Jeremías 51:20 - Chuj San Sebastian Bible

²⁰ 'Ix yaln Dios 'ixtic: A Babilonia 'icha to in niwquil martillo yaji, in yamc'ab' yic owal, yic xin satl jun tzo'n̈ nacion̈ yet'oc, yet' jun tzo'n̈ eb' 'aych reyal.

Chuj San Mateo Bible

²⁰ Ix yalan Jehová icha tic: A Babilonia icha in nivan mac'lab' q'ueen yaji, icha pax in yamc'ab' yic oval yaji. A yed'oc ix vac' ac'joc ganar juntzan̈ nación yed' sreyal.

Jeremías 51:20 ပူးပေါင်းရင်းမြစ်များ

Is 10:15

'Iltec nab'an, ¿tom a junc ch'acb' 'ec'b'al yel'ch 'a yib'n̈ mach tzc'anlb'ani? ¿Tom a junc serrucho 'ec'b'al yel'ch 'a yib'n̈ mach tzmunlj yet'oc? A junc c'ococh, nab'a ten̈ej, ¿tom a te tz'a'n 'ib'xc junc 'anma tzc'anlb'an cha?

Is 10:5

'Ix yal Dios 'ixtic: A win sreyl Asiria, a win tzin c'anlb'ej yet' yowl in c'ojol, 'icha to in c'occh yaji, a tzwac' 'a'nc 'och eyailal.

Is 13:5

Atn eb' xlaj cot 'a jun tzo'n̈ nacion̈ 'a najat, 'a 'aj tzlajw c'och sti lum lum tic. 'Icha to syamc'ab' Jehová yaj eb' yuj 'a owal, sec a eb' tzsatn 'el smasnil tas 'ay 'a sat lum lum tic yuj yowl sc'ojol.

Is 37:26

¿Tom may 'aj 'ix ab' yalxi to an ton Jehová in? Wujn̈ej tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Is 45:1

A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic:

Is 8:9

Ex nacion̈, yamc e b'a yic tzex cot 'a owal, palta toxn to 'oj e satli; ex nacion̈ 'ay 'a najat, 'ab'tec wali, nab'a cob' tzeyij cot eyamc'ab' yic owal, toxn to 'oj e lajw 'eli.

Jeremías 25:11

Smasnil jun nacion̈ tic, 'oj lajwc 'ejmi, choc' 'oj 'ajcni. A jun nacion̈ tic, yet' jun tzo'n̈ xo nacion̈ cajn 'a stz'ey, 70 ab'il 'oj 'ochcn eb' 'a yaln̈ schecnb'il win sreyl Babilonia.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 50:23

A Babilonia, mac'b'il poj smasnil yolyib'n̈q'uinl yu'uj. Ax ticnec, a 'oj ma'xoc pojoc, choc' 'oj 'ajcni. Caw tu 'oj yab' smasnil eb' nacion̈ yic 'oj yilnc 'och eb' yuj tas 'oj 'ajcn Babilonia cha.

Ez 21:11

A jun espada cha, caw wal tzictzni x'aj sb'o'i, caw jay pax ye, lista xo yaji yic tz'ajx 'a yol sc'ab' jun 'oj milwjoc cha, xchi Dios, xa chi 'a eb'.

Ez 21:31

'Icha wal stz'a junc tas yuj c'ac', 'ixta 'oj wutc wi'n 'el yowl in c'ojl 'a eyib'an̈. 'Oj ex wac' 'a yol sc'ab' eb' 'anma maysch'olnil, atn eb' milm 'anma'.

Miqueas 4:12

Palta a jun tzo'n̈ nacion̈ cha, man̈ yojcoc eb' tas nab'il yuj Jehová. Man̈ yojcoc eb' toto 'oj e molb'tzax yu'uj, 'icha wal tz'aj smolb'tzax 'ixm trigo 'a junc 'amac', 'ixta 'oj ex yutoc.

Miqueas 4:13

Ex 'aj Sión, q'uen̈ec wa'an, te'c 'ejm jun tzo'n̈ nacion̈ cha, yujto tzyal Jehová 'ixtic: An 'oj wac' eyip e te'n 'ejm jun tzo'n̈ nacion̈ cha, 'icha junc no quelm wacx nab'a hierro sch'a'ac, nab'a pax bronce yech to te'm trigo. Ax eyi'n can 'ec' sricoal jun tzo'n̈ nacion̈ ya'jnac ganar 'a spatc maysch'olnil, ax eya'n 'ayn an Jehová in tic, an tic Yajl waj 'a smasnil yolyib'n̈q'uinal, xchi Dios.

Nahúm 2:1

Ex soldado 'aj Nínive, wan scot jun mach 'oj satn 'el e chon̈ab'. Q'uen̈ec 'a sjolm e cuartel. Macwjan̈ec. Jalc 'och eyespada 'a e nan̈al. Molb'tzej e b'a e masnil.

Zacarías 10:4

A 'a scal eb' chi 'oj 'eltc jun q'uen q'uen to niwn yel'chi, yet' jun 'istaca yic Mantiado, yet' pax jul-lab' yic owal. Tzyal 'el'chi, a 'a scal eb' chi 'oj 'eltc smasnil eb' yajl 'oj jucb'tzanc eb'.

Mt 22:7

Ax win rey cha, caw xcot yowl winac. Yuj cha, 'ix checn 'at win jun tzo'n̈ eb' soldado 'at smil cham eb', ax jun schon̈b' eb' cha, 'ix n̈usx can tz'a'oc.