Jeremías 51:57 - Chuj San Sebastian Bible

⁵⁷ An Rey in, Jehová tztac' wuj smasnil, 'ixtnta ton wal yalx in b'i, an tzwal 'ixtic: 'Icha wal to 'oj wac' 'u'wc 'an̈ eb' yajl 'a Babilonia, eb' 'a'm nab'en, eb' gobernador, eb' niwc yel'ch yopiso, yet' pax eb' soldado. 'Oj cotcn swayn̈ eb' 'a jun 'ejmn̈ej. Man̈x b'a'n̈ 'oj 'el swayn̈ eb', xin chi.

Chuj San Mateo Bible

⁵⁷ A in Rey in, a in b'i, Jehová Yajal d'a Smasanil, a in sval icha tic: Ichato ol vac' an̈ an̈ yuc' eb' yajal d'a Babilonia, eb' aj pensar, eb' gobernador, eb' nivac yopisio yed' eb' soldado, ol cot svayan̈ eb' d'a juneln̈ej. Man̈xo ol el-laj svayan̈ eb' chi'.

Jeremías 51:57 ပူးပေါင်းရင်းမြစ်များ

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Jeremías 13:13

'Oj lajwc cha, ax aln 'a eb' to an Jehová in, an 'ix wal 'ixtic: Smasnil eb' cajn 'a jun nacion̈ tic, caw 'oj wac' sat sc'ojl eb' yuj yowl in c'ojol, eb' yin̈tl David 'aych reyal, eb' ya'mal 'och sti eb' 'ayin, eb' tzyalch sb'a in checb'oc, yet' smasnil eb' cajn 'a Jerusalén. 'Icha tz'aj sat sc'ojl eb' caw niwn 'an̈ tzyuq'uej, 'ixta 'oj wutc wa'n sat sc'ojl eb'.

Jeremías 25:27

Xlajw cha, 'ix yaln Jehová 'ayn 'ixtic: Ala, chajtlto an Jehová in, tztac' wuj smasnil, e Diosal in ax israel ex tic, an 'ix wala to yowlal tzyu'j eb', masnto tzq'ue 'a sjolm eb', tzxej eb' yu'uj, telw cab' eb' 'a sat lu'um, man̈x cab' q'ue wan eb'. 'Ixta wal 'oj 'aj eb' yuj jun owl 'oj wa't 'a scal.

Jeremías 46:18

An ton rey in, 'aynn̈ej 'eq'ui. Tzin cuch Jehová tztac' wuj smasnil, tzwac' in ti', to 'icha lum witz Tabor caw yel xo chan̈ yajb't 'a yib'n̈ jun tzo'n̈ xo eb' lum witz, 'icha pax lum witz Carmelo, yel xo chan̈ yajb't 'a yib'n̈ a mar, 'ixta wal yip jun 'ajc'ojl tzjaw 'ayex.

Jeremías 48:15

Wan sc'och jun 'oj 'a'nc lajwc jun tzo'n̈ chon̈b' 'a yol yic Moab, 'oj cham eb' quelmtac caw 'ay yip cajn ta'. A jun tic, tzwal an Rey in tic, Jehová in b'i, tztac' wuj smasnil.

Jeremías 50:30

Yuj cha, an Jehová in, an tzwala, to a wal eb' quelm 'aj Babilonia, b'ulctac 'oj 'ajcn eb' scham 'a yoltc caye. 'Oj milxoc cham smasnil eb' soldado 'a jun c'ul cha.

Jeremías 51:39

An Jehová in, an tzwala: Ya' sb'a wan sq'uixnj chan̈ eb' yuj tzaljc'ojlal, to oj wac' wa eb', ax wa'n 'u'wc 'an̈ eb', 'oj 'el yaw eb' yuj tzaljc'ojlal. 'Oj lajwc cha, ax sway eb' 'a jun 'ejmn̈ej, man̈x 'a b'a'n̈ 'oj 'el swayn̈ eb'.

Ez 20:33

An Jehová in, an tzwa'cn in ti', to 'oj jawc yowl in c'ojl 'a eyib'an̈, yet' in poder ax wa'n 'och eyailal niwquil.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Nahúm 3:18

Ach sreyl Asiria, a wal eb' stan̈mal a chon̈ab', waync xo eb'. A eb' 'aych yajlil et'oc, to tz'ilj eb'. A eb' a soldado, caw sactzicnac s'at eb' 'a lum jolmctac witz, man̈x 'a mach tzmolb'tzan eb'.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

Apoc 18:9

Ax eb' niwc yajl 'a yolyib'n̈q'uinal, eb' xb'on 'ajmulal yet' jun tzalx 'ixl tic. Caw locn eb' yet' 'a sricoal. Palta ax yic 'oj yilnc eb' sq'ue stab'l stz'a'i, caw 'oj 'oc' eb'. 'Oj cul-loc eb' yoc' yu'uj.