Jeremías 51:31 - Chuj San Sebastian Bible

³¹ Tzoltzni 'oj jawc eb' checb' wul yal 'a win sreyl Babilonia chajtlto wan yejm schon̈b' chi 'a jun 'ejmn̈ej.

Chuj San Mateo Bible

³¹ B'elb'onxon̈ej ol aj sc'och eb' checab' yal d'a vin̈ sreyal Babilonia to toxo ix ac'ji ganar schon̈ab' vin̈ chi' smasanil.

Jeremías 51:31 ပူးပေါင်းရင်းမြစ်များ

2 Cr 30:6

Xlajw cha, 'ix 'at eb' schecb' win rey 'a smasnil yol yic Israel yet' 'a yol yic Judá yet' ch'an̈ scarta win rey yet' eb' yajl yaj yet'oc. Xchi 'a ch'an̈ carta chi 'ixtic: Ex quit israelal on̈, meltzjan̈c 'a Jehová qui Diosalec, atn sDiosal Abraham, Isaac yet' Israel, sec 'oj meltzjoc pax cot Dios 'ayex, ex to 'atnc 'ex 'elc 'a yol sc'ab' eb' sreyl Asiria.

Ester 8:10

A jun tzo'n̈ carta 'aj stz'ib'x jun ley cha, 'ix yac' pax win rey seyo 'a ch'an̈. Xlajw cha, x'ajx ch'an̈ 'a eb' checab', ax eb' x'i'n 'at ch'an̈, xq'ue eb' 'a yib'n̈ e no chej caw jeln sb'eyi, atn e no schej win rey 'ayc' 'a scabayerisa.

Ester 8:14

Wal 'a yajn̈ej x'at eb' checb' chi 'a yib'n̈ chej 'icha yaln win rey. 'Ix alx 'el pax jun ley chi 'a yol chon̈b' Susa, atn 'aj 'aych win rey yajlil.

Job 9:25

A jab' in q'uinl tic, caw wal ji'lti yec' muc'uc, may xon pax 'aj xwil jac tzaljc'ojlal.

Jeremías 4:20

Caw tzoltzni sjaw yab'xil yailal tzlaj uji. Smasnil jun nacion̈ tic, caw tox 'ix 'ixtx 'eli. Wal 'a yajn̈ej xma'x 'ejm lan̈chjoc watut, caw x'ixtx 'el 'aj tzin 'ec' cajan.

Jeremías 50:2

Alc 'el jun 'ab'x tic, 'a'c yojcoc 'el eb' nacion̈. 'Ijec chan̈ e bandera, tzeyaln 'eli, man̈ e c'ub'c 'eli, alc 'ixtic: A Babilonia caw 'oj lajwc 'eli. A jun dios tzcuch Bel, 'oj 'el sq'uixwel, ax jun dios tzcuch Marduc, 'oj xiwoc. A sdiosal eb' 'aj Babilonia cha, caw 'oj can eb' 'a q'uixwc'ojlal. A jun tzo'n̈ yechl cha, 'oj ma'xoc poj eb', xe chi.

Jeremías 50:24

An Jehová in, an in b'ojnac 'ejm jun yal Babilonia. Ma'ix yil tas x'aj scan 'a jun ch'an̈ yal cha, yujto pit 'ix yutj sb'a 'ayin.

Jeremías 50:43

A wal yic 'oj yab'nc sreyl Babilonia yab'xil jun tic, caw 'oj sicb'oc 'el sc'ab' yuj xiwc'ojlal, caw 'oj 'och 'a somc'ojlal yet' 'a yailal, 'icha wal junc 'ix 'ix wan yalj yune'.

Jeremías 51:32

A eb' 'ajc'ojol, 'oj 'och eb' smac 'a 'aj tzc'axw 'ec' eb' 'anma 'a a a'. 'Oj n̈usxoc jun tzo'n̈ cuartel, yuj cha, caw 'oj 'och eb' soldado 'a xiwc'ojlal.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.