Jeremías 50:11 - Chuj San Sebastian Bible

¹¹ Ax wal ax tic ex 'aj Babilonia, caw ex tzalji yic xeyelc'n 'at smasnil tas 'ay 'a eb' in chon̈ab'. Caw ex b'atj chan̈ 'icha junc no quelm wacx tzte'w trigo, tzeya'n 'el eyaw 'icha yoc' no chej.

Chuj San Mateo Bible

¹¹ A ex val tic ex aj Babilonia, ix ex tzalaj val ayic ix eyic'anb'at tastac ay d'a eb' in chon̈ab'. Ix ex q'ue val cheneljoc icha junoc noc' cob'es vacax stec'vi trigo. Ix el pax eyav icha noc' chej.

Jeremías 50:11 ပူးပေါင်းရင်းမြစ်များ

Salmos 22:12

Tox 'ix 'och oynjoc eb' 'ajc'ojl 'ayin, 'icha wal no wacx caw ow 'a yol yic lum Basán, 'ixta 'eb'.

Pr 17:5

Toto tzon̈ b'uchwjec 'a eb' meb'a', 'icha wal to a 'a Dios wan qui b'uchwjec, atn jun b'ojnac eb'. Toto tzon̈ tzaljec yic tz'och syailal junc xo mach, 'oj jawc pax yailal 'a quib'n̈ec.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Is 47:8

'Ab' tas 'oj wala', cojn wal tas caw wach' yilx tza nib'j 'ochi. Man̈ jantcoc sja'l aj 'elt wocn 'a a despacho, yuj cha, tzcob' a nanc 'ixtic: Cojn in toni, may junc xo mach lajn wet'oc, ma'oj in can 'a to man̈x 'a wichmil, ma'oj in can pax 'a to man̈x 'a wune', xa chi.

Jeremías 12:14

'Ix yaln Jehová yuj jun tzo'n̈ nacion̈ caw wal maysch'olnil cajn 'a stz'ey chon̈b' Israel, eb' x'i'n 'ec' lum lum xyac' Jehová smacloc eb' israel, atn eb' schon̈ab', 'ix yaln 'ixtic: An 'oj wi'l eb' 'a sat slu'um, 'icha 'ix wutj wi'n 'el eb' 'aj Judá.

Jeremías 46:20

A Egipto tic, a 'a stojlal norte tzcot jun 'ajc'ojl 'oj satnc 'eli, lajn wal 'icha junc no niwquil tzac' tzwul chinc no cob's wacx caw wach' yilxi.

Jeremías 46:21

A wal jun tzo'n̈ eb' soldado majnab'il coti, caw wal b'a'ch eb' 'icha no wacx caw b'aq'uech, palta locn eb' 'oj 'at 'eloc. Caw man̈x 'oj stac' ste'wtzan sb'a eb', yujto tzjaw sc'ul slajw 'el eb', tzc'och yorail sjaw syailal eb' 'a yib'an̈.

Jeremías 5:28

Caw b'a'ch eb' ya'n servil sb'a. Man̈x yalnb'ilc smaysch'olnilal eb'; matz b'o eb' yaj eb' meb'a 'unn chamnc smam, matz b'o eb' yaj eb' meb'a 'a stojlal.

Jeremías 5:8

Lajn eb' 'icha no man̈cron chej caw wach' tz'aj yajx servil, amancotn yeq'ui. Tzanxn̈ej eb' winc tz'och tza'n 'a spatquil yistzil yit wincal.

Jeremías 50:17

'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'.

Jeremías 50:27

Milc cham eb' soldado eb', man̈x 'a cab' e niwnc'ojlal 'a eb'. 'Oltac wal eb', caw 'ix jaw stiempoal schan eb' syailal, xchi Jehová.

Lm 1:21

A eb' 'anma', tzlaj yab' eb' yel caw yuj qui cusc'ojlal on̈, palta may mach tz'a'n sniwnal qui c'ojol. A smasnil eb' 'ajc'ojl yajch 'ayn̈ on̈, yojc xo eb' to 'aych qui yailal on̈. Caw wal tzalj eb' yuj yailal tza'ch 'a quib'n̈ tic on̈. Jaw cab' jun c'u alb'il can oj 'a pecti', sec lajn tz'aj eb' 'icha tzon̈ 'aj tic on̈.

Ez 35:15

Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.

Ez 36:5

Yuj cha, yet' wal yowl in c'ojol, tzwaln 'ixtc 'a yib'n̈ chon̈b' Edom yet' 'a yib'n̈ jun tzo'n̈ xo nacion̈, yujto caw xcob' tzaljoc jun tzo'n̈ nacion̈ chi smacn 'ec' lum in lum tic yico'oc, yuj schichnc'ojlal eb' xyi'n can 'ec' eb' lu'um, xchi Dios.

Os 10:11

A 'a yic yaln̈taxi, a eb' 'aj chon̈b' Efraín, lajn eb' 'icha junc no quelm wacx c'aync xo smunlji, yiclum xoj ste'w trigo, c'un xoj sto'x sti', man̈xtzac 'och te yugo 'a 'a. Palta ax ticnec, 'icha to 'oj wa'ch te yugo chi 'a sjolom, yic 'oj 'och wal 'a munljel. A eb' 'aj Judá, 'oj t'ocwc lum eb' yet' q'uen arado, ax nan̈l xo eb' yin̈tl Jacob, 'oj munljoc eb' yet' q'uen rastrillo.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Abdías 1:12

Caw man̈ smojc ex tzewji yic xeyiln tas x'aj eb' eyit chon̈b' cha, atn 'a yic jun c'ual 'ix jaw yailal 'a yib'n̈ eb' 'aj Judá. Caw man̈ smojc ex tzalji a yic xlajw 'el eb' 'a jun c'ul cha. Man̈ smojc ex b'uchwj 'a eb', yic 'aych eb' 'a syailal cha.

Habacuc 1:15

A eb' caldeo tz'i'n 'ec' jun tzo'n̈ xo nacion̈, lajn eb' 'icha tzyac' eb' yamn chay. A eb' yamn chay cha, tzyij q'uet eb' no chay chi yet' slucub', mto yet' schim, caw wal tzalj eb', yic tzyiln eb' tz'aj q'uet b'uln no'.

Zacarías 14:12

Palta ax jun tzo'n̈ nacion̈ 'oj yac' owl yet' Jerusalén, a Jehová a 'oj 'a'nc 'och syailal eb' si'mb'il. A eb' 'anma cha, 'ayc' eb' wal 'a spitznal ax sc'a schib'jal eb', 'oj c'a yol sat eb' 'a yol sb'aquil yet' yac' eb' 'a yol sti'.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.