Jeremías 51:29 - Chuj San Sebastian Bible

²⁹ A lum lum tic, caw 'oj 'ib'xoc lu'um, 'oj tzicb'tan̈xoc, yujto 'oj 'el'choc tas nab'il yuj Jehová. A yic 'oj 'ochcn Babilonia tic 'a cusltac lumal, man̈x 'a mach 'oj cajnoc.

Chuj San Mateo Bible

²⁹ A lum luum tic, ol ib'xocq'ue luum. Ol tzicub'tan̈aj luum, yujto ol yaq'uelc'och Jehová tas nab'il yuuj. A Babilonia ol can tz'inan icha tz'inan luum, man̈xalaj mach ol cajnaj d'ay.

Jeremías 51:29 ပူးပေါင်းရင်းမြစ်များ

Is 14:16

Ax eb' tzach 'iln 'ochi, caw tzsat sc'ojl eb' ach yilni, ax yaln eb' oj 'ixtic: Coyn wal to a jun winc tic tzlaj 'a'n 'ib'xoc lum lum tic, tzlaj ya'n lajwc 'el smasnil nacion̈.

Is 24:20

'Oj 'ec' ch'umch'noc lum 'icha junc 'u'm 'an̈. 'Oj 'ib'xoc lum 'icha junc pat tz'ib'x yuj 'ic'. Yujto a smul eb' 'anma', caw 'ec'b'al xo 'a yib'n̈ lu'um, yuj cha, 'oj telwc can 'ejmi, man̈x 'a b'a'n̈ 'oj q'uex wa'an.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Jeremías 50:13

Yujto 'oj cot wal wowal, man̈x 'a xon junc mach 'oj cancn cajn 'a jun chon̈b' cha. Cusltac lum 'oj 'ajcni. Smasnil mach 'oj b'ey ta', caw 'oj xiw eb' yiln yuj jantc yailal 'oj jawc 'a yib'an̈.

Jeremías 50:36

Milc cham eb' tztac' snan 'el paxti yalni, may snab'en eb'. Milc cham eb' soldado, 'in caw xiwc'ojlal xoj yaj eb'.

Jeremías 50:43

A wal yic 'oj yab'nc sreyl Babilonia yab'xil jun tic, caw 'oj sicb'oc 'el sc'ab' yuj xiwc'ojlal, caw 'oj 'och 'a somc'ojlal yet' 'a yailal, 'icha wal junc 'ix 'ix wan yalj yune'.

Jeremías 50:45

'Ab'c wal tas tox 'ix in nalb'ej an Jehová in tic 'a yib'n̈ chon̈b' Babilonia, atn schon̈b' eb' caldeo. 'Oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Jeremías 50:46

A wal yic 'oj 'em Babilonia cha, caw 'oj 'ib'xoc lum lum tic, 'oj c'och yel yaw eb' 'a jun tzo'n̈ xo nacion̈, xchi Dios.

Jeremías 51:26

An Jehová in, an tzwala, to a smasnil q'uen q'uen 'oj 'eltoc 'a scal jun tzo'n̈ 'oj lan̈chjoc cha, man̈x 'a xon junc q'uen 'oj stac' sc'anx 'a junc xo n̈a tot 'oj b'o'oc. Caw cusltac 'oj 'ajcn Babilonia 'a jun 'ejmn̈ej.

Jeremías 51:28

Ya' cab' lista sb'a eb' nacion̈ yic tz'och eb' 'a owal. Cot cab' eb' sreyl Media, yet' eb' gobernador, yet' eb' to niwc yel'ch yopiso, yet' pax smasnil eb' 'anma cajn 'a yol smacb'en, xchi Dios.

Jeremías 51:37

'Oj q'uecn b'uln chon̈b' Babilonia slan̈chj 'ejmi, cojxn no 'ocs 'oj 'aj cajn ta', man̈x 'a mach 'oj cajnoc. Ax smasnil eb' 'anma', caw 'oj xiw eb' yiln 'ochi, ax sb'uchwj can pax eb' 'a 'a.

Jeremías 51:43

Caw cusltac 'oj 'ajcn yol schon̈ab', tacn̈ lum 'oj 'ajcni, man̈x 'a mach 'oj cajnoc, man̈x 'a pax mach 'oj b'eyc'oc 'a sat.

Jeremías 8:16

¡Wan sjaw eb' 'ajc'ojl 'ayn̈ec! ¡Checl xo sjormj yol sn̈i schej eb' 'a chon̈b' Dan! A yic tz'oc' no', caw tz'ib'x lum lum tic yuj no'. Caw tzjaw eb' wul satl jun qui nacion̈ec tic yet' smasnil tas 'ay 'a 'a, yet' jun qui chon̈b'ec tic, yet' pax qui masnil an̈ cajn on̈c 'a 'a, 'oj xchic eb'.

Jl 2:10

Caw tz'ib'x lum lum 'a yojltac e no', tzi'mj pax satcha'an̈. Tztup yoc c'u yet' yoc 'uj yuj yen̈l no', man̈x checloc swetzwni c'anal.

Am 8:8

'Oj 'ib'xoc lum lum yuj smasnil jun tzo'n̈ tic, 'oj 'oc' smasnil eb' cajn 'a 'a. 'Oj q'ue wan lum 'a cha'an̈, ax yejm paxi, 'icha tzyac' a Nilo, tzq'ue wa'an, tz'ejm pax a'.

Apoc 18:2

Caw 'ip yaln 'ixtic: —¡Caw 'ix lan̈chj 'ejm chon̈b' Babilonia! Wach'xam niwn yel'chi, palta caw xlan̈chji. 'Ix 'och scajnub'oc junjn c'aj demonio. 'Ix 'och pax soc jun tzo'n̈ no ch'ic caw yajb'entac.