Jeremías 52:24 - Chuj San Sebastian Bible

²⁴ A win comandante Nabuzaradán, a win 'ix yamn cot Seraías, atn win sat ya'mal 'och sti eb' 'anma 'a Dios, yet' win Sofonías win schab'l ya'mal 'och sti eb', yet' pax 'oxwn̈ xo eb' tztan̈wni sti yatut Dios.

Chuj San Mateo Bible

²⁴ A vin̈aj Nabuzaradán chi' ix yaman vin̈aj Seraías sat sacerdote yed' vin̈aj Sofonías schab'il sacerdote yed' oxvan̈ eb' vin̈ stan̈van ti' templo.

Jeremías 52:24 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:4

Xlajw cha, 'ix yaln win rey 'a win Hilcías sat ya'mal 'och sti eb' 'anma cha, yet' 'a jun tzo'n̈ xo eb', yet' pax 'a eb' tztan̈wni puerta, to tzyij 'elt eb' smasnil tastc 'ay 'a yol yatut Jehová, atn jun tzo'n̈ yamc'ab' sc'an eb' 'anma', yic tz'och eb' 'emmquilal 'a Baal, 'a Asera, yet' 'a jun tzo'n̈ c'anal. Xyij 'elt eb' jun tzon̈ cha sn̈usntz'a eb' 'a sti 'el chon̈b' Jerusalén 'a sti a Cedrón. Xlajw cha, 'ix 'ijx 'at stan̈il 'a Bet-el.

A Ch'an̈ Schab'il Libro Yic Yab'ixal Eb' Rey 25:18

A win Nabuzaradán cha, 'ix ya' win yamchjoc win sat ya'mal 'och sti eb' 'anma 'a Dios, atn Seraías, yet' win schab'il, atn Sofonías, yet' 'oxwn̈ eb' 'aych stan̈malc sti yatut Dios.

Esdras 7:1

A yic 'aych win Artajerjes reyl 'a Persia, a yic cha, ata 'ayc' jun win ya'mal 'och sti' eb' israel 'a Dios 'a Babilonia, tzcuch Esdras. Ax eb' smam yichm 'aj cotnc yin̈til, atn eb' tic: Seraía, Azarías, Hilcías, Salum, Sadoc, Ahitob, Amarías, Azarías, Meraiot, Zeraías, Uzi, Buqui, Abisúa, Finees, Eleazar, yet' Aarón, win b'ab'l ya'mal 'och sti eb' 'anma 'a Dios.

Salmos 84:10

Yel xo wach' 'ayn 'ec' junc c'u 'a yamq'uil atut, 'a yib'n̈ junc mil ab'il 'ayn 'ec' 'a junc xo lugar. Yel xo wach' tzin c'och 'a spuertail atut yic tzin 'och 'emmquilal 'aych ach in Diosal, 'a yib'n̈ to a 'a yatut eb' maysch'olnil sb'eyb'al 'aj tzin 'aj cajan.

Jeremías 20:4

Yujto xyal Jehová 'ixtic: 'Oj wa'ch wal xiwc'ojlal 'a eb'an̈, yet' 'a smasnil eb' 'a wach'c'ojol. Q'ueln ach wal 'ochi, ax yem eb' a wach'c'ojl chi yuj yespada eb' 'ajc'ojl yajch 'ayach. Ax 'aj Judá ex tic, 'oj ex wa'cn 'och 'a yol sc'ab' win sreyl Babilonia. A win 'oj eyi'n 'at 'a Babilonia cha, mto 'oj ex smiln winac.

Jeremías 21:1

'Ix schecb't win rey Sedequías win Pasur yunnal Malquías, yet' win ya'mal 'och sti eb' 'anma 'a Dios, atn win Sofonías yunnal Maasías, yic tz'at in yilnc eb' an Jeremías in tic. 'Ix yaln eb' 'ixtic: Tzon̈ tew 'ayach, to tza c'anb'j 'a Jehová cuj an̈ tic on̈, yujto a Nabucodonosor sreyl Babilonia wan ya'n owl quet' on̈. Toq'ue tzch'ox Jehová chi yip si'mb'il, 'icha ya'jnac 'a yic yaln̈taxi, sec tz'ijx 'el Nabucodonosor chi yu'uj, xchi eb' 'ayin. Xlajw cha, xpaxtin Jehová 'ayin.

Jeremías 34:21

An 'oj wac' 'ajxoc ganar Sedequías sreyl Judá, yet' smasnil eb' 'aych yajlil yet'oc, caw 'oj 'em eb' yuj eb' 'ajc'ojl yajch 'a cha, atn eb' tznib'n xon milnc cham eb'. 'Oj 'ajxoc ganar eb' yuj eb' soldado yic Babilonia, wach'xam tox xcob' 'actx can eb' yuj eb'.

Jeremías 35:4

Xlajw cha, xwi'n 'at eb' 'a yatut Dios, atn 'a jun cuarto yic eb' yunnal Hanán, win yunnal Igdalías, atn jun caw 'ay yel'ch Dios 'a sat. A jun cuarto cha, junn̈j yaj yet' yic eb' yajl yaj 'a yatut Dios cha, a 'a yib'n̈ scuarto Maasías yunnal Salum, ata 'ay. A win cha, yajl yaj 'a eb' tztan̈wni yatut Dios cha.

Jeremías 37:3

A win rey Sedequías cha, 'ix schec cot win Jucal yunnal Selemías, yet' win ya'mal 'och sti eb' 'a Dios, atn Sofonías yunnal Maasías, yic tzwul in yilnc eb' an Jeremías in tic, xyaln eb' 'ayn 'ixtic: Leslwan̈ 'a Jehová qui Diosalec cuj on̈, xchi eb'.

Jeremías 52:12

A 'a yic slajn̈il c'u yoch yol 'uj yic sb'aln̈lajn̈il ab'il yoch Nabucodonosor reyl 'a Babilonia, 'ix c'och Nabuzaradán 'a Jerusalén, sat yajl yaj yuj win Nabucodonosor, comandante pax yaj 'a eb' soldado tztan̈wni win rey cha.

Jeremías 52:15

Xlajw cha, xyi'n 'at Nabuzaradán eb' 'anma 'a Babilonia, atn eb' xcant can 'a jun chon̈b' cha, yet' pax eb' xya'ch sb'a yet' win sreyl Babilonia, yet' pax jun b'uln̈ xo eb' chon̈ab'.

Lm 4:16

Yet' wal yowl sc'ojl Jehová, spechn can 'at eb', man̈x 'ic tan̈wx eb' yu'uj. Man̈x 'a yel'ch eb' ya'mal 'och sti eb' 'anma 'a 'a, man̈x 'ic 'o'ch sc'ojl 'a eb' 'ichmtac winac.

Ez 11:7

Yuj cha, tzwaln an Jehová in 'ixtic: A chon̈b' Jerusalén, lajn wal 'icha junc lum chen. Ax jun chib'j cha, atn eb' 'anma tze milcn 'a yoltc caye, yuj cha, an 'oj ex wic' 'elt 'a yol jun chon̈b' tic.

Ez 24:5

A junc no calnelu caw wal b'aq'uech, a tzej 'ati; tza'n 'och sc'atztzil yaln̈ jun chen cha, sec wach' tz'aj staj sb'a'al, masnto tztaj q'uen b'ac cha.