyajcn 'at 'a jun tzo'n̈ nacion̈ 'a caw najat, 'oj nachjoc 'el eyu'uj to a tz'a'n 'och eyailal.

Dt 30:4

Wach'xam tzex sactzic can 'at 'a yolyib'n̈q'uinl tic, palta a 'aj 'ayx 'ec' cha, atta 'oj ex yi' paxt Jehová qui Diosalec.

Apoc 6:16

Xlaj cob' yalnc eb' 'ixtc 'a lum witz, yet' 'a eb' q'uen niwc q'ue'en: —Cotn̈ec 'a quib'n̈ on̈. Tzon̈ laj e c'ub'c 'el 'a sat jun wocn 'ejm 'a sdespacho. Yujto a yowl sc'ojl jun tzcuch Calnelu, caw matz qui nib'j tzjaw 'a quib'n̈ on̈, xchi cob' eb'.

Apoc 9:6

A wal 'a jun tiempoal cha, 'oj cob' sayc' eb' 'anma tas tz'aj schami, palta toxn man̈x 'oj chax yuj eb'. Wach'xam caw 'oj snib'c cham sb'a eb', palta man̈x 'oj stac' scham eb'.