Jeremías 50:43 - Chuj San Sebastian Bible

⁴³ A wal yic 'oj yab'nc sreyl Babilonia yab'xil jun tic, caw 'oj sicb'oc 'el sc'ab' yuj xiwc'ojlal, caw 'oj 'och 'a somc'ojlal yet' 'a yailal, 'icha wal junc 'ix 'ix wan yalj yune'.

Chuj San Mateo Bible

⁴³ Ayic ol yab'an jun ab'ix tic vin̈ sreyal Babilonia chi', ol sicb'oquel vin̈ yuj xivelal. Ol te ochcan vin̈ d'a ilc'olal yed' d'a yaelal, icha junoc ix ix van yalji yune'.

Jeremías 50:43 ပူးပေါင်းရင်းမြစ်များ

Jeremías 30:6

¿Tom 'ay 'aj tz'alj 'unn 'a eb' winac? ¿Tas yuj toxn̈ej la'n 'och sc'ab' eb' winc chi 'a sc'ojol, 'icha to 'oj 'aljoc 'el junc 'unn 'a eb'? ¿Tas yuj caw tzsacb' 'el sat eb' xiw smasnil?

Jeremías 49:22

A eb' 'ajc'ojl cha, caw yajn̈ej ax sc'och eb' yac' owl 'a chon̈b' Bosra, 'icha sc'och jen̈n̈oc junc no c'uc'um. A wal 'a jun c'u cha, a eb' soldado 'aj Edom, caw 'oj 'ib'xoc eb' yuj xiwlal 'icha junc 'ix 'ix wan yalj yune', xchi Dios.

Jeremías 49:24

A eb' 'aj Damasco, caw man̈x 'a yip eb', wan snan eb' to 'oj 'at eb' 'eloc. Cojxn̈ej xiwc'ojlal, b'ilc'ojlal, yet' yailal 'ay 'a scal eb', 'icha junc 'ix 'ix wan yalj yune'.

Jeremías 51:31

Tzoltzni 'oj jawc eb' checb' wul yal 'a win sreyl Babilonia chajtlto wan yejm schon̈b' chi 'a jun 'ejmn̈ej.

Jeremías 6:24

A eb' 'anma 'a Jerusalén, tzyal eb' 'ixtic: Tox 'ix cab' jun 'ab'x cha, caw wal tz'el quip yuj xiwc'ojlal, on̈ 'och 'a cusc'ojlal cab'n syail, 'icha wal yab'n junc 'ix 'ix syail 'a yic tz'alj yune'.