Jeremías 51:30 - Chuj San Sebastian Bible

³⁰ A eb' soldado yic Babilonia, man̈x 'a tas 'oj yal eb'. Toxn̈ej 'oj smacn 'och sb'a eb' 'a yol scuartel. Man̈x 'a yip eb', lajn xoj 'oj 'ajcn eb' 'icha eb' 'ix 'ix. Ax 'oj yilnc cot eb', wan xo slan̈chj 'ejm schon̈b' eb', wan sn̈usx can pax yatut eb'.

Chuj San Mateo Bible

³⁰ A eb' soldado yic Babilonia chi', man̈xo ol yal scolan sb'a eb'. Toxon̈ej ol ochcan eb' d'a yoltac b'aj scol sb'a. Man̈xalaj yip eb', lajan ol ajcan eb' icha eb' ix ix. Ol laj mac'joquem lan̈naj schon̈ab' eb', ol laj n̈usjoctz'a spat eb'.

Jeremías 51:30 ပူးပေါင်းရင်းမြစ်များ

Salmos 107:16

Yujto choc' xyutj swecchtan jun tzo'n̈ puerta nab'a bronce, swecchtan pax eb' q'uen q'uen 'aych yipnub'alc jun puerta cha.

Salmos 147:13

Yujto a x'a'n 'och yip yijl spuertail qui chon̈b'ec, xya'n pax syaxilal 'a yib'n̈ eb' cunnalec 'a yol qui chon̈b'ec tic.

Salmos 76:5

A eb' soldado caw jelan, 'ix 'ijx 'ec' sricoal eb'. Chamnc pax eb', man̈x 'a jac tas 'ix stac' yuj eb'.

Is 19:16

A 'a jun tiempoal cha, smasnil eb' 'aj Egipto lajn xoj 'oj yutc sb'a eb' 'icha eb' 'ix 'ix. Caw 'oj 'ib'xoc chan̈ eb' yuj xiwlal yic 'oj yilnc eb' sjaw syailal yuj Jehová tztac' yuj smasnil.

Is 47:14

Palta a eb' cha, lajn eb' yet' te 'ac, a te c'ac' 'oj n̈usnctz'a eb', ma'oj stac' scoln 'el sb'a eb' a jun cha. Yujto a jun c'ac' cha, man̈ lajnoc 'icha junc comn c'ac' to a te c'atztz tz'och 'a 'a, wach' qui c'achn 'a sti'.

Jeremías 48:41

A wal jun tzo'n̈ chon̈b' wach' cob' yajch smuroal, caw 'oj 'ejmc yuj eb' 'ajc'ojol. A wal 'a yic jun c'ul cha, a eb' soldado Moab, toxn̈ej 'oj xiwcn chan̈ eb' 'icha junc 'ix 'ix wan yalj yune'.

Jeremías 50:15

'A'c 'el eyaw yic owl 'a smasnil spatquil 'el chon̈ab': Wan yejm Babilonia, wan stelw jun tzo'n̈ storreal, wan sma'x 'ejm lan̈chjoc smuroal, xe chi. An Jehová in tic, stiempoal xo in pacn in b'a 'a Babilonia. Pacc e b'a pax 'a ax tic, 'icha wal x'aj jun tzo'n̈ xo nacion̈ yu'uj, 'ixta wal pax tzeyutej.

Jeremías 51:32

A eb' 'ajc'ojol, 'oj 'och eb' smac 'a 'aj tzc'axw 'ec' eb' 'anma 'a a a'. 'Oj n̈usxoc jun tzo'n̈ cuartel, yuj cha, caw 'oj 'och eb' soldado 'a xiwc'ojlal.

Jeremías 51:57

An Rey in, Jehová tztac' wuj smasnil, 'ixtnta ton wal yalx in b'i, an tzwal 'ixtic: 'Icha wal to 'oj wac' 'u'wc 'an̈ eb' yajl 'a Babilonia, eb' 'a'm nab'en, eb' gobernador, eb' niwc yel'ch yopiso, yet' pax eb' soldado. 'Oj cotcn swayn̈ eb' 'a jun 'ejmn̈ej. Man̈x b'a'n̈ 'oj 'el swayn̈ eb', xin chi.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Am 1:5

'Oj in ma'poj smasnil spuertail chon̈b' Damasco. 'Oj in satl eb' 'anma cajn 'a span̈nil lum Avén, yet' win yajl yaj 'a Bet-edén, ax eb' 'aj Siria, 'oj 'ijxoc 'at eb' mosoal 'a chon̈b' Kir, xchi Jehová.

Nahúm 3:13

A eb' e soldado, caw lajn xoj eb' 'icha eb' 'ix 'ix. A spuertail e chon̈ab', jacn xo 'a eb' 'ajc'ojol, xlajw stz'a 'ejm jun tzo'n̈ 'aych smacloc e chon̈b' cha.

Apoc 18:10

'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.