Jeremías 48:34 - Chuj San Sebastian Bible

³⁴ A eb' 'anma 'aj Hesbón, caw tz'el yaw eb' yuj yailal. Tzc'och yel yaw eb' 'a Eleale yet' 'a Jahaza. Tzc'och pax yel yaw eb' 'a Zoar masnto 'a Horonaim, yet' pax 'a Eglat-selisiya, an̈jtona eb' a spac'b'a 'a Nimrim 'ix tup chan̈ eb' a'.

Chuj San Mateo Bible

³⁴ A eb' anima d'a Hesbón, tz'el yav eb' yuj yaelal. Chequelto yel yav eb' chi' d'a Eleale, d'a Jahaza. Sc'och yav eb' chi' d'a Zoar masanto d'a Horonaim yed' d'a Eglat-selisiya. Yujto toxo ix laj tup sjaj a a' d'a Nimrim.

Jeremías 48:34 ပူးပေါင်းရင်းမြစ်များ

Gn 13:10

'Ix 'at q'ueln Lot 'a jun niwquil span̈nil sti a Jordán masnto tzc'och 'a jun yune chon̈b' Zoar sb'i. Caw 'ay a a 'a jun niwquil pan̈n 'a'lic cha, lajn yilx 'icha Edén 'aj 'ay te 'awb'ente yic Jehová, mto 'icha yilx lum Egipto, 'ixta yilx xyil Lot. A yic 'ix sb'on win Abram strato yet' Lot cha, mantzac satl Sodoma yet' Gomorra yuj Jehová.

Gn 14:2

A chan̈wn̈ eb' rey tic, tzyac' eb' owl yet' own̈ xo eb' rey, atn eb' tic: Bera sreyl Sodoma, Birsa sreyl Gomorra, Sinab sreyl Adma, Semeber sreyl Zeboim, yet' sreyl Bela, atn jun chon̈b' chi tzcuch pax Zoar.

Jeremías 48:21

Tox 'ix jaw yailal alb'il can 'el 'a yib'n̈ jun tzo'n̈ chon̈b' 'ay 'a lum niwc pan̈n tic: atn Holón, Jahaza, Mefaat,

Jeremías 48:5

Til wal yoc' eb', caw tz'el yal sat eb' sq'ue 'a lum switzl Luhit. Ax eb' tz'ejm 'a Horonaim, caw tz'el yaw eb' yuj syal tas tzlaj uji.

Nm 32:3

—'Iltec wal lum lum macb'il yuj chon̈b' Atarot, Dibón, Jazer, Nimra, Hesbón, Eleale, Sebam, Nebo yet' Beón. Caw wal wach' swa no cajb'en noc' 'a lu'um. A Jehová x'i'n can 'ec' lu'um, yic tz'och lum quico'oc an̈ israel on̈c tic. 'In eyojc pax si'mb'il to cajm on̈ noc' an̈ tic on̈.

Dt 34:3

An̈jtona', tzcot lum 'a Négueb, masnto tzc'och lum 'a ya'lical sti a Jordán, yet' lum ya'lical Jericó to nab'a palma, masnto tzc'och lum 'a Sóar.