Jeremías 51:53 - Chuj San Sebastian Bible

⁵³ An Jehová in, an tzwala: Wach'xam tzq'ue'ch Babilonia 'a satcha'an̈, chan̈ tzyutj sb'on smuroal, palta 'oj wa'tn̈ej eb' 'ajc'ojl ta', sec tzsatx 'el yuj eb', xchi Dios.

Chuj San Mateo Bible

⁵³ Vach'chom sq'uec'och Babilonia d'a satchaan̈ yalani, chaan̈ syutej sb'oanq'ue smuroal, palta ol vac'b'at eb' ajc'ol b'at sataneloc, xchi Jehová.

Jeremías 51:53 ပူးပေါင်းရင်းမြစ်များ

Gn 11:4

Xlajw cha, xyaln pax ewin 'ixtic: Cotn̈ec, qui b'oc junc niwquil chon̈b' 'a tic. Tzlajw cha, tzqui b'onec junc niwquil torre, masnto tzq'ue'ch 'a satcha'an̈, yic wach' tzon̈ b'inaxec si'mb'il. Junxn̈ej tzon̈ 'ajc qui masnil, man̈xtzac on̈ sactzic 'a sat lum lum tic, xchi ewinac.

Job 20:6

Wach'xam caw chan̈ 'aj 'ay eb' 'icha schan̈il yajb't satcha'an̈, mto tzq'ue'ch sjolm eb' 'a 'aj 'ay 'asun,

Is 13:17

'Oj wi' cot eb' 'aj Media, ax sjaw eb' 'a scal eb'. A jun tzo'n̈ 'anma cha, may tz'och q'uen plata yet' q'uen oro yuj eb'.

Is 41:25

'Ix wac' checlj chan̈ jun mach 'a stojlal norte, 'oj wawtc coti, ax scot 'a 'aj tzq'uel c'u, ax yaln sb'a 'ayin. A 'oj te'nc 'ejm eb' syajlil chon̈ab', 'icha wal tz'aj ste'x lum b'iq'uich, 'icha wal tzyutj win tz'acm ste'wtan̈n lum b'i'ch cha, 'ixta 'oj 'ajcn eb' yu'uj.

Is 47:5

Ach 'icha cob's 'ix, 'emn̈ wocn 'a scal q'uic'q'uinal, yujto man̈x 'oj a b'inax reinail 'a yib'n̈ jun tzo'n̈ xo nacion̈.

Is 47:7

'Ix aln 'ixtic: An tic yajl in 'a smasnil tiempo, xa chi. May wal jac xa na 'a yib'n̈ jun tzo'n̈ tic, ma'ix nachj 'el o'oj tas 'oj aj 'el'chi.

Jeremías 49:16

Mun ax tzeyixtj 'el e b'a yuj e b'an̈quintaquil, toc 'ay mach tzxiw 'ayx 'icha cob' yaj e nani. A 'a yoltc sjatlil q'uen niwn tenm 'ay 'a jolmctac witz, ata tzex can cajan. An Jehová in, an tzwala, wach'xam ata tzex 'aj cajn 'a 'aj yel xo caw cha'an̈, 'icha 'aj tzb'o no salt'iw so', palta yowlal 'oj ex wic' 'emt ta'.

Jeremías 50:21

'Ix yaln pax Jehová 'ixtic: An tzex in checa, 'at 'a'c owl 'a yol yic Merataim, yet' 'a smasnil eb' cajn 'a Pecod. Pechc b'eyc'oc eb', milc cham eb', masnto tzsatl eb' smasnil. Yicljec smasnil in checnb'il tic.

Jeremías 50:25

'Ix in jac 'elt smasnil in yamc'ab' yic owl 'a yet'l 'aj molb'il wu'uj, yuj sch'oxn 'el yowl in c'ojol, yujto 'ay wal jun in munljel yowlal 'oj 'el'choc 'a schon̈b' eb' 'aj Babilonia.

Jeremías 50:45

'Ab'c wal tas tox 'ix in nalb'ej an Jehová in tic 'a yib'n̈ chon̈b' Babilonia, atn schon̈b' eb' caldeo. 'Oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Jeremías 51:11

A Jehová 'ix 'a'n sb'o eb' sreyl chon̈b' Media jun cha, yujto nab'ilx xon yu'uj to 'oj satl Babilonia. 'Ixta wal 'oj yutc ya'n spac yuj tas 'ix 'aj yixtx 'el yatut yuj eb'. Tzalx 'a eb' soldado: 'A'c lista e jul-lab', 'a'c 'och tas tzmacn sat jul-lab' 'ayex.

Jeremías 51:25

An Jehová in, an tzwala: An tic, 'ajc'ojl wajch 'a Babilonia. A jun cha, lajn wal 'icha junc niwquil witz tzsatn 'el smasnil sat lum lum tic. A yet' in poder ax in ma'n 'ejm lan̈chjoc, sactzicnac 'oj 'atcn 'a sat pac'an. Yuj cha, a Babilonia cha, lajn 'oj 'ajcn 'icha junc witz tz'anac.

Jeremías 51:48

An Jehová in, an tzwala: A satcha'an̈ yet' yolyib'n̈q'uinl tic yet' smasnil tas 'ay 'a 'a, caw 'oj tzaljoc cha'an̈, yic 'oj 'ejmc Babilonia cha, yic 'oj cot eb' soldado 'a stojlal norte 'oj wul satnc 'eli.

Jeremías 51:56

Tzyal Jehová 'ixtic: 'Oj jawc eb' wul yac' lajwc 'el Babilonia. 'Oj yamchjoc smasnil eb' soldado, ax sma'x can wecchjoc sjul-lab' eb'. Yujto an Jehová in, an ton Dios in, tzwac' spac 'a junjn eb' 'a 'icha wal smoj schani.

Jeremías 51:58

An Jehová in, tztac' wuj smasnil, an tzwala: To a jun smuroal Babilonia caw wal pim yaji, 'oj lan̈chjoc can 'ejm 'a jun 'ejmn̈ej, yet' jun tzo'n̈ spuertail to caw wal niwac, c'uxn 'oj tz'aoc. Nab'an̈ej wal munljnac 'och jun tzo'n̈ nacion̈ 'a 'a. A jantc munljel 'aj c'unb'nac eb', ton̈j 'oj tz'aoc, xchi.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Am 9:2

Wach'xam cob' 'oj 'at sc'ub'c 'el sb'a eb' 'a xab'l yich lum lu'um, palta 'oj 'at wic' q'uet eb' ta', wach'xam cob' 'oj q'ue eb' 'a satcha'an̈, palta 'oj wic' 'emt eb' ta'.

Am 9:4

Wach'xam 'oj 'ijxoc 'at eb' 'icha presoal yuj eb' 'ajc'ojol, palta 'oj 'at wac' tzu'xoc cham eb' yet' q'uen espada. 'Oj wa'n̈j 'och syailal eb', man̈oc wach'l 'oj wac' 'a eb', xchi Dios.

Habacuc 2:9

'Oltac ex, yujto 'ix cob' eyac' b'ut'joc yol eyatut yuj tas xlaj eyelc'oc, sec tztac' e coln e b'a 'a tas 'ay smay e nani.