Jeremías 6:2 - Chuj San Sebastian Bible

² Tic wal tzsatl chon̈b' Sión, jun man̈x jantcoc cob' swach'l yilxi.

Chuj San Mateo Bible

² Toxo val ol in satel eb' anima ay d'a Sion, eb' te nib'ab'il.

Jeremías 6:2 ပူးပေါင်းရင်းမြစ်များ

Is 1:8

A chon̈b' Sión, 'ix can sch'ocj 'icha junc yune pat yic eb' tan̈m uva, mto 'icha jac yen̈l eb' tan̈m melón yic tzlajw smolb'tzax te', mto 'icha pax tzyac' junc chon̈b' oyn 'och eb' 'ajc'ojl 'a 'a, yic tzya'n lajwc 'el eb'.

Jeremías 4:31

A eb' 'aj Sión tz'el yaw cha. Caw tzwab' yel yaw eb' 'icha wal yel yaw junc 'ix 'ix 'a yic tz'alj junc sb'ab'l 'une'. Caw tzc'acw eb', tzlaj sjilnc 'at eb' sc'ab', tzyaln eb' 'ixtic: ¡'Ay, 'oltacn̈ec wali! ¡Caw 'oj on̈ smilc cham eb' milm cham 'anma'! xchi eb'.

Lm 2:1

Caw wal niwn yowl sc'ojl Cajlilec 'a yib'n̈ Sión, caw wal wach' yilx cob' jun chon̈b' cha, palta caw 'ix q'uic'b' 'eli. A swach'l yilx chon̈b' Israel, may junc xo lajn swach'l yilx yet'oc, ax Cajlilec 'ix 'a'n lajwc swach'l yilx cha. Man̈x 'ic sna cot yuj yowl sc'ojl cha, toto 'icha sb'achnub' yoc yaji.

Lm 2:13

Ex 'aj Jerusalén, ¿mach junc tzex in lajb'tzej yet'oc? Ex 'aj Sión, ¿tas junc ch'oxnb'il tzwac' 'ayex yic tzwa'n sniwnal e c'ojol? Caw wal niwn ex 'aj e satli. ¿Mach to wal junc 'oj 'a'nc b'oxc pax e c'ojol?

Lm 4:5

'Ay wal eb' 'anma caw 'ay tas tzc'ux xon 'a pecti', ax ticnec, wan scham eb' yuj wejl 'a yoltc caye. A eb' xq'uib' 'a yol n̈a caw wach' yilxi, ax ticnec, ata cajn eb' 'a 'aj tzjulx 'el c'alem.

Dt 28:56

An̈jtona pax 'ix 'ix caw wach' snab'en, 'ix tz'oc' sc'ojl 'a junc xo mach; matz nib'j xon tztec' jac lu'um, 'aychn̈ej xan̈ab' tz'eq'ui, caw tu 'oj yutc 'ix yiln 'och win yichmil, atn jun caw chamc'ojlb'il yuj cob'i', yet' 'a eb' yune'.