Jeremías 52:7 - Chuj San Sebastian Bible

⁷ a eb' soldado 'aj Babilonia, 'ix yoln eb' jun oln 'a smuroal chon̈b' Jerusalén cha. Yuj cha, ax 'a 'ac'wal, 'ix 'el win rey Sedequías chi yet' eb' soldado smasnil wach'xam oyb'il jun chon̈b' chi yuj eb' soldado 'ajc'ojl cha. Ata tojl x'el'ch eb' 'a scal yawb'ente eb' rey, ax ta 'ix 'el'ch eb' 'a jun puerta 'ay 'a snan̈l chab' muro. 'Ixta 'ix 'aj eb' sc'och 'a jun b'e tz'atn̈j 'a span̈nil sti 'a Jordán.

Chuj San Mateo Bible

⁷ Ix sb'oan jun olan eb' soldado caldeo d'a smuroal, palta axo d'ac'valil ix el lemnaj vin̈aj rey Sedequías yed' masanil eb' soldado. A d'a scal yavb'en te' eb' rey ix el eb', ix elc'och eb' d'a jun puerta d'a snan̈al chab' muro. Icha chi' ix aj sb'at eb' d'a jun b'e sb'at d'a ch'olan sc'och d'a a' Jordán.

Jeremías 52:7 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:4

Ax eb' caldeo 'ix yac' ganar eb' sma'n olchjoc smuroal jun chon̈b' cha. Wach'xam oyn 'och eb' soldado chi 'a spatquil, palta 'ix 'el win rey yet' smasnil eb' soldado 'a 'ac'wal. 'Ix 'el eb' 'a scal yawb'ente eb' rey. X'el'ch eb' 'a jun puerta 'a snan̈l chab' muro, 'ix 'at eb' 'a jun b'e tzc'och 'a span̈nil sti a Jordán.

Jeremías 34:22

An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Jeremías 39:2

Ax 'a yic sb'aln̈il c'u yoch schan̈l 'uj, yic yuxlchil ab'il yoch Sedequías yajlil, a yic cha, 'ix yoln eb' soldado yic Babilonia jun oln 'a smuroal chon̈b' cha.

Jeremías 49:26

An Jehová in, tztac' wuj smasnil, an tzwala: A wal 'a jun c'ul cha, toxn̈ej t'ocquixtac 'oj 'ajcn eb' quelmtac 'a yoltc caye, smasnil eb' soldado, 'oj cham eb'.

Jeremías 51:32

A eb' 'ajc'ojol, 'oj 'och eb' smac 'a 'aj tzc'axw 'ec' eb' 'anma 'a a a'. 'Oj n̈usxoc jun tzo'n̈ cuartel, yuj cha, caw 'oj 'och eb' soldado 'a xiwc'ojlal.

Jeremías 6:5

Ax ticnec jun, at 'a 'ac'wl tzon̈ 'ochc ca'c owl yet'oc, tzqui ma'c lan̈chjoc jun tzo'n̈ sniwc torre eb', 'oj xchic eb'.

Ez 12:12

Ax win rey cha, 'oj yic' win spa ax s'at win 'a 'ac'wl cha. 'Oj yac' win b'o yolnil smuroal Jerusalén, ax yel ta'. 'Oj smac win sat sec ma'oj yilcn jun chon̈b' cha.

Ez 12:4

C'ul tza b'o a pa chi yil eb' 'anma cha, 'icha tzyac' junc mach to wan yijx 'at 'icha presoal, palta at 'a yemc'ul tzach 'at yil eb', 'icha to wan ejx 'at 'icha presoal cha.

Ez 33:21

A 'a yic o'e yoch slajn̈il 'uj yic slajchwil ab'il quijx cot 'icha presoal, ata xjaw jun winc 'ayin, xyalni to ata tzcot 'elc 'a Jerusalén, yujto satl jun chon̈b' chi yuj eb' 'ajc'ojol.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

Am 4:3

An Jehová in, an tzwala, to caw stzol-l 'oj eyaj eyijx 'el 'a 'aj 'oj ma'xoc 'ejm lan̈chjoc jun tzo'n̈ n̈a cha, ax e julx can 'at 'a caw najt cha.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.