Jeremías 7:32 - Chuj San Sebastian Bible

³² Yuj cha, an Jehová in, an tzwala: 'Ay jun c'ul 'oj jawoc, to a jun pan̈n cha, man̈x 'oj sb'ic Tofet, man̈x 'oj sb'ic pax span̈nil Ben-hinom, palta 'oj 'ajxoc sb'ic Lum span̈nil yic eb' milb'il chamoc. Yujto 'oj mucxoc eb' 'anma 'a Tofet cha, masnto 'oj b'ut'joc 'eli, man̈x 'a 'aj 'oj stac' smucx eb'.

Chuj San Mateo Bible

³² Yuj chi' a in val Jehová in svala', ay jun tiempoal to a jun ch'olan chi', man̈xo ol scuch Tofet, ma sch'olanil lum Ben-hinom, palta ol scuchcan icha tic: Lum Sch'olanil yic eb' mac'b'ilchamoc. Yujto man̈xa b'aj syal smucji eb' chamnac, yuj chi' a d'a lum Tofet chi' ol b'at juljoccan eb'.

Jeremías 7:32 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:10

'Ixtnta pax xyutj Josías ya'n juwc 'el jun lugar tzcuch Tofet 'a pan̈n yic Ben-hinom, 'a 'aj tz'ajx tz'a eb' 'unn xajmb'al-l 'a jun yechl tzcuch Moloc. 'Ixta 'ix yutj winac, sec man̈x 'a mach tzb'eylb'an jun b'eyb'al cha.

Jeremías 19:11

Tzlajw cha, tzaln 'ixtc 'a eb': A Jehová tztac' yuj smasnil a tzaln 'ixtic: 'Oj in satl jun chon̈b' tic 'icha tz'aj sma'x poj junc lum ch'ub' to man̈xtzac stac' sb'o jun 'ejm xo. A 'a lum Tofet tic, a tic 'oj e muc eb' chamnc 'anma', yujto man̈x 'a 'aj wach' 'oj e muc eb'.

Jeremías 19:13

Smasnil n̈a 'a Jerusalén tic, yet' sdespacho eb' sreyl Judá, yet' pax span̈nil yib'n̈ n̈a 'a 'aj tz'ajx tz'a incienso 'a smasnil jun tzo'n̈ c'anal 'ay 'a satcha'an̈, yet' 'a 'aj tzeyac' 'ejm yal uva tzeyac' ofrendail 'a jun tzo'n̈ chuc diosal. Smasnil jun tzo'n̈ cha, yajb'entac 'oj 'ajcni, lajn 'oj 'ajcn 'icha Tofet, xchi Dios.

Jeremías 19:2

Tzlajw cha, tzach 'at yet' eb' 'a span̈nil lum Ben-hinom, 'a jun puerta 'aj tz'elt eb' julm 'el c'alem, axta 'oj al-l jun tzo'n̈ paxti 'oj wal 'aych tic.

Jeremías 19:6

Yuj cha, an Jehová in, an tzwala, to 'ay wal jun c'u 'oj jawoc, to a jun pan̈n tic, man̈x 'oj sb'ic Tofet, man̈x 'oj sb'ic span̈nil Ben-hinom, palta 'oj sb'ic span̈nil yic chamnc 'anma'.

Jeremías 31:40

Smasnil lum pan̈n 'aj tzmucx eb' chamnc 'anma', yet' 'a 'aj tzjulx 'el stan̈il c'ac', yet' smasnil span̈nil yib'n̈ q'ue sti a a tzcuch Cedrón, masnto 'a junx schicn 'a 'aj 'ay jun puerta 'aj tz'och e no chej, 'a stojlal 'aj tzq'uel c'u, a jun cha, wic 'oj 'ajcni. A smasnil jun tzo'n̈ tic, man̈x 'a b'a'n̈ 'oj satli, man̈x 'a pax b'a'n̈ 'oj lajwc 'eli, xchi Dios.

Jeremías 7:31

Ax 'a lum span̈nil lum Ben-hinom, ata sb'o eb' jun yet'l xajmb'al yic Tofet yic tzya'n tz'a eb' yunnal yet' yisl ta'. Palta man̈oc in xwac' sb'o eb', may 'aj 'ix 'ec' 'a in nab'en jab'oc.

Ez 6:4

'Oj in ma'cn poj jun tzo'n̈ yet'l e xajmb'al 'aj tze n̈us incienso. 'Oj in ma' poj jun tzo'n̈ yechl 'aj tzeyal e b'a, ax ex wa'n cham 'a yojltac jun tzo'n̈ yechl e diosal cha.

Lv 26:30

'Oj laj in mac' poj jun tzo'n̈ yet'l e diosal 'aj tzeyal e b'a, ax in ma'n poj yet'l 'aj tz'a incienso. 'Oj in molb'tzoc 'och b'uln e niwnal chamnc chi 'a yib'n̈ jun tzo'n̈ e diosal may spixn cha. 'Ixta wal 'oj wutc in ch'oxn 'eli, to man̈xtzac ex in nib'j wila'.