Jeremías 51:21 - Chuj San Sebastian Bible

²¹ Xin mil cham no chej yet'oc, yet' eb' 'ay q'ue 'a yib'n̈ no', yet' jun tzo'n̈ caruaje, yet' pax eb' 'aych 'a yojol.

Chuj San Mateo Bible

²¹ A yed'oc ix in milcham noc' chej yed' eb' ayq'ue d'a yib'an̈ noc'. Ix vac'anpax lajvoquel carruaje yed' eb' ayq'ue d'a yool.

Jeremías 51:21 ပူးပေါင်းရင်းမြစ်များ

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Salmos 76:6

A wal yic x'el aw a xib'tn eb', caw wal man̈x 'ic stac' xon yib'x jac scaruaje eb', yet' pax schej eb'.

Ex 15:1

Xlajw cha, 'ix sb'itnan Moisés jun b'it yet' smasnil eb' israel 'a yojltac Jehová, xyaln eb' 'ixtic: Caw wal tzon̈ b'itnec 'a Jehová yic tzqui'nec chan̈ sb'i, yujto caw wal satjub'tac 'ix yutj ya'n ganar owal. 'Ix mucchj can 'ejm no chej 'a yojl a mar yet' ewin 'et'jnac e no'.

Ex 15:21

'Ix b'itn 'ix 'a yojltac eb' 'ix 'ixtic: B'itncoyec, qui'c chan̈ sb'i Jehová, yujto caw satjub'tac yilx xyutj ya'n ganar owal. 'Ix mucchj can 'ejm no chej 'a yol a', yet' smasnil eb' 'anma 'ay q'ue 'a yib'n̈ no', xchi María 'a sb'it.

Ex 15:4

A scaruaje win sreyl Egipto, eb' soldado yet' eb' 'aych yajlil yet' winac, 'ix mucchjcan 'ejm eb' yet' jun tzo'n̈ chi 'a yojl a Chac Mar yuj Jehová. A eb' capitan̈ niwn yel'ch yet' yopiso, 'ix 'atcn eb' 'a yojl a mar cha.

Is 43:17

'Ix yac' 'eltoc jun b'uln̈ eb' soldado, yet' eb' scaruaje, yet' pax eb' schej, palta 'ix satl eb' yu'uj. 'Ix telw can 'ejm eb', man̈x 'ic stac' sq'uex wan eb', 'ix satl eb' 'icha tz'aj stup sc'a'l junc cantil.

Jeremías 50:37

Milc cham eb' soldado to tz'ib'x yuj xiwlal. Milc cham no chej to'jnac caruaje. Milc cham eb' soldado manb'il coti, atn eb' 'ayc' 'a scal eb', lajn xoj cab' tz'ajcn eb' 'icha eb' 'ix 'ix. 'Ijc 'at sricoal eb', 'elc'x cab' 'ati.

Ez 39:20

'Oj lajwc cha, ax wa'n b'o jun niwn wa'el. 'Oj wac' b'o schib'jal e no schej, yet' schib'jal eb' soldado 'ay q'ue 'a yib'n̈ no', yet' pax yic eb' syajlil jun tzo'n̈ xo chon̈ab', sec 'oj wa e no si'mb'il, caw 'oj b'ut'joc e no'. An Jehová in, an tzwala.

Miqueas 5:10

A Jehová a tzaln 'ixtc 'ayx ex wit israelal: A 'a yic jun c'ul cha, 'oj in mil cham e chej, ax wa'n lajwc 'ejm e caruaje yic owal.

Nahúm 2:13

A Jehová tztac' yuj smasnil, a tzaln 'ixtic: 'Ayn 'och wal 'ajc'ojlal 'ayx ex 'aj Nínive. 'Oj wac' n̈usxoc jun tzo'n̈ e caruaje yic owal, ax wa'n can 'och tab'il. 'Oj in mil cham smasnil eb' e soldado, ax in satn can 'el smasnil tas 'elc'b'il cot eyu'uj. Man̈x 'a 'aj ow 'oj yutc paxtinc sb'a eb' e checab', xchi Dios.

Hageo 2:22

'Oj wac' lajwc 'ejm yip smasnil jun tzo'n̈ nacion̈ 'ay 'a yolyib'n̈q'uinl tic, ax in juln 'ejm can yopiso eb' 'a sat lu'um. 'Oj wac' pil'chjoc smasnil caruaje yic owal, yet' jantcn̈ej eb' 'aych 'a yojol. 'Oj cham no chej yet' eb' soldado 'ay q'ue 'a yib'n̈ no', junjn eb' mun 'oj stzu' cham sb'a eb' yet' eb' ajun yet'oc.

Zacarías 10:5

'Oj ste'cn 'ejm eb' smasnil eb' 'ajc'ojl yajch 'a 'a, 'icha tzyutj eb' soldado ste'n chan̈ b'i'ch 'a yol caye. 'Oj yac' ganar eb' owal, yujto 'ayn 'och yet' eb'. A eb' soldado 'ay q'ue 'a yib'n̈ chej, 'oj can eb' 'a yaln̈ yuj eb'.

Zacarías 12:4

A 'a yic jun c'ul cha, an Jehová in, an 'oj in xib'tc smasnil schej eb' 'ajc'ojl cha, 'icha 'owya 'oj wutc can eb' soldado 'ay q'ue 'a yib'n̈ no'. Caw 'oj in tan̈wc eb' yin̈tl Judá, ax smasnil schej jun tzo'n̈ nacion̈ cha, man̈x 'oj stac' yiln e no'.

Apoc 19:18

Yic tzwul e chinc schib'jal eb' rey, yet' eb' scapitan̈il 'a eb' soldado, yet' eb' niwc winac. Tze chin schib'jal e no chej. Tze chin pax schib'jal eb' 'ay q'ue 'a yib'n̈ e no'. Toxn̈ej eb' mun yic sb'a, toxn̈ej eb' moso man̈ yico'oc sb'a, wach'xam eb' may yel'chi, wach'xam eb' niwn yel'chi, 'oj e chin̈j schib'jal eb' smasnil, xchi 'a e no'.