Jeremías 6:29 - Chuj San Sebastian Bible

²⁹ A yic tzwalx te c'ac' yet' junc wal-lab' 'a caw 'ip, caw tzn̈ilchj te c'ac' chi si'mb'il, tz'ulb'x 'el q'uen plomo 'a scal q'uen plata yuj te'. Ax eb' in chon̈ab', wach'xam xwa'lj in b'on sb'eyb'al eb', palta caw may jac yel'chi, yujto a eb' maysch'olnil sb'eyb'al, caw matz satl eb' 'a scal eb'.

Chuj San Mateo Bible

²⁹ Ayic slavaj te' c'ac' yed' junoc lavlab', schacb'i te', tz'ulaxel q'uen plomo d'a scal q'uen plata. Palta axo in chon̈ab' tic, vach'chom ix vac'lej in b'oan sb'eyb'al eb', palta malaj jab'oc yelc'ochi, yujto malaj jab'oc svach'il sb'eyb'al eb', max satel chucal d'a scal eb'.

Jeremías 6:29 ပူးပေါင်းရင်းမြစ်များ

Pr 17:3

A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.

Is 49:4

Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.

Jeremías 15:19

Yuj cha, 'ix ta'w Jehová 'ayn 'ixtic: Toto tzach meltzj pax 'ayin, 'oj ach in cha pax jun 'ejm xo, 'ixta to b'i'an, 'oj stac' in a'n servil. Toto tza tench wan a b'a aln jun tzon̈ comn paxti', toto cojxn tas caw niwn yel'ch tzala, to 'ixta', ach 'oj a paxtin 'el in jeloc. A eb' 'anma 'oj chanc 'ab'nc a paxtini, man̈oc ach 'oj a cha ab' spaxtin eb'.

Jeremías 9:7

Yuj wal cha, an Jehová in, tztac' wuj smasnil, an tzwala: ¿Tas to wal junc xo tztac' in b'on yet' eb' in chon̈b' tic? Cojn to 'oj wa't eb' 'a scal c'ac', sec tz'och eb' wach'il, 'icha tzyac' q'uen plata.

Ez 24:12

Nab'an̈ej xcob' wixtc in b'a in b'icn 'el jun chen cha, wach'xam xcob' wac' q'ue 'a yib'n̈ c'ac', palta ma'ix 'el xon sc'uxmtacl cha.

Ez 24:13

Ach Jerusalén, xin nib'j ach in sacb'tzej yuj tas maysch'olnil tza b'o'o, palta ma'ix yal a c'ojl 'ix a sacb'tzej a b'a. Man̈x 'oj a b'o'i, masnto 'oj wi'l yowl in c'ojl 'a eb'an̈.

Os 11:7

A eb' in chon̈b' tic, nab'ilx yuj eb' to tzyij can 'el sb'a eb' 'ayin. Wach'xam cob' tzyal eb' to Cojxn in Niwn Wel'chi, palta matz in yij chan̈ eb'.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

A Sb'ab'el Carta San Pedro 4:12

Ex chamc'ojlb'il wu'uj, a yic tzon̈ 'ajx prowal yuj jun tzo'n̈ yailal caw ya, matz tac' sat qui c'ojlec yu'uj. Man̈ qui na'ec, to may 'aj tzjaw xon jun tzo'n̈ cha.

Jueces 17:4

A yic xya'n meltzjoc Micaía q'uen tumn chi 'a snun, ax snun chi 'ix a'n chab' ciente q'uen tumn 'a jun win b'om plata, yic tzb'on junc yechl to tzeyb'il, to tz'ajx 'och plata 'a 'a. Xlajw cha, x'ajx 'och 'a yol yatut Micaía.