Jeremías 48:38 - Chuj San Sebastian Bible

³⁸ A 'a smasnil span̈nil yib'n̈ n̈a 'a Moab, yet' 'a smasnil yoltc caye, cojxn cusc'ojlal tz'ab'xi, yujto caw an Jehová in, an tzwala, to 'ix in satl Moab, 'icha wal tz'aj sma'x poj junc lum chen man̈x 'a sch'olnil.

Chuj San Mateo Bible

³⁸ Masanil span̈anil yib'an̈tac pat d'a Moab yed' d'a yoltac calle, axon̈ej oq'uel yuj cusc'olal tz'ab'chaji, yujto a in Jehová in ix in mac' vecchaj Moab icha tz'aj smac'jipoj junoc lum chen malaj vach' yochi.

Jeremías 48:38 ပူးပေါင်းရင်းမြစ်များ

Salmos 2:9

'Oj ac' cuenta eb' chon̈b' yet' yowl a c'ojol, 'icha wal tz'aj spoj junc lum chen yuj junc q'uen c'ococh, 'ixta wal 'oj 'ajcn eb' o'oj, xchi 'ayin, xchi Yunnal Dios.

Is 15:3

A spichl eb' n̈achtac sat 'oj laj ya'chi, ax laj yec' eb' 'a yol caye yet'oc. 'Oj q'ue eb' 'anma chi 'a span̈nil yib'n̈ yatut, ax laj yoc' eb'. 'Oj laj 'oc' eb' 'a plas, toxn̈ej 'oj si'si'nc eb' yoq'ui.

Is 22:1

Yuj lum pan̈n 'aj tzch'oxx 'ilxoc jun tzo'n̈ tas 'a 'icha waychil, yuj cha, yalx can jun tzo'n̈ tic 'ixtic: Ex 'aj Jerusalén, ¿tas tzex 'i'ni, yuj cha, e masnil xoj tzex q'ue 'a yib'n̈ eyatut?

Is 30:14

'Oj e satx 'eli. Lajn 'oj eyaj 'icha junc niwquil xalu to tzma'x pojoc, man̈x 'a niwnc'ojlal 'a 'a. Caw choc' tz'aj spoji. A jun tzo'n̈ sc'axpil cha, man̈x 'a c'axpoc tztac' yoch lechlab'ilc a', man̈x 'a pax c'axpoc tztac' yi'n 'at stzac'ac' 'a yol cusnu, xchi Dios.

Jeremías 19:10

A yic tzlajw aln jun tzo'n̈ tic, tza ma'n poj lum ch'ub' chi 'a sat eb' 'anma ajun et' cha.

Jeremías 19:11

Tzlajw cha, tzaln 'ixtc 'a eb': A Jehová tztac' yuj smasnil a tzaln 'ixtic: 'Oj in satl jun chon̈b' tic 'icha tz'aj sma'x poj junc lum ch'ub' to man̈xtzac stac' sb'o jun 'ejm xo. A 'a lum Tofet tic, a tic 'oj e muc eb' chamnc 'anma', yujto man̈x 'a 'aj wach' 'oj e muc eb'.

Jeremías 22:28

Yuj cha, xin c'anb'n an Jeremías in tic 'ixtc yuj Jeconías: ¿Tom lajn xoj Jeconías tic 'icha junc lum jatl xalu, man̈x 'a jac yopiso, 'icha pax junc yamc'ab' to man̈x 'a mach tznib'ni? ¿Tas yuj tzjulx can 'at yet' eb' yunnal 'a junc lum lum to man̈ 'ojcab'ilc yuj eb'?

Jeremías 25:34

'El cab' eyaw yuj yailal ex yilmal chon̈ab'. 'E'n̈ec b'alb'noc 'a sat lu'um, yujto tox 'ix jaw sc'ul e milx chamoc. 'Oj e sactzic can 'ati. 'Oj eyajx ganar, ax e poj 'icha tz'aj spoj junc vaso to caw wach' yilxi.

Os 8:8

A chon̈b' Israel, 'oj lajwc 'ejmi. Man̈x xon jac yel'ch 'oj 'ajcn 'a sat jun tzo'n̈ xo nacion̈ 'aj sactzicnac yajcn 'ati.

Mt 10:27

A jun tzo'n̈ tas tzwal 'ayx 'a c'ultaquil, c'uxn tzeyal-l 'a eb' 'anma'. Yet' jun tzo'n̈ xo tas tzlaj in c'ultac alc 'a e chiquin, c'uxn tzlaj eyal-l 'a yoltc caye.

Apoc 2:27

'Icha yutjnac in Mam ya'n Wopiso an tic, 'ixta 'oj wutc wa'n yopiso eb'. Yuj cha, 'oj yac' eb' yajlil yet' junjn sq'uen c'ococh. Ax junjn nacion̈ cha, 'icha junc lum chen tzma'x pojoc, 'ixta 'oj 'aj yuj eb'.