Jeremías 50:42 - Chuj San Sebastian Bible

⁴² Yet' eb' sjul-lab', yet' eb' slanza. Yel xo wal caw ow eb', matz 'o'ch xon jac sc'ojl eb'. Lajn yel yaw eb' 'icha sc'an̈ a mar, 'ay q'ue eb' 'a yib'n̈ chej. Lista xo yaj eb' scot wul yac' owl 'a Babilonia.

Chuj San Mateo Bible

⁴² Yed'nac sjul-lab' eb' yed' slanza. Yelxo val te ov eb', man̈xa jab'oc yoq'uelc'olal eb'. Lajan val yel yav eb' icha sc'an̈ a' mar, ayq'ue eb' d'a yib'an̈ chej. Listaxo yaj eb' yic sjavi eb' yac' oval d'a Babilonia chi'.

Jeremías 50:42 ပူးပေါင်းရင်းမြစ်များ

Salmos 46:6

'Oj 'el yaw jun tzo'n̈ niwc nacion̈ yuj owal, ax laj yib'x chan̈ eb' 'aych yajlil, ax yulb'x pax 'ejm lum lum tic, yic 'oj 'ab'xoc spaxtin Dios.

Salmos 74:20

Na cot a trato a'jnac quet' on̈, yujto a 'a smasnil qui chon̈b' on̈, 'ayn̈j yet'l eb' tzb'on maysch'olnil.

Is 14:6

atn win tz'a'n 'och syailal eb' nacion̈ yet' yowl sc'ojol. Toxn matz 'och wan win yixtn eb' 'anma', 'oltac wal tz'ec' eb' 'anma yuj yowl sc'ojl winac, toxn matz 'och wan win spechn b'eyc'oc eb'.

Is 47:1

Tzyal Dios 'ixtc 'a Babilonia: 'Emn̈ta 'a a despacho, 'emn̈ wocn 'a scal pococ. Yujto a 'a yic pecti', lajn wal elx 'icha junc 'ix cob's mant 'a yichmil. Ax ticnec, man̈x 'oj alxoc 'aych 'ixtic: 'Ix cob's 'unn ya'ilb'il.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Is 5:28

A eb' soldado cha, caw jay yaj sn̈icn eb' ye sjul-lab', jalb'ilx teln sjul-lab' eb' chi yu'uj. A yech no schej eb' cha, lajn wal yilx 'icha q'uen suy q'ue'en, ax scaruaje eb', caw jeln sb'ey 'icha chacxuxm'ic'.

Is 5:30

A 'a jun c'ul cha, a jun nacion̈ cha, 'oj 'el yaw sjaw 'a spatiquil 'el qui chon̈b'ec tic, lajn wal 'oj c'an̈ 'icha a mar. A mach 'oj 'at q'ueln 'a jun chon̈b' cha, 'oj yil jun yailal cha, 'icha to 'oj 'och q'uic'q'uinl 'a yib'an̈, ax stup sacq'uinal, caw q'uic'q'uinl 'oj 'ajcn smasnil.

Jeremías 30:14

Smasnil eb' 'ay cob' schamc'ojlal 'ayex, ex 'atcn 'a satc'ojlal yuj eb'. Man̈xtzac ex sna eb' jab'oc. An wal 'ix wac' eyailal si'mb'il, 'icha 'ajc'ojl wajch 'ayex, yujto niwn maysch'olnilal xe b'o'o, caw man̈x b'ischjb'enoc e mul cha.

Jeremías 47:3

A wal yic 'oj yab'nc eb' sc'an̈ ste'n 'ejm no chej yoc, yet' 'a yic 'oj yab'nc pax eb' sc'an̈ scot caruaje, caw 'oj pax yip eb'. A eb' mamb'il yet' eb' nunb'il, 'oj yactc can eb' yunnal.

Jeremías 50:14

Smasnil eb' 'et'jnac sjul-lab', 'och cab' oyn eb' 'a Babilonia. Julwj cab' eb' 'a 'a, man̈ 'och wan cab' sjulxi, yujto x'och smul 'ayn an Jehová in.

Jeremías 50:9

Yujto 'oj wi' cot jun b'uln̈ eb' chon̈b' 'ay 'a stojlal norte, yic tzwul ya'nc eb' owl yet' Babilonia. Caw jun jit'n̈ 'oj yutc sb'a eb', 'oj 'ejmc yuj eb', yujto caw jeln eb' ya'n owal. A yic 'oj julwjc eb', may junc sjul-lab' eb' chi ton̈j 'oj 'ec'oc.

Jeremías 51:27

Ch'oxc chan̈ jun senya yic owl 'a Babilonia. 'Utz'jec q'uen trompeta, sec tzjaw smasnil nacion̈ yac' owl 'a 'a. Cot cab' eb' 'aj Ararat, yet' eb' 'aj Mini, yet' pax eb' 'aj Askenaz yac' owl yet'oc. Si'c 'och junc general tzjucb'tzan eb' soldado 'a owal. 'At cab' no chej 'a owal, niwn cab' no 'icha no c'ulb' man̈x jantcoc sb'isul.

Jeremías 8:16

¡Wan sjaw eb' 'ajc'ojl 'ayn̈ec! ¡Checl xo sjormj yol sn̈i schej eb' 'a chon̈b' Dan! A yic tz'oc' no', caw tz'ib'x lum lum tic yuj no'. Caw tzjaw eb' wul satl jun qui nacion̈ec tic yet' smasnil tas 'ay 'a 'a, yet' jun qui chon̈b'ec tic, yet' pax qui masnil an̈ cajn on̈c 'a 'a, 'oj xchic eb'.

Ez 26:3

Yuj cha, an Jehová Yajl in, an tzwal 'ixtic: Ach Tiro, a ticnec tox in 'och 'ajc'ojlal 'ayach. An tzwala ax yoch pax jun tzo'n̈ xo nacion̈ 'ajc'ojlal 'ayach, 'oj cot eb' 'aych 'icha sq'ue wan b'alb'noc yib'n̈ a mar yuj 'ic'.

Jl 2:5

'Icha sc'an̈ sb'ey jun tzo'n̈ caruaje tz'at 'a owal, mto 'icha sc'an̈ te tacn̈ xilte' yic tz'a te yuj c'ac', 'ixta wal sc'an̈ scot no 'a lum jolmctac witz. 'Icha pax jun b'ulc eb' soldado to caw 'ay yip, latz'tz'i s'at eb' 'a owal, 'ixta wal no'.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.