Jeremías 50:20 - Chuj San Sebastian Bible

²⁰ An Jehová in, an tzwala: To a 'a yic jun tiempoal cha, 'oj in col 'elt jaywn̈ocx eb' 'aj Israel, yet' eb' 'aj Judá. 'Oj wi'l smasnil smul eb', yuj cha, man̈x 'a 'aj 'oj 'ilchjoc, 'oj wac' sat smasnil smul eb' cha, xchi Dios.

Chuj San Mateo Bible

²⁰ A in val Jehová in svala': A d'a jun c'ual chi', ol in colel eb' aj Israel yed' eb' aj Judá d'a chucal sc'ulej, ol vac' lajvoc smul eb', man̈xa b'aj ol ilchajoc, ol vac' sat d'a juneln̈ej, xchi Jehová.

Jeremías 50:20 ပူးပေါင်းရင်းမြစ်များ

Salmos 103:12

Caw wal najt 'ix ya'cn 'at qui mulec yic 'ix yi'n 'el 'ayn̈ec, 'icha wal snajtil scal 'aj tzq'uel c'u yet' 'aj tz'ejm paxi, 'ixta 'aj x'at ya'cni.

Salmos 17:3

Ach tic Mamin, caw ojtac tas 'ayc' 'a in nab'en. 'A junjn 'ac'wal tzwul in a b'eyc'ojlani, tzin a'n prowal, palta may in mul tz'ilchj o'oj. May 'aj 'ix wal jun tzo'n̈ paxti to man̈ smojc walni.

Salmos 85:3

Yelc'ojlal 'ix ej 'och wan yowl a c'ojl 'a quib'n̈ on̈ yet' a c'a'lc'ojlal.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Is 10:21

A jaywn̈ocx eb' yin̈tl Jacob cha, 'oj meltzjoc can eb' 'a jun Dios to matz tac' yajx ganar.

Is 33:24

May junc mach cajn 'a Sión chi 'oj alnc 'ixtic: Ya 'ayn an tic, man̈ xchioc. A eb' cajn ta', 'oj 'ajxoc niwnc'ojlal smul eb'.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Jeremías 33:15

A wal yic 'oj jawc jun tiempoal cha, 'oj wa'ch junc yin̈tl David reyal, a 'oj 'i'nc chan̈ tojlal yet' wach'ilal 'a jun nacion̈ tic.

Jeremías 33:8

'Oj wi'cn 'el smaysch'olnilal eb'. 'Oj wa'cn lajwc smul eb' cha, yet' smasnil stenmtacl eb' 'ayin.

Jeremías 44:14

Ax 'aj Judá ex jawnacx cajn 'a Egipto tic, may wal jaywn̈oc ex 'oj e can 'a e pitznal. Wach'xam 'oj cob' e nib'c c'ochx cajn e b'a 'a Judá jun 'ejm xo, cojxn wal jayc'otc ex 'oj 'at e col e b'a ta', xchi Dios, xin chi 'a eb'.

Jeremías 50:4

'Ix yaln Jehová 'ixtic: A 'a yic b'aq'uin̈, a eb' 'aj Israel, yet' eb' 'aj Judá, caw 'oj 'oc' eb', ax ya'n 'och sb'a eb' 'a yol in c'ab'.

Lm 4:22

Ex 'aj chon̈b' Sión, 'ix 'el'ch smasnil yailal 'ix 'ajx 'och 'a eyib'an̈. Ma'oj eyajx 'at 'icha presoal 'a jun 'ejmn̈ej yuj Jehová. Ax xo ex 'aj Edom, yuj e maysch'olnilal ax ya'n cot Jehová yailal 'a eyib'an̈, 'ixta wal 'oj 'aj scheclj 'eli, to 'ay pax e mul, xchi winac.

Ez 18:22

Smasnil tas maysch'olnil xlaj sb'o', man̈x 'oj in na coti, 'oj wac' sq'uinal yujto tojl tas tzb'o'o.

Miqueas 7:19

'Oj 'o'ch a c'ojl 'ayn̈ jun 'ejm xo. A qui mul on̈, 'icha to 'oj a muccn 'ejm 'a yol lu'um. A qui maysch'olnilal on̈, 'icha to 'oj a julcn 'at 'a xab'l yich a mar.

Sofonías 3:12

Cojxn̈ej eb' 'anma tzyij 'ejm sb'a, eb' 'emmquilal yeq'ui, a eb' 'oj wac' cajnc in chon̈ab'. Cojxn̈ej 'ayn 'oj ya'ch eb' sc'ojol.

Zacarías 3:9

An tzwa'ch 'a yojltac Josué, jun q'uen q'uen to uque spac'b'il. An Jehová in, tztac' wuj smasnil, an 'oj in tz'ib'c 'och jun tzo'n̈ paxti tic 'a 'a. Junn̈j c'u 'oj wi'l smul eb' cajn 'a jun nacion̈ tic.

Nm 23:21

A 'a scal eb' israel, atn eb' yin̈tl Jacob, may cusc'ojlal yet' yailal tz'ilchj 'a scal eb', yujto a Jehová sDiosal eb'. A 'ayc'n̈ej yet' eb', a syajlil eb' yaji.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

A Tas Sc'ulejnac Eb' Schecab' Jesús Hechos 3:26

A yic xya'n Dios pitzwc pax Yunnal, a 'ayn̈ec 'ix sb'ab'l checj coti, sec tzon̈ colchjec, tzcactnec can qui maysch'olnil junjn on̈ec, xchi Pedro 'a eb' yit israelal cha.

Ro 11:6

Yuj wal swach'c'ojlal cha, si'n can 'el eb', man̈ yujoc junc tas tzb'o eb'. Q'uinloc yuj tas tzb'o eb', si'n 'el eb', to 'ixta', man̈ yujoc swach'c'ojlal Dios tzcolchj eb'.

Ro 5:16

A smul win Adán cha, caw man̈ lajnoc 'icha jun qui colnb'il tzyac' Dios. Yuj wal jun smul win cha, yajx can 'och yailal 'a yib'n̈ smasnil 'anma'. Palta a Dios tz'a'n qui colnb'ilec 'a nab'an̈ej, yujto wach'xam caw niwn qui mulc xlaj 'och 'a 'a, palta tzyala, to wach'n̈ec 'a sat ticnec.

Ro 6:13

Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

A Schab'il Carta San Pedro 3:15

Nachj cab' 'el eyu'uj, to a Cajlilec 'ayt sniwnc'ojlal. Mantzac jawi, sec 'ay eb' tzat laj colchji. Ax cu'tac Pablo, chamc'ojlb'il cujec, 'ixta xyutj stz'ib'n pax 'at 'ayx jun xo, yujto 'ixta yaj ya'n can Dios sjelnal.