Jeremías 7:17 - Chuj San Sebastian Bible

¹⁷ 'In tzel tas tzb'o eb' 'a yoltc jun tzo'n̈ chon̈b' 'a yol yic Judá, yet' 'a yoltc scayeal chon̈b' Jerusalén.

Chuj San Mateo Bible

¹⁷ ¿Tom max il tastac sc'ulej eb' d'a juntzan̈ chon̈ab' d'a yol yic Judá yed' d'a yoltac calle d'a Jerusalén?

Jeremías 7:17 ပူးပေါင်းရင်းမြစ်များ

Jeremías 1:16

Atn wal jun yailal tic 'oj wa'ch 'a yib'n̈ eb' 'anma 'ix 'och smul 'ayin, yujto in yactj can eb', ax 'a jun tzo'n̈ comn dios 'ix yac' eb' 'emmquilal. Xya'n pax tz'a eb' incienso 'a 'a, palta mun a eb' xb'on jun tzo'n̈ chi yet' sc'ab'.

Jeremías 32:29

A eb' caldeo wan ya'n owl 'a jun chon̈b' tic, 'oj 'oxtoc eb' 'a yol chon̈b' tic, ax sn̈usn can eb', ax stz'a smasnil jun tzo'n̈ n̈a 'aj xlaj ya'ch eb' 'anma smul 'ayin, a 'a span̈nil yib'n̈ jun tzo'n̈ n̈a cha, ata xyac' tz'a eb' incienso 'a Baal, 'ix ya'n pax eb' yal uva 'a jun tzo'n̈ chuc diosal.

Jeremías 32:32

A eb' israel yet' eb' et chon̈b' 'aj Judá cha, caw stzuntzj cot eb' yowl in c'ojl yuj jun tzo'n̈ smaysch'olnilal xlaj sb'o'. Lajn xoj tas tz'el sb'on eb' yet' sreyal, eb' yajal, eb' ya'mal 'och sti eb' 'ayin, eb' in checab', yet' pax smasnil eb' 'anma cajn 'a Jerusalén yet' 'a Judá.

Jeremías 44:17

'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Jeremías 44:6

Yuj cha, xcot wowal, 'icha te c'ac' 'ixta 'ix 'aj sn̈ilchj 'a jun tzo'n̈ chon̈b' 'a yol yic Judá, yet' 'a yoltc scayeal Jerusalén. 'Ixta wal 'ajnc slan̈chj can 'ejmi, masnto ticnec.

Jeremías 6:27

'Ix yal Jehová 'ixtc 'ayin: Tzach wa'cn 'och 'ac' prowal eb' in chon̈b' tic. B'eyc'ojlej eb' si'mb'il, tzeln wal tas sb'eyb'al eb'.

Jeremías 7:16

Ach Jeremías, man̈ ach leslwoc yuj jun chon̈b' tic. Man̈ al 'ayin, man̈ ach 'och tecn 'ayin, man̈ ach tewc 'ayn yu'uj, yujto ma'oj in ta'w 'ayach.

Jeremías 7:18

A eb' 'unnab'il tzsayn cot te c'atzitz, ax eb' mamb'il tzecn 'och te c'ac', ax eb' 'ix nunb'il tzb'on 'ixm c'oxox, yic tzya'n eb' ofrendail 'a jun comn dios tzcuch syajlil satcha'an̈. Caw tzuntzj cot eb' yowl in c'ojol, yic tzya'n eb' yal uva 'a jun tzo'n̈ chuc diosal.

Ez 14:23

Yujto a yic 'oj eyiln 'och sb'eyb'al eb' cha, ax snachj 'el eyu'uj, chajtlto man̈ nab'an̈ejoc 'ay tas tzwac' jawc 'a yib'n̈ jun chon̈b' cha. An Jehová Yajl in, an tzwala, xchi Dios.