Jeremías 49:28 - Chuj San Sebastian Bible

²⁸ Atn jun tzo'n̈ tic yaljnac can Jehová 'a yib'n̈ eb' 'ay 'a yol yic Cedar yet' 'a eb' yajl yaj 'a chon̈b' Hazor, atn eb' x'ejm yuj Nabucodonosor sreyl Babilonia: Ex 'aj Babilonia, 'ixquec, 'at 'a'c owl 'a chon̈b' Cedar, 'at satc 'el eb' 'anma cajn 'a stojlal 'aj tzq'uel c'u.

Chuj San Mateo Bible

²⁸ Icha tic ix yal Jehová d'a yib'an̈ eb' ay d'a yol smacb'en Cedar yed' d'a eb' yajalil chon̈ab' Hazor, aton juntzan̈ ix yac' ganar vin̈aj Nabucodonosor sreyal Babilonia, ix yalan icha tic: Ex aj Babilonia, ixiquec eyac' oval d'a Cedar. B'at satequel eb' anima cajan d'a stojolal b'aj sjavi c'u.

Jeremías 49:28 ပူးပေါင်းရင်းမြစ်များ

Gn 25:13

Atn stzol-l x'aj yalj eb' tic: Nebaiot, atn win b'ab'l winc cha; xlajw cha, x'alj Cedar, Adbeel, Mibsam, Misma, Duma, Massa, Hadar, Tema, Jetur, Nafis yet' Cedema.

Gn 25:6

Ax pax eb' yune jun tzo'n̈ xo eb' 'ix yistzil win Abraham cha, cojn siylab' xya'cn win 'a eb'. A yic pitznto winac, 'ix syamn 'och schecn can 'el ewin 'a stz'ey Isaac, 'ix checx can 'at eb' 'a lum lum 'ay 'a stojlal 'aj tzq'uel c'u.

1 Cr 1:29

Eb' yin̈tl Ismael cha: atn Nebaiot, sb'ab'l 'unnal, yet' Cedar, Abdeel, Mibsam, Misma, Duma, Massa, Hadad, Tema, Jetur, Nafis yet' Cedema. Atn jun tzo'n̈ eb' yunnal Ismael tic.

Salmos 120:5

An xo tic, caw 'oltaquin, ton̈j 'e'lb'a wec' jaye'oc c'u 'a lum Mésec, in can 'a scal eb' cajn 'ec' 'a lum Cedar.

Cantares 1:5

Ex 'ix 'aj Jerusalén, an tic q'uic' 'ixl wilxi, palta caw wach' wilx 'ochi. Q'uic' cab' wilx 'icha yilx smantiado eb' 'aj Cedar, palta wach' pax wilx 'icha te cortina 'aych 'a yol yatut Salomón.

Is 11:14

'Oj yi' chan̈ sb'a eb' schac'ajil, ax 'at ya'nc eb' owl yet' eb' filisteo 'ay 'a stojlal 'aj tz'em c'u. 'Oj 'em eb' filisteo chi yuj eb'. Ax smol 'i'n 'ec' eb' smasnil tas 'ay 'a eb' 'anma 'ay 'a stojlal 'aj tzq'uel c'u. 'Oj c'och yi'n 'ec' eb' lum lum chi 'a chon̈b' Edom yet' lum chon̈b' Moab, ax ya'n eb' yajlil 'a yib'n̈ eb' 'aj Amón.

Is 21:13

A jun tzo'n̈ tic alb'il can 'ixtc 'a yib'n̈ Arabia: Ex chon̈wjum 'aj Dedán, ex to tz'ec' 'ac'wl eyuj 'a calcte 'a Arabia:

Is 42:11

Tzalj cab' chan̈ eb' chon̈b' 'ay 'a lum cusltac lu'um, yet' eb' yin̈tl can win Cedar cajn 'a jun tzo'n̈ scamplamento. Eb' 'aj chon̈b' Sela, b'itn cab' eb' 'a tzaljc'ojlal, q'ue cab' yaw eb' sb'itn 'a lum jolmctac witz.

Jeremías 2:10

'Ixquec 'a chon̈b' Chipre 'ay 'a snan̈l a mar 'a stojlal 'aj tz'em c'u, tze maclni wal eyila'. Checc 'at e checb' 'a chon̈b' Cedar 'a stojlal 'aj tzq'uel c'u, yic tz'at yilnc eb', toto 'ayx 'ajtil ujnac 'icha wal jun tic.

Jeremías 25:23

'Ix wa'n 'a eb' yin̈tl Dedán, eb' yic Tema, eb' yic Buz; yet' smasnil eb' chon̈b' tzjoxn 'el xil sjolm 'a stz'eynb'il sjolom.

Jeremías 25:24

Yet' smasnil eb' rey 'ay 'a chon̈b' Arabía atn junjn macn̈ eb' 'anma 'ay 'a cusltac lu'um.

Jeremías 49:14

'Ix jaw jun 'ab'x 'ayn yuj Jehová: Wan schecn cot jun schecab', yic tzwul yalnc 'a eb' nacion̈ 'ixtic: Molb'tzejc e b'a, tzlajw cha, tzex 'at 'a Edom, 'a'c lista e b'a yic tzex 'at 'a owal, xchi.

Jeremías 49:33

A chon̈b' Hazor, 'oj can 'a cusltacl 'a smasnil tiempo, cojxn̈ej no 'ocs 'oj cajnoc. Man̈x 'a xon mach 'oj cajnoc, man̈x 'a pax junc mach 'oj b'eyc'oc ta', xchi Dios.

Ez 27:21

A smasnil eb' yajl yaj 'a chon̈b' Arabia yet' 'a chon̈b' Cedar, a tas xyac' eb' stojloc tas sman cha, atn no quelm calnelu, no mam calnelu yet' no mam chiwo.

Jueces 6:3

A yic tzyawn eb' israel yawb'en 'a 'aj 'ayc' cha, ax eb' madianita yet' eb' amalecita, yet' pax jun tzo'n̈ xo eb' cajn 'ec' 'a stojlal 'aj tzq'uel c'u, tz'at eb' 'at yac' owl yet' eb'.