Jeremías 50:32 - Chuj San Sebastian Bible

³² Ex 'anma to cob' tzeyij chan̈ e b'a, 'oj e telwi. Man̈x 'a mach 'oj e si'n cha'an̈. 'Oj in n̈us smasnil e chon̈ab', ax jun c'ac' chi 'oj n̈usnc smasnil tas 'ay 'a spatquil 'eli, xchi Dios.

Chuj San Mateo Bible

³² Ex anima tzeyic'chan̈ e b'a, ol ex ac'joc ganar. Man̈xa mach ol ex ic'anchaan̈. Ol vac'och sc'ac'al masanil e chon̈ab' chi'. Ol lajvoquel masanil spatictac yuj jun c'ac' chi', xchi Jehová.

Jeremías 50:32 ပူးပေါင်းရင်းမြစ်များ

Salmos 119:78

'El cab' sq'uixwel eb' b'an̈quintac, yujto tzin sb'uch eb' 'a nab'an̈ej, an xo tic, to a 'a checnb'il tzin nib'j in cuyu'.

Pr 16:18

Toto tzqui b'an̈c qui b'a, tzon̈ 'ijxec 'ejmi; toto tzquijec chan̈ qui b'a, 'oj quijxec 'ejm 'a slajub'.

Pr 18:12

A b'an̈quinal, tzon̈ yijec 'ejmi, ax 'emmquilal tzon̈ 'ijxec chan̈ yu'uj.

Jeremías 21:14

An Jehová in, an tzwala, to 'oj wa'ch yailal wal 'a eyib'an̈, 'icha wal tas smoj e chan yuj tas tz'el e b'oni. 'Oj wa'ch sc'a'l e despacho, ax smasnil tas 'ay 'a spatquil 'eli, 'oj tz'aoc, xchi Dios, xin chi 'a eb' schecb' win rey Sedequías cha.

Jeremías 49:27

'Oj in n̈uscn tz'a smuroal chon̈b' Damasco, ax jun c'ac' chi 'oj satnc 'el jun tzo'n̈ sdespacho Ben-adad, xchi Dios.

Jeremías 51:26

An Jehová in, an tzwala, to a smasnil q'uen q'uen 'oj 'eltoc 'a scal jun tzo'n̈ 'oj lan̈chjoc cha, man̈x 'a xon junc q'uen 'oj stac' sc'anx 'a junc xo n̈a tot 'oj b'o'oc. Caw cusltac 'oj 'ajcn Babilonia 'a jun 'ejmn̈ej.

Jeremías 51:64

tzaln 'ixtic: 'Ixtc wal 'oj 'aj yejm Babilonia. Man̈x 'a b'a'n̈ 'oj q'uex wan jun 'ejm xo, yuj jantc yailal 'oj jawc 'a yib'n̈ yuj Jehová, xa chi, xchi Jeremías. Atn 'a tic tzlajw can c'och spaxti Jeremías.

Dn 5:20

Palta caw spitj sb'a yet' sb'an̈quinal, yuj cha, x'ijx 'ec' yopiso 'a sreyal, yet' sb'inab'ilal.

Am 1:10

Yuj cha, 'oj wac' n̈usxoc tz'a chon̈b' Tiro cha, ax jun c'ac' chi 'oj satnc 'el jun tzo'n̈ scuartel eb', xchi.

Am 1:12

Yuj cha, 'oj wac' n̈usxoc tz'a chon̈b' Temán, ax jun c'ac' chi 'oj satnc 'el jun tzo'n̈ scuartel eb' 'aj Bosra, xchi.

Am 1:14

Yuj cha, 'oj wac' n̈usxoc tz'a smuroal chon̈b' Rabá, ax jun c'ac' chi 'oj satnc 'el scuartel eb'. Caw 'oj 'el yaw eb' yuj owal. A jun owl cha, 'icha wal junc niwquil 'ic', 'ixta 'oj 'aj sjawi.

Am 1:4

A ticnec, 'oj wac' n̈usxoc tz'a yatut eb' rey yin̈tl can Hazael. A jun c'ac' chi 'oj satnc 'el jun tzo'n̈ sdespacho win Ben-hadad.

Am 1:7

Yuj cha, 'oj wac' n̈usxoc tz'a smuroal Gaza cha. Ax jun c'ac' chi 'oj satnc 'el jun tzo'n̈ scuartel eb' soldado.

Am 2:2

Yuj cha, 'oj wac' n̈usxoc tz'a chon̈b' Moab, ax jun c'ac' chi 'oj satnc 'el jun tzo'n̈ cuartel 'a Queriot. 'A scal 'aw yic owal, yet' 'a yic wan yutz'x trompeta, ax scham eb' 'aj Moab.

Am 2:5

Yuj cha, 'oj wac' n̈usxoc tz'a Judá, ax jun c'ac' chi 'oj satnc 'el jun tzo'n̈ cuartel 'a Jerusalén, xchi Jehová.

Am 5:2

A qui chon̈b'ec tic, lajn wal 'icha junc 'ix cob's 'ix tzecx can telwoc. Man̈x 'a tz'aj sq'ue wa'an. Yujto x'actx can sch'ocoj, man̈x 'a mach tz'i'n chan̈ 'a sat lu'um.

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.