Jeremías 50:37 - Chuj San Sebastian Bible

³⁷ Milc cham eb' soldado to tz'ib'x yuj xiwlal. Milc cham no chej to'jnac caruaje. Milc cham eb' soldado manb'il coti, atn eb' 'ayc' 'a scal eb', lajn xoj cab' tz'ajcn eb' 'icha eb' 'ix 'ix. 'Ijc 'at sricoal eb', 'elc'x cab' 'ati.

Chuj San Mateo Bible

³⁷ Mileccham eb' soldado sluclon yuj xivelal. Mileccham noc' chej toc'jinac carruaje. Mileccham eb' soldado manb'ilcot ayec' d'a scal eb', lajanocab' tz'ajcan eb' icha eb' ix ix. Ochan̈ec b'aj ay sb'eyumal eb', tzeyelc'anb'ati.

Jeremías 50:37 ပူးပေါင်းရင်းမြစ်များ

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Salmos 76:6

A wal yic x'el aw a xib'tn eb', caw wal man̈x 'ic stac' xon yib'x jac scaruaje eb', yet' pax schej eb'.

Is 19:16

A 'a jun tiempoal cha, smasnil eb' 'aj Egipto lajn xoj 'oj yutc sb'a eb' 'icha eb' 'ix 'ix. Caw 'oj 'ib'xoc chan̈ eb' yuj xiwlal yic 'oj yilnc eb' sjaw syailal yuj Jehová tztac' yuj smasnil.

Is 45:3

Ax ricoal to c'ub'b'il 'eli yet' tas to c'ultac yaji, 'oj wac' 'ayach, sec wach' tzojquej 'eli to an ton Jehová in, sDiosal in chon̈b' Israel, an ach wawtej.

Jeremías 25:20

yet' junjn macn̈ eb' 'anma 'ayc' ta'. 'Ix wa'n pax yuc' smasnil eb' rey 'ay 'a chon̈b' Uz, yet' eb' 'ay 'a yol smacb'en eb' filisteo: atn Ascalón, Gaza, Ecrón yet' eb' 'ayt can pax 'a Asdod.

Jeremías 25:24

Yet' smasnil eb' rey 'ay 'a chon̈b' Arabía atn junjn macn̈ eb' 'anma 'ay 'a cusltac lu'um.

Jeremías 48:41

A wal jun tzo'n̈ chon̈b' wach' cob' yajch smuroal, caw 'oj 'ejmc yuj eb' 'ajc'ojol. A wal 'a yic jun c'ul cha, a eb' soldado Moab, toxn̈ej 'oj xiwcn chan̈ eb' 'icha junc 'ix 'ix wan yalj yune'.

Jeremías 50:10

An Jehová in, an tzwala, a tas 'ay 'a eb' 'aj Babilonia cha, 'oj 'elc'xoc 'at yuj eb'. 'Oj yelc' 'at eb' smasnil tas tznib'ej.

Jeremías 50:26

Tzanxn̈ej cab' 'aj tzex 'och eyac' owl yet' eb', jacc yet'l 'aj molb'il tas tzc'ux eb'. Molb'tzejc tastc 'ay 'a eb', tzlajw cha, tze satn can 'eli. Man̈x 'a jac tas tzcani.

Jeremías 51:21

Xin mil cham no chej yet'oc, yet' eb' 'ay q'ue 'a yib'n̈ no', yet' jun tzo'n̈ caruaje, yet' pax eb' 'aych 'a yojol.

Jeremías 51:22

Xin mil cham eb' winc yet'oc, eb' 'ix 'ix, eb' 'icham, eb' quelem, yet' eb' 'ix cob'stac 'ix.

Jeremías 51:30

A eb' soldado yic Babilonia, man̈x 'a tas 'oj yal eb'. Toxn̈ej 'oj smacn 'och sb'a eb' 'a yol scuartel. Man̈x 'a yip eb', lajn xoj 'oj 'ajcn eb' 'icha eb' 'ix 'ix. Ax 'oj yilnc cot eb', wan xo slan̈chj 'ejm schon̈b' eb', wan sn̈usx can pax yatut eb'.

Jeremías 51:4

'Oj can t'ocn eb' 'aj Babilonia 'aj 'oj lajwc eb', 'oj cham eb' 'a yoltc scayeal schon̈ab'.

Ez 30:5

A 'a jun owl cha, 'oj cham eb' soldado tojb'il cotnc 'a Etiopía, Libia, Lidia, smasnil eb' chon̈b' yic Arabia, Cub, yet' jun chon̈b' 'ay strato yet'oc.

Ez 39:20

'Oj lajwc cha, ax wa'n b'o jun niwn wa'el. 'Oj wac' b'o schib'jal e no schej, yet' schib'jal eb' soldado 'ay q'ue 'a yib'n̈ no', yet' pax yic eb' syajlil jun tzo'n̈ xo chon̈ab', sec 'oj wa e no si'mb'il, caw 'oj b'ut'joc e no'. An Jehová in, an tzwala.

Nahúm 2:13

A Jehová tztac' yuj smasnil, a tzaln 'ixtic: 'Ayn 'och wal 'ajc'ojlal 'ayx ex 'aj Nínive. 'Oj wac' n̈usxoc jun tzo'n̈ e caruaje yic owal, ax wa'n can 'och tab'il. 'Oj in mil cham smasnil eb' e soldado, ax in satn can 'el smasnil tas 'elc'b'il cot eyu'uj. Man̈x 'a 'aj ow 'oj yutc paxtinc sb'a eb' e checab', xchi Dios.

Nahúm 3:13

A eb' e soldado, caw lajn xoj eb' 'icha eb' 'ix 'ix. A spuertail e chon̈ab', jacn xo 'a eb' 'ajc'ojol, xlajw stz'a 'ejm jun tzo'n̈ 'aych smacloc e chon̈b' cha.

Hageo 2:22

'Oj wac' lajwc 'ejm yip smasnil jun tzo'n̈ nacion̈ 'ay 'a yolyib'n̈q'uinl tic, ax in juln 'ejm can yopiso eb' 'a sat lu'um. 'Oj wac' pil'chjoc smasnil caruaje yic owal, yet' jantcn̈ej eb' 'aych 'a yojol. 'Oj cham no chej yet' eb' soldado 'ay q'ue 'a yib'n̈ no', junjn eb' mun 'oj stzu' cham sb'a eb' yet' eb' ajun yet'oc.