Jeremías 50:15 - Chuj San Sebastian Bible

¹⁵ 'A'c 'el eyaw yic owl 'a smasnil spatquil 'el chon̈ab': Wan yejm Babilonia, wan stelw jun tzo'n̈ storreal, wan sma'x 'ejm lan̈chjoc smuroal, xe chi. An Jehová in tic, stiempoal xo in pacn in b'a 'a Babilonia. Pacc e b'a pax 'a ax tic, 'icha wal x'aj jun tzo'n̈ xo nacion̈ yu'uj, 'ixta wal pax tzeyutej.

Chuj San Mateo Bible

¹⁵ Aq'uequel eyav yic oval d'a masanil spatictac chon̈ab' chi': Vanxo yac'ji ganar Babilonia. Van yem lan̈naj yoyal, van yem vecnaj smuroal, xe chi. A in Jehová in tic, stiempoalxo in pacan in b'a d'a Babilonia chi'. Paquecpax e b'a a ex tic, icha val ix yutej juntzan̈xo nación, ichocab' val ta' tzeyutej paxi.

Jeremías 50:15 ပူးပေါင်းရင်းမြစ်များ

1 Cr 29:24

Ax smasnil eb' yajl yaji yet' eb' soldado, yet' pax jun tzo'n̈ xo eb' yunnal rey David, 'ix yac' eb' sti syiclni 'a rey Salomón.

2 Cr 30:8

Yuj cha, man̈ eyac' pitb'oc 'el e nab'en 'icha yutjnac sb'a eb' qui mam quichmec cha. 'A'c 'och e b'a 'a yol sc'ab' Jehová, jawn̈ec 'a yatut, atn jun sic'b'il 'el yuj 'a smasnil tiempo, tzeya'n servil Jehová qui Diosalec quet' on̈, ax yoch wan yowx 'ayex.

Salmos 149:7

sec a yet' 'oj ca'c qui pac 'a eb' chuc chon̈b'al, ax ca'nec can 'och syailal jun tzo'n̈ xo nacion̈.

Salmos 94:1

Mamin Jehová ch'oxl a b'a to Dios ach, ach tzac' spac tas maysch'olnil.

Is 59:17

A stojlal cha, 'icha smacl sn̈i sc'ojl eb' soldado tz'at 'a 'owal, 'ixta yajch 'a 'a, ax colnb'il tzyac' 'a eb' 'anma', 'icha q'uen xumpilin, 'ixta yaj q'ue 'a sjolom. 'Icha spichl eb' soldado yic owal, 'ixta yowl sc'ojl 'oj yac' spacc 'a eb' 'ajc'ojl tz'ixtn eb' 'anma cha.

Is 59:18

A Dios 'oj yac' spac yic junjn 'anma', a tzyala tas tz'el sb'oni: 'Oj ya'ch syailal eb' 'ajc'ojl yajch 'a 'a, eb' tzchichn 'och 'a 'a, yet' eb' nacion̈ cajn 'a sla'nil sti a mar. 'Oj yac' spac 'a eb', a tzyal tas xyutj eb' yi'n cot 'a yib'an̈.

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Is 63:4

Yujto xjaw 'a in nab'en, to tzin pac in b'a 'a eb' 'ajc'ojl yajch 'ayin, tzin coln can pax 'el eb' in chon̈ab'.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Jeremías 50:14

Smasnil eb' 'et'jnac sjul-lab', 'och cab' oyn eb' 'a Babilonia. Julwj cab' eb' 'a 'a, man̈ 'och wan cab' sjulxi, yujto x'och smul 'ayn an Jehová in.

Jeremías 50:25

'Ix in jac 'elt smasnil in yamc'ab' yic owl 'a yet'l 'aj molb'il wu'uj, yuj sch'oxn 'el yowl in c'ojol, yujto 'ay wal jun in munljel yowlal 'oj 'el'choc 'a schon̈b' eb' 'aj Babilonia.

Jeremías 50:44

'Oj in jaw 'icha wal junc no león tz'elt 'a swaymtacl sti a Jordán, wal 'a yajn̈ej tzq'ue'ch no 'a junc lum pan̈n 'a'lic 'aj wach' swa no calnelu, tzsactzic can 'at e no yuj no'. 'Ixta wal 'oj 'aj s'at eb' 'aj Babilonia chi 'elc wuj ta', ax jun mach sic'b'il 'el wu'uj, a 'oj wa'cn 'och yajlilc ta'. ¿Mach junc 'oj stac' slajb'tzan sb'a yip wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?

Jeremías 51:11

A Jehová 'ix 'a'n sb'o eb' sreyl chon̈b' Media jun cha, yujto nab'ilx xon yu'uj to 'oj satl Babilonia. 'Ixta wal 'oj yutc ya'n spac yuj tas 'ix 'aj yixtx 'el yatut yuj eb'. Tzalx 'a eb' soldado: 'A'c lista e jul-lab', 'a'c 'och tas tzmacn sat jul-lab' 'ayex.

Jeremías 51:14

A Jehová tztac' yuj smasnil, tox 'ix yac' sti 'ixtic: 'Oj wac' b'ut'joc 'el yol e nacion̈ tic yuj eb' soldado, 'icha no c'ulub', 'oj ya'l eb' yaw yuj ex ya'n ganar eb', xchi.

Jeremías 51:24

An Jehová in, an tzwala: Q'ueln ex wal 'ochi ax wa'n spac 'a Babilonia yet' 'a smasnil eb' cajn 'a 'a 'icha wal smoj schan eb', yuj jantc smaysch'olnilal eb' sb'o 'a Sión.

Jeremías 51:25

An Jehová in, an tzwala: An tic, 'ajc'ojl wajch 'a Babilonia. A jun cha, lajn wal 'icha junc niwquil witz tzsatn 'el smasnil sat lum lum tic. A yet' in poder ax in ma'n 'ejm lan̈chjoc, sactzicnac 'oj 'atcn 'a sat pac'an. Yuj cha, a Babilonia cha, lajn 'oj 'ajcn 'icha junc witz tz'anac.

Jeremías 51:30

A eb' soldado yic Babilonia, man̈x 'a tas 'oj yal eb'. Toxn̈ej 'oj smacn 'och sb'a eb' 'a yol scuartel. Man̈x 'a yip eb', lajn xoj 'oj 'ajcn eb' 'icha eb' 'ix 'ix. Ax 'oj yilnc cot eb', wan xo slan̈chj 'ejm schon̈b' eb', wan sn̈usx can pax yatut eb'.

Jeremías 51:36

Tzyal Jehová 'ixtc 'a eb' 'aj Jerusalén: An 'oj in b'eyc'ojlwi 'a stojlal, an 'oj wac' spac 'a eb' 'ajc'ojl yajch 'ayex. 'Oj wac' tup chan̈ a a tzb'eyi, yet' a spac'b'a 'ay 'a yol yic Babilonia.

Jeremías 51:44

'Ix yaln Dios 'ixtic: 'Oj wa'ch wal yailal 'a yib'n̈ Bel, atn sdiosal Babilonia. 'Oj wac' xejc q'uet tas b'uc'b'il 'ejm yu'uj, man̈x 'oj wul 'ilxoc yuj jun tzo'n̈ xo nacion̈. 'Oj lan̈chjoc 'ejm smuroal Babilonia cha.

Jeremías 51:58

An Jehová in, tztac' wuj smasnil, an tzwala: To a jun smuroal Babilonia caw wal pim yaji, 'oj lan̈chjoc can 'ejm 'a jun 'ejmn̈ej, yet' jun tzo'n̈ spuertail to caw wal niwac, c'uxn 'oj tz'aoc. Nab'an̈ej wal munljnac 'och jun tzo'n̈ nacion̈ 'a 'a. A jantc munljel 'aj c'unb'nac eb', ton̈j 'oj tz'aoc, xchi.

Jeremías 51:6

'Ixquec 'elc 'a Babilonia tic, sec ma'oj eyamchj c'och e cham yuj smul eb'. Atn wal yorail tic in pacn 'a eb' 'a 'icha wal tas smoj schan eb'.

Jeremías 51:64

tzaln 'ixtic: 'Ixtc wal 'oj 'aj yejm Babilonia. Man̈x 'a b'a'n̈ 'oj q'uex wan jun 'ejm xo, yuj jantc yailal 'oj jawc 'a yib'n̈ yuj Jehová, xa chi, xchi Jeremías. Atn 'a tic tzlajw can c'och spaxti Jeremías.

Lm 5:6

Xqui b'acht qui c'ab' 'a eb' 'aj Egipto, yet' 'a eb' 'aj Asiria, yuj qui chan jac tas tzqui c'ux 'a eb'.

Ez 17:18

Yujto ma'ix yac' 'el'choc win rey tas xyal yet' sti', 'ix yac' win 'es 'a strato, xcob' yala' to yiclum tzyutj sb'a. Yujn̈ej cha, ma'oj stac' xon scoln sb'a.

Ez 21:22

Ax 'oj 'ajoc, a 'a swach' c'ab', ata 'oj sch'ox jun sjul-lab' cha, to ata tz'at yac' owl 'a Jerusalén, yic tz'at smilnc eb' 'anma'. 'Oj ya'l yaw ax yoch owal. 'Oj sma'cn poj spuertail jun chon̈b' cha, ax yoch oyn eb' soldado 'a spatquil 'eli. 'Oj sb'o eb' sb'achte 'a spatquil smuroal cha.

Nahúm 1:2

A Jehová Dios toni, tzyac' spac yet' yowl sc'ojl 'a eb' tz'i'n 'ec' tas to smacl Jehová yaji. Tzpac sb'a pax 'a eb' tz'och 'ajc'ojlal 'a 'a, caw tzcot pax yowl 'a eb'.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

Lc 21:22

Yujto a wal 'a jun tiempoal cha, 'oj jawc jun niwn yailal yuj yowal sc'ojl Dios. Ata 'oj 'el'choc jantcn̈ej tas tz'ib'b'il can 'a Ch'an̈ U'un̈.

Ro 12:19

Ex chamc'ojlb'il wu'uj, caw wal matz tac' qui pacnec qui b'a 'a junc mach. Yowlal tzqui tan̈wjec, sec mun a Dios 'oj 'a'nc syailal. Yujto yaljnac can Dios 'ixtc 'a Ch'an̈ U'un̈: An 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi Cajlilec.

Ro 3:5

An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.

Dt 32:35

An 'ay waln wic wa'n 'och syailal eb', an 'oj wac' spac 'a eb', 'icha smoj schan eb'. 'Ay jun c'ual 'oj lajwc 'el eb', caw la'nxo yaj sc'ual yic 'oj lajwc 'el eb'. ¡Caw jab'xoj sc'och yorail schan eb' spac! xchi Dios.

Dt 32:41

A yic 'oj in n̈icnc ye wespada caw tzictzni yilxi, ax in yamn 'och in b'onyaj owal. 'Oj in pac in b'a 'a eb' 'ajc'ojl yajch 'ayin, ax wa'n syailal eb' tzchichn 'och 'ayin, 'a 'icha wal tas smoj schan eb'.

Dt 32:43

Ex nacion̈ tzaljan̈c yet' jun schon̈b' Dios tic, yujto 'oj spactzoc Jehová schamlil eb' schecab'. 'Oj yac' spac 'a eb' 'ajc'ojl yajch 'a eb', ax ya'n lajwc smul eb' schon̈b' cha, xchi Moisés.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Josué 6:20

A yic 'ix 'utz'x no cacha cha, 'ix 'el yaw smasnil eb' soldado. Yajn̈j wal cha 'ix cot lan̈n̈joc smuroal jun chon̈b' cha. Ax eb' soldado cha, 'ix 'at tza'njoc eb' 'a stojlal 'aj 'ayq'ui, 'ix 'och eb' 'a yol jun chon̈b' cha.

Josué 6:5

A yic tzeyab'ni to man̈xtzac 'och wan yoc' no cacha cha, caw 'ip tzex 'awj cha'an̈, ax scot lan̈njoc smuroal jun chon̈b' cha. Tzlajw cha, tzex 'at tza'njoc junjn ex 'a eyojltac, yic tzex 'och 'a yol chon̈b' cha, xchi.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.

Apoc 18:6

'Icha xyutj sb'a 'ix 'a jun tzo'n̈ eb', 'ixta tzeyutj eya'n spac 'a 'a. Cha'ejm tzeyutj eya'n spac 'a 'ix. A sb'al jun svaso 'ix xyac' 'a jun tzo'n̈ xo eb' cha, cha'ejm yel xo ow tzeyutj eya'n spac 'a 'a.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.

A Ch'an̈ B'ab'el Libro Samuel 15:33

'Ix yaln Samuel 'ixtc 'a winac: —Yuj q'uen espada, yuj cha, til wal 'ix 'ix cann̈c 'a to man̈x 'a yune'. 'Icha wal 'ajnc can eb' 'ix chi o'oj, 'ixta wal 'oj 'ajcn a nun 'a scal eb' 'ix yit 'ixal, xchi. Yajn̈j cha, 'ix scotc tzu'n 'at Samuel chi win Agag 'a yojltac Jehová 'a chon̈b' Gilgal.