Jeremías 50:33 - Chuj San Sebastian Bible

³³ A Jehová tztac' yuj smasnil, a tzaln 'ixtic: A eb' 'aj chon̈b' Israel, yet' eb' 'aj Judá, wan yab'n eb' syal yuj tas tz'aj yixtx ticnec. 'Aych eb' 'a preso yuj eb' 'ajc'ojl yajch 'a 'a, matz 'actx 'el eb' yuj eb'.

Chuj San Mateo Bible

³³ A Jehová Yajal d'a Smasanil tz'alan icha tic: A eb' aj Israel yed' eb' aj Judá, van yab'an syail eb' b'aj tz'ixtaj ticnaic. Ayoch eb' d'a yol sc'ab' eb' ajc'ool, man̈ val jab'oc tz'actajel eb' yuj eb'.

Jeremías 50:33 ပူးပေါင်းရင်းမြစ်များ

Ex 5:2

'Ix ta'w win rey chi 'a eb' 'ixtic: —¿Mach jun Jehová tzeyal cha? Alc jac wab'i', sec 'oj in yiclc tas 'oj yala', ax ex in chan 'ati. An tic man̈ wojcoc xon jun Jehová tzeyal cha. Yuj cha, toc 'ayx wan ex in chan 'ati, xchi winac.

Ex 8:2

Toto matz a chaj 'at eb', 'oj wa'ch yailal 'a eb'an̈, 'oj wac' pitzwc e no pajtza 'a yol smasnil a nacion̈ tic.

Is 14:17

Sictac x'ajcn yolyib'n̈q'uinl yu'uj, cusltac xoj x'ajcn smasnil chon̈ab', may junc eb' 'aych 'a preso 'ix schaj 'elta, 'oj schic eb'.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Is 51:23

Ata 'oj wa'x 'a eb' tzlaj ex 'ixtn cha, atn eb' xlaj aln 'ayx 'ixtic: E'n̈ec teln 'a sat lum tic, ax qui b'atj 'ec' 'a eyib'n̈ on̈, xchi eb' 'ayex; ex 'ec' teln 'a sat lum cha, ex ste'wtan̈n eb' 'icha pococ, xchi Dios.

Is 58:6

Palta an tzwal 'ixtc 'ayex: A jun e c'ajb'c'ojlal cha, man̈ 'ichcta stzolil. A jun caw yel to c'ajb'c'ojlal, yaj stzol-l tic: Colc 'elt eb' 'anma 'a yol sc'ab' eb' tu snab'en, man̈x eyixtc eb' 'anma tzmunlj 'ayex; 'a'c 'el eb' tz'ixtx chi 'a libre, man̈x eyixtc eb'.

Jeremías 30:20

Ax israel ex tic, 'icha xon wal eyaj 'a yic yaln̈taxi, 'ixta wal 'oj eyaj jun 'ejm xo. Caw wal 'ay yip 'oj 'ajx can jun e chon̈b' chi 'a wojltac, ax wa'n 'och yailal 'a yib'n̈ smasnil eb' tzex 'ixtni.

Jeremías 50:7

Ax yic tzchan sb'a e no yet' junc 'ajc'ojl yajch 'a 'a, tzmilx cham e no yu'uj. 'Ixtnta pax yaj eb' in chon̈ab', tzyaln eb' 'ajc'ojl chi yuj eb' 'ixtic: An̈ tic, matz 'och jun tic qui muloc, yujto a eb' x'och smul 'a Jehová, atn jun tz'a'n tas tzc'ux eb', jun ya'jnac 'och eb' smam yichm eb' yipc sc'ojol, 'oj schic eb'.